Шарбақты ауданының білім бөлімінің Абай Құнанбаев атындағы жалпы орта білім беру мектебінде «Ауылдық аймақтағы тірек мектептерінің әлеуетін арттыру» жобасы аясында материалдық-техникалық база толық жаңартылып, заманауи құрал-жабдықтармен және барлық қажетті музыкалық аспаптармен қамтамасыз етілді.
Жобаның негізгі мақсаты – ауыл оқушыларына сапалы білім беру мүмкіндіктерін кеңейту, олардың шығармашылық, зияткерлік және ұлттық құндылықтарға деген қызығушылығын арттыру. Осы бағытта қосымша білім беру аясында «STEM және робототехника», «Art студия», «Теле студия», тоғызқұмалақ, шахмат, шашки үйірмелері және домбыра үйірмесі жүйелі түрде жұмыс жүргізуде.
Аталған үйірмелер оқушылардың логикалық ойлау қабілетін дамытып, шығармашылық әлеуетін ашуға, заманауи технологияларды меңгеруге және ұлттық өнерді дәріптеуге зор мүмкіндік беріп отыр.
https://www.instagram.com/reel/DTz1jsZiPPx/?igsh=OXl5dDA5dGZjN2pj
