Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылдың 3 маусымында Абай Құнанбаев атындағы ЖОББМ-нің ұйымдастыруымен және Сенімен Болашақ @senimenbolashaq @senimen_pavlodar жанашырларының бастамасымен «Біртұтас тәрбие бағдарламасы аясында «Бірлік және Ынтымақ» құндылықтарын негізге ала отырып, достық қарым-қатынасты нығайту және салауатты өмір салтын насихаттау мақсатында мектебіміздің әкелер кеңесінің мүшелері арасында волейбол ойыны өткізілді.

Қызу бәсекеге  25-ке жуық әке атсалысып, ойын ойнап, жарыс соңында дастархан басында өсиет айтып, ұрпаққа үлгі боларлық тағылымды әңгімелер өрбітті.

* Аталмыш шара әкелердің қоғамдағы белсенділігін арттырып, отбасы құндылықтарын нығайтуға өз үлесін қосады.

 https://www.instagram.com/reel/DZJ7w0NOeQq/?igsh=d2Rob2toZW5xMmMy

6 - 9 сынып ата - аналарына арналған кезекті отырыс “ТӘЖІРИБЕНІ ҰҒЫНУ ЖӘНЕ ІШКІ КҮШ” тақырыбында өтті.
Мақсаты: ата-аналарға бала үшін қауіпсіз және тұрақты атмосфераны құру- дағы рөлін түсінуге көмектесу.
Міндеттері:
- балалардың эмоцияларын қолдау және түсіну дағдыларын дамыту;
- болжау, рәсімдер және қолдау балаларға өздерін сенімді сезінуге қалай көмектесетінін көрсету. Ата - аналар тығыз байланыста пікірталас туындай отырып, отырыста жан - жақты талқылау жүргізілді. Ата - аналар үшін мол ақпарат берілді. Әр ата - анаға жаднама таратылды.

https://www.instagram.com/reel/DYgjIxqojDy/?igsh=dngzZG93MDJnb201

1-4 сынып оқушылардың ата - аналарына арналған “Педагогикалық қолдау орталығының” кезекті отырысы “ЖЕКЕ ҚАУІПСІЗДІК ЖӘНЕ БАЛАНЫ ЗОРЛЫҚ-ЗОМБЫЛЫҚТАН ҚОРҒАУ” тақырыбында өткізілді.
Мақсаты: ата-аналардың баланың жеке қауіпсіздігін қамтамасыз ету, оның жеке шекараларын сақтау, зорлық-зомбылық белгілерін дер кезінде тану және дабыл сигналдарына сай әрекет ету бойынша дайындығын қалыптастыру.
Міндеттері:
• зорлық-зомбылықтың түрлері және оның салдары туралы ақпараттандыру;
• баланың жеке қауіпсіздігін қамтамасыз етудің мәні, оның түрлері (физикалық, психологиялық, жыныстық, немқұрайлылық) және баланың дамуындағы маңызы туралы түсініктерін кеңейту;
• баланың зорлық-зомбылықты тану және анықтау қабілетін, ересектермен сенімді қарым-қатынас болмағанда бас тарту дағдыларын, зорлық-зомбылықтың салдарына саналы көзқарасын қалыптастыру бойынша әдіс-тәсілдері үйрету;
• баланың өзін қалай қорғай алатынын және балаға қатысты зорлық-зомбылыққа күдік туындаған кезде ата-ананың қалай әрекет ету керектігін талқылау;
• баланың жеке шекарасы қалай қалыптасатынын түсіндіру;
• ата-аналарға баланың үйдегі, мектептегі және интернеттегі қауіпсіздігіне қалай үлес қоса алатынын көрсету.

https://www.instagram.com/p/DYeW7_WCEpq/?img_index=4&igsh=NHN1czcwdTcwdXEy

Бүгін жоғары сынып оқушыларымен жеке кеңістік пен эмоционалдық шекараны тануды үйрету, зорлық-зомбылықтың алғашқы белгілерін (ред флагтарды) ажырату және өзін қорғау дағдыларын қалыптастыру мақсатында «Жеке шекара және зорлық-зомбылық: көремін, түсінемін, әрекет етемін» атты маңызды психологиялық сабақ өтті.

2026 жылғы 28 сәуірде «Мәдениет заңнан басталады: заманауи әлемдегі жауапты ата-ана» атты ата-аналар форумы өтті.
Форумның басты мақсаты – отбасы мен мектеп арасындағы тығыз байланысты дамыту, балалардың қауіпсіз әрі табысты болашағын қамтамасыз ету, құқықтық мәдениетті қалыптастыру және әрбір ата-ананың жауапкершілігін арттыру болды.
Аталған кездесу – ортақ мәселелерге бейжай қарамай, бірлесе шешім қабылдауға бағытталған маңызды алаңға айналды.
Форумға арнайы шақырылған спикерлер:
Аязбаева Дана Қайратқызы – Шарбақты ауданы полиция бөлімінің кәмелетке толмағандар істері жөніндегі инспекторы;
Сүлейменов Миржан Бүркітұлы – Шарбақты ауданы төтенше жағдайлар бөлімінің аға инженері, азаматтық қорғау лейтенанты мазмұнды баяндамалар жасап, өзекті мәселелер бойынша құнды ақпараттармен бөлісті.
Форум барысында күн тәртібіне сәйкес келесі маңызды мәселелер қарастырылды:
1. Құқық бұзушылықтың алдын алу:
«Буллинг және заң»;
«Вандализм және ата-ананың жауапкершілігі»;
«Коменданттық сағат»;
«Нөлдік төзімділік» қағидаты.
2. Киберқауіпсіздік және цифрлық мәдениет:
«Дропперлік және заңсыз әрекеттерге тарту»;
«Цифрлық гигиена»;
«Жеке деректерді қорғау»;
«Кибербуллинг және цифрлық із»
https://www.instagram.com/reel/DXsrrd6E704/?igsh=cmQ3M3BrcTVpb2oy

“Ата - аналарды педагогикалық қолдау” орталығы 10–11 сынып оқушылары ата - аналарына арналған ЖЕКЕ ШЕКАРА ЖӘНЕ ҚОЛДАУ: ЖАСӨСПІРІМГЕ ҚИЫНДЫҚТАРДЫ ЖЕҢУДЕ ҚАЛАЙ КӨМЕКТЕСУГЕ БОЛАДЫ атты сабағы өткізілді.Мақсаты: жасөспірімдердің ата-аналарында жасөспірім кездегі жеке шека- ралар мен психологиялық қолдаудың маңыздылығы туралы түсінік қалыпта- стыру, жасөспірімнің сенімі мен эмоционалды тұрақтылығын нығайтуға ықпал ететін сындарлы өзара әрекеттесу дағдыларын дамыту. Міндеттері: ‣ жасөспірімнің жеке шекаралары ұғымымен және оларға деген құрметпен таныстыру; ‣ бақылау мен қолдау арасындағы айырмашылықты анықтауға үйрету; ‣ жасөспіріммен қарым-қатынастың жасаудың өзіндік стилін түсінуге көмектесу; ‣ жасөспірімге көмек сигналдарын байқауға үйрету; ‣ баланың тәжірибесі мен дамуы үшін кеңістікті қамтамасыз ету; ‣ ата-ана мен жасөспірімнің сенімін жоғалту қаупіне қарсы тұру үшін ашық, сыйластық диалогының құндылығын ашу; ‣ отбасындағы эмоционалды климат үшін ата-аналардың жауапкершілігін арттыру.

https://www.instagram.com/p/DXEeiwWiC0J/?igsh=MTI4Ymdvc204aDB3ZQ==

2026 жылдың 3 сәуірінде мектебімізде ерекше білімді қажет ететін балалардың ата-аналарына арналған «Ерекше білім беру қажеттіліктері бар балаларға ата-ана ретінде қалай жақын болу керек» атты шеберлік сағаты өткізілді. Іс-шараның басты мақсаты – ата-аналарды инклюзия кабинетімен таныстыру және олардың балаларының дамуына қажетті құралдармен жұмыс істеу әдістерін көрсету болды.
Шеберлік сағаты барысында қатысушыларға инклюзия кабинетінің толық жабдықталуы көрсетілді. Кабинет заманауи жаңа құрал-жабдықтармен қамтамасыз етілген, бұл балалардың жан-жақты дамуына, соның ішінде сөйлеу, танымдық және ұсақ моторикалық дағдыларын жетілдіруге мүмкіндік береді.
Ата-аналарға дидактикалық материалдар, үлестірмелі құралдар және түрлі тренажерлармен жұмыс жүргізу жолдары түсіндірілді. Қатысушылар практикалық жаттығулар арқылы балаларымен бірге қолдануға болатын әдістерді үйренді.
Шеберлік сағаты барысында ата-аналар белсенділік танытып, өз пікірлері мен ұсыныстарымен бөлісті. Ата-аналар іс-шараның өте пайдалы екенін айтып, жаңа ақпарат алып, практикалық дағдыларды меңгергендерін атап өтті.
Бұл шеберлік сағаты инклюзиялық білім беру үдерісіне ата-аналардың белсенді қатысуын арттыруға және балалардың дамуына қажетті жағдай жасауға үлкен үлес қосатыны анық көрінді.

https://www.instagram.com/reel/DWs8NUdiMUr/?igsh=cjRjdDRrNHNsc2xs

ЗОРЛЫҚ-ЗОМБЫЛЫҚҚА ЖОЛ ЖОҚ: ШЕКАРАҢДЫ ТАНЫ, ҚОРҒАНУДЫ ҮЙРЕН тақырыбында 5— сынып оқушыларымен кезекті сабағы өткізілді.
Мақсаты:
Жасөспірімдерде зорлық-зомбылық мәселесіне саналы көзқарасты қалып- тастыру, жеке шекараның маңыздылығын түсіндіру және оны күнделікті өмірде қорғау дағдыларын дамыту.
Міндеттері:
Жасөспірімдерге қауіпсіздік пен зорлық-зомбылық ұғымдарын салысты- ру арқылы зорлық-зомбылықтың әртүрлі түрлерінің қаупін көрсетіп, оларды қа- уіпті жағдайларды тануға үйрету.
Балалармен жеке шекара және оны бұзатын қарым-қатынас туралы талқылау; бас тартудың, қорғанудың және көмек сұраудың сенімді тәсілдерін көрсету; осындай жағдайларды тану және анықтау қабілетін дамыту.
Зорлық-зомбылық орын алған немесе қауіп төнген жағдайда әрекет ету- дің қауіпсіз түрлері мен көмек сұрау алгоритмдерін үйрету.

https://www.instagram.com/p/DWqvAM9iFWg/?img_index=2&igsh=MWR6aml5ZGY1aTQxeQ==