Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы 2024-2025 оқу жылғы жұмыс жоспарына сәйкес жалпы білім беретін пәндер бойынша оқушылардың республикалық олимпиадасының облыстық кезеңін өткізеді.
Олимпиаданың мақсаттары мен міндеттері: оқушылардың шығармашылық қабілеттерін дамыту, теориялық білімдері мен тәжірибелік ептілігін тереңдету, жеке тұлғаның өзін-өзі танытуына, дарынды балаларды анықтауға жағдай жасау, халықаралық олимпиадаларға қатысушыларды іріктеу және дайындау, еліміздің білім беру беделін арттыру.
Олимпиада 15 пән бойынша жалпы білім беру ұйымдарының 9-11 сынып оқушылары арасында өткізіледі. Нәтижесінде 11-сынып оқушысы Жұмабекқызы Әлия Қазақстан тарихынан ІІІ орын, пән мұғалімі М.М.Жұмабеков, орыс тілі пәнінен 9-сынып оқушысы Қанат Жанеля ІІ орын, пән мұғалімі А.М.Есимханова, 10-сынып оқушысы Садвокасова Жанель ІІІ орын, пән мұғалімі Н.О.Жакупова, 11-сынып оқушысы Тезекбаева Милана ІІІ орын, пән мұғалімі А.М.Есимханова.
