Ата – аналарды педагогикалық қолдау орталығы ұйымдастырылған жиналыс.
Тақырыбы: «Жасөспірімге қиын кезеңдер мен дағдарыстық жағдайларды жеңуге қалай көмектесу керек?»
Мақсаты: ата-аналардың жасөспірімге дағдарыстық жағдайларда қолдау көрсету дағдыларын қалыптастыру.
Күтілетін нәтижелер:
- Жасөспірімнің эмоционалдық жағдайын және оның қажеттіліктерін түсіну;
- Жасөспіріммен сенімді қарым-қатынас орнату және оны сақтай білу;
- Қиын жағдайларда баланы тыңдауға және қолдау көрсетуге дайын болу.
Қыркүйек айында 10-сынып оқушыларының ата-аналарына арналған жиналыс өткізілді.
🎯 Жиналыстың мақсаты – ата-аналардың жасөспірімдерге қиын кезеңдерде қолдау көрсету дағдыларын қалыптастыру, бала мен ата-ана арасындағы сенімді қарым-қатынасты нығайту.
Жиналыс барысында жасөспірімдік кезеңнің психологиялық ерекшеліктері, балалардың эмоционалдық жағдайы, құрдастарымен қарым-қатынасы, оқу барысындағы қиындықтары және дағдарыстық жағдайлардың алдын алу мәселелері талқыланды.
Ата-аналарға баланы мұқият тыңдау, оның сезімдерін түсіну, сын айтудан және өзгелермен салыстырудан аулақ болу, қиын сәттерде қолдау көрсету жөнінде пайдалы кеңестер берілді.
🤝 Балаға ең қажет нәрсе – оны түсінетін, тыңдайтын және әрдайым қолдайтын ата-ана!
Отбасындағы сенім мен түсіністік – жасөспірімнің тұлғалық дамуы мен эмоционалдық саулығының маңызды негізі.
https://www.instagram.com/p/DeqrQfejmJ4/?xtok=eTVrM2l3bG54NzVz
