Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

«Адал азамат» біртұтас тәрбие бағдарламасы негізінде «Балалар кітапханасы» және «Кітап оқитын ұлт» жобасы аясында 25 қазан – Республика күніне орай кітапханада «Республика күні – елдігімнің бастауы» атты викториналық ойын ұйымдастырылды.
Мақсаты – оқушыларға Республика күнінің маңызын түсіндіру, Қазақстан Республикасының тарихы, мемлекеттік рәміздері, ұлттық құндылықтары мен жетістіктері туралы білімдерін кеңейту, отансүйгіштікке және елін құрметтеуге тәрбиелеу.
Викториналық ойын барысында қатысушыларға еліміздің тарихы, тәуелсіздігі, мемлекеттік рәміздері, Ата Заңы және туған жер туралы түрлі сұрақтар қойылды. Оқушылар өз білімдерін ортаға салып, сұрақтарға белсенді түрде жауап берді. Ойын қызықты әрі тартымды өтіп, қатысушылардың танымдық қабілеттерін арттыруға ықпал етті.

https://www.instagram.com/reel/De1hD2Ju5WH/?psln=NWd4a3g2ZzhqZnQ4

“Жаны ашымастың басы ауырмас” Дәл осы тақырыппен «Сенімен Болашақ»РҚБ ,Шарбақты ауданы жанашырлары Ербол Жарылқапұлы мен Айгүл Нәбиқызы және Даурен Калдыбаевтың ұйымдастыруымен ортақ мүдде адами құндылық, азаматтық жауапкершілік пен ұрпақ болашағына жанашырлық танытатын жандардың басын қосқан шара өтті.Азаматтық қоғамның , саналы азаматтарын артыруға, отбасы құндылықтарын насихаттауға, ұрпақ тәлім- тәрбиесі аясында ағартушылық бағытта, бірлестіктің САНАЛЫ АТА-АНА АКАДЕМИЯСЫ бағыттары бойынша іс- шаралар мен әлеуметтік жобаларды жүзеге асыру үшін Шарбақты ауданы білім бөлімі және аудандық кәсіп одақ ұйымы мен өзара ынтымақтастық келісім шартына қол қойылды.Аудандық білім бөлімі басшысы Дәурен Қалдыбайұлы бірлестік жанашыры қатарына қосылып, аудан жанашырларымен бірге елге қызметте әрдайым «СЕНІМЕН БОЛАШАҚ» РҚБ мен бірге болатынын жеткізді.👏Осындай игі шаралардың өтуіне бастамашы болған бірлестік жанашырлары @erkegalizhangazy , Ербол Жарылқапұлы мен @aigul_syzdykova1 бастаған @bakustarzhangozin @khyzyrzhanarys мырзалар қостаған жанашырларға шын жүректен алғыс білдіреміз.
Аудандық білім бөліміне шын жүректен алғыс айтамыз!Елге қызмет- ортақ жауапкершілік!
Жанашырлық- құндылықтың өзегі.

https://www.instagram.com/reel/Devd13ZIm4h/?obrf=ZDdtdW5kYzh4bHlq

2026 жылғы 16 қазанда мектепте Ата-аналарды педагогикалық қолдау орталығының жоспарына сәйкес «Балалардың қауіпсіздігі» тақырыбында кезекті отырыс өткізілді.
Кездесудің негізгі мақсаты – ата-аналардың бала қауіпсіздігін қамтамасыз етудегі жауапкершілігін арттыру, балалардың өмірі мен денсаулығына төнуі мүмкін қауіп-қатерлердің алдын алу жолдарын түсіндіру, сондай-ақ отбасында және қоғамдық ортада қауіпсіз мінез-құлық дағдыларын қалыптастырудың маңыздылығын ұғындыру.
Отырыс барысында балалардың үйдегі, мектептегі, көшедегі және интернет кеңістігіндегі қауіпсіздігін қамтамасыз ету, әлеуметтік желілерді дұрыс әрі қауіпсіз пайдалану, жеке ақпараттарды қорғау, бейтаныс адамдармен қарым-қатынас кезіндегі сақтық шараларын сақтау мәселелері кеңінен талқыланды.
Сонымен қатар, буллинг пен кибербуллингтің алдын алу, балалардың психологиялық және эмоционалдық жағдайына назар аудару, құқық бұзушылықтардың алдын алу, жасөспірімдердің бос уақытын тиімді ұйымдастыру, ата-аналардың бала тәрбиесіндегі жауапкершілігі және отбасындағы бақылау мен қолдаудың маңыздылығы туралы түсіндіру жұмыстары жүргізілді.

https://www.instagram.com/reel/DerBT_aOcp1/?obrf=Y3cyOWgzbGViM2lj

2026 жылғы 16 қазанда 10-сынып оқушыларының ата-аналарына арналған «Жасөспірімге қиын кезеңдер мен дағдарыстық жағдайларды жеңуге қалай көмектесу керек?» тақырыбында ата-аналар жиналысы өткізілді.
Жиналыстың мақсаты – ата-аналардың жасөспірімдік кезеңдегі психологиялық ерекшеліктер туралы түсініктерін кеңейту, балаларға қиын жағдайларда қолдау көрсету дағдыларын қалыптастыру, ата-ана мен бала арасындағы сенімді қарым-қатынасты нығайту және дағдарыстық жағдайлардың алдын алу.
Жиналыс барысында жасөспірімдік кезеңнің психологиялық және эмоционалдық ерекшеліктері, балалардың қауіпсіздігі, психологиялық саулығы, суицидтік мінез-құлықтың алдын алу, құрдастарымен қарым-қатынасы, оқу барысында кездесетін қиындықтар, оқушылардың тәртібі мен жауапкершілігі, отбасындағы тәрбиенің маңызы және ата-аналардың бала өміріндегі рөлі туралы маңызды мәселелер талқыланды.
Сонымен қатар, жасөспірімдердің мінез-құлқындағы өзгерістерге дер кезінде назар аудару, олардың эмоционалдық жағдайын бақылау, күйзеліс пен дағдарыстық жағдайлардың алғашқы белгілерін байқау және қажетті жағдайда мамандардың көмегіне жүгінудің маңыздылығы түсіндірілді.
Ата-аналарға балаларымен ашық әрі сенімді қарым-қатынас орнату, олардың пікірін құрметтеу, мұқият тыңдау, сезімдерін түсіну, өзгелермен салыстырмау, орынсыз сын айтудан аулақ болу және қиын сәттерде жанынан табылып, қолдау көрсету жөнінде пайдалы кеңестер берілді.
Балаға ең қажет нәрсе – оны түсінетін, тыңдайтын, сенім білдіретін және қандай жағдайда да қолдау көрсететін ата-ана!
Отбасындағы сүйіспеншілік, сенім мен өзара түсіністік – жасөспірімнің психологиялық саулығының, тұлғалық дамуының және жарқын болашағының берік негізі.

https://www.instagram.com/p/DeqrQfejmJ4/?xtok=eTVrM2l3bG54NzVz

2026 жылдың 3 маусымында Абай Құнанбаев атындағы ЖОББМ-нің ұйымдастыруымен және Сенімен Болашақ @senimenbolashaq @senimen_pavlodar жанашырларының бастамасымен «Біртұтас тәрбие бағдарламасы аясында «Бірлік және Ынтымақ» құндылықтарын негізге ала отырып, достық қарым-қатынасты нығайту және салауатты өмір салтын насихаттау мақсатында мектебіміздің әкелер кеңесінің мүшелері арасында волейбол ойыны өткізілді.

Қызу бәсекеге  25-ке жуық әке атсалысып, ойын ойнап, жарыс соңында дастархан басында өсиет айтып, ұрпаққа үлгі боларлық тағылымды әңгімелер өрбітті.

* Аталмыш шара әкелердің қоғамдағы белсенділігін арттырып, отбасы құндылықтарын нығайтуға өз үлесін қосады.

 https://www.instagram.com/reel/DZJ7w0NOeQq/?igsh=d2Rob2toZW5xMmMy

6 - 9 сынып ата - аналарына арналған кезекті отырыс “ТӘЖІРИБЕНІ ҰҒЫНУ ЖӘНЕ ІШКІ КҮШ” тақырыбында өтті.
Мақсаты: ата-аналарға бала үшін қауіпсіз және тұрақты атмосфераны құру- дағы рөлін түсінуге көмектесу.
Міндеттері:
- балалардың эмоцияларын қолдау және түсіну дағдыларын дамыту;
- болжау, рәсімдер және қолдау балаларға өздерін сенімді сезінуге қалай көмектесетінін көрсету. Ата - аналар тығыз байланыста пікірталас туындай отырып, отырыста жан - жақты талқылау жүргізілді. Ата - аналар үшін мол ақпарат берілді. Әр ата - анаға жаднама таратылды.

https://www.instagram.com/reel/DYgjIxqojDy/?igsh=dngzZG93MDJnb201

1-4 сынып оқушылардың ата - аналарына арналған “Педагогикалық қолдау орталығының” кезекті отырысы “ЖЕКЕ ҚАУІПСІЗДІК ЖӘНЕ БАЛАНЫ ЗОРЛЫҚ-ЗОМБЫЛЫҚТАН ҚОРҒАУ” тақырыбында өткізілді.
Мақсаты: ата-аналардың баланың жеке қауіпсіздігін қамтамасыз ету, оның жеке шекараларын сақтау, зорлық-зомбылық белгілерін дер кезінде тану және дабыл сигналдарына сай әрекет ету бойынша дайындығын қалыптастыру.
Міндеттері:
• зорлық-зомбылықтың түрлері және оның салдары туралы ақпараттандыру;
• баланың жеке қауіпсіздігін қамтамасыз етудің мәні, оның түрлері (физикалық, психологиялық, жыныстық, немқұрайлылық) және баланың дамуындағы маңызы туралы түсініктерін кеңейту;
• баланың зорлық-зомбылықты тану және анықтау қабілетін, ересектермен сенімді қарым-қатынас болмағанда бас тарту дағдыларын, зорлық-зомбылықтың салдарына саналы көзқарасын қалыптастыру бойынша әдіс-тәсілдері үйрету;
• баланың өзін қалай қорғай алатынын және балаға қатысты зорлық-зомбылыққа күдік туындаған кезде ата-ананың қалай әрекет ету керектігін талқылау;
• баланың жеке шекарасы қалай қалыптасатынын түсіндіру;
• ата-аналарға баланың үйдегі, мектептегі және интернеттегі қауіпсіздігіне қалай үлес қоса алатынын көрсету.

https://www.instagram.com/p/DYeW7_WCEpq/?img_index=4&igsh=NHN1czcwdTcwdXEy

Бүгін жоғары сынып оқушыларымен жеке кеңістік пен эмоционалдық шекараны тануды үйрету, зорлық-зомбылықтың алғашқы белгілерін (ред флагтарды) ажырату және өзін қорғау дағдыларын қалыптастыру мақсатында «Жеке шекара және зорлық-зомбылық: көремін, түсінемін, әрекет етемін» атты маңызды психологиялық сабақ өтті.