Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

https://www.instagram.com/p/DdWJsb3uVqb/?stkn=MW84dXd2emlsaHRvaw==

https://www.instagram.com/p/DdYRL6IOmXq/?stkn=MWxiNTI3MTJva3RyMQ==

https://www.instagram.com/p/DdYRV1ojijc/?stkn=MXFxcjE0dmxvaGx2ag==

https://www.instagram.com/p/DdYRXdgupHK/?stkn=YW1wbnVvMmZkNzN1

https://www.instagram.com/reel/Ddb8eI5ONvl/?stkn=MXczd2dsZG5ud3NneA==

https://www.instagram.com/reel/DddYu7-uUk_/?stkn=OHhheWlsM3Y3MGhw

14 қыркүйек күні мектебімізде 1–11 сынып оқушылары арасында еңбекқорлық, жауапкершілік және адалдық құндылықтарын дәріптеуге бағытталған тәрбие сағаттары мен қауіпсіздік сабақтары өткізілді.
🔹 1–4 сыныптар – «Еңбек пен жауапкершілік отбасынан басталады»
🔹 5–8 сыныптар – «Адал еңбек — лайықты адамның негізі»
🔹 9–11 сыныптар – «Еңбек — табыстың кілті»
Адал еңбек – жарқын болашақтың бастауы!

https://www.instagram.com/p/DdS90f4ADia/?stkn=dzMyMnBqeGV5ZGR6

Отбасы күніне орай Ерлановтар отбасы «Отбасым 2026» челленджіне қатысып, отбасылық құндылықтарды дәріптейтін бейнеролик ұсынды.
Сагидолда Ұлан Ерланұлы Қазақстан Республикасы Ұлттық қауіпсіздік комитетінің Павлодар облысы бойынша департаментінің Шарбақты ауданындағы шекаралық бақылау бөлімінің бастығы қызметін атқарса, Жумасилова Меруерт Ерасылқызы Шарбақты аудандық ауруханасында дәрігер-нефролог, жалпы тәжірибелік дәрігер болып қызмет атқарады.
Отбасы – мейірім мен сүйіспеншіліктің, өзара құрмет пен қолдаудың мекені.
Ерлановтар отбасы «Отбасым 2026» челленджін келесі отбасына жолдайды!

https://www.instagram.com/reel/DdLUt1RggW3/?stkn=MXZwcjBrbWFwdTNkOQ==

https://www.instagram.com/reel/DdNyn07I7-n/?stkn=azlld3puajRsZzYy

https://www.instagram.com/reel/DdOQ3oJOy0m/?stkn=MWp2NjhhYnJiemZxdg==

https://www.instagram.com/reel/DdO8L6kAZ_Q/?stkn=cTBrcXZmZXI1ZnFo

 2026 жылғы 11 қыркүйекте мектебімізде салауатты өмір салтын насихаттау, денсаулықты нығайту және оқушылар мен педагогтердің спортқа деген қызығушылығын арттыру мақсатында «Денсаулық күні» ұйымдастырылды.
«Денсаулық күні» іс-шарасының ашылу салтанаты Қазақстан Республикасының Мемлекеттік Әнұранымен басталды. Оқу ісі жөніндегі директордың орынбасары Айман Серихханқызы қатысушыларға құттықтау сөз сөйлеп, денсаулықты сақтау, спортпен шұғылдану және белсенді өмір салтын ұстанудың маңыздылығын атап өтті.
Ашылу барысында оқушылар көңілді музыкамен фитнес жаттығуларын орындап, спорттық шараларға белсенді қатысуға жақсы көңіл күймен кірісті.
Шара барысында түрлі спорттық және сауықтыру шаралары өткізілді:
«Көңілді старт» эстафетасы;
футбол ойыны;
волейбол ойыны;
«Сау болу керемет!» суреттер байқауы.
Барлық іс-шаралар қызықты әрі көтеріңкі көңіл күйде өтті. Оқушылар мен педагогтер шапшаңдық, ептілік, төзімділік танытып, командалық бірлік пен өзара қолдаудың маңыздылығын көрсетті.
Әрбір өткізілген шараның қорытындысы бойынша жеңімпаздар мен белсенді қатысушылар марапатталды.
Денсаулық – зор байлық!
Спортты серік етіп, салауатты өмір салтын бірге қалыптастырайық!

https://www.instagram.com/reel/DdJjmv7AGLm/?stkn=MWdrMTN6M3JhcW1hbw==

2026 жылғы 10 қыркүйекте Отбасы күніне орай «Атадан қалған асыл сөз» тақырыбында қыз балаларға арналған дөңгелек үстел ұйымдастырылды.
Шараның негізгі мақсаты – әжелеріміздің өмірлік тәжірибесі мен өнегелі ақыл-кеңестерін қыз балаларға жеткізу, ұлттық тәрбиені дәріптеу және отбасылық құндылықтарды насихаттау.
Дөңгелек үстел шай үстінде, еркін әрі жылы әңгіме форматында өтті. Әжелеріміз қыз балаларға қыз балаға тән әдептілік, инабаттылық, ұқыптылық, үлкенді сыйлау, өзін дұрыс ұстау туралы ақыл-кеңестерін айтып, өздерінің өмірлік тәжірибелерімен бөлісті.
Шара барысында қыз балалар өздерін қызықтырған сұрақтарын қойып, әжелердің өнегелі әңгімелерін тыңдады.
Осындай жүрекке жылы кездесулер – ұрпақтар сабақтастығын нығайтып, қыз балаларға ұлттық тәрбиені бойына сіңіруге үлкен ықпал етеді.
Әже сөзі – өнеге, әже тәрбиесі – ұрпаққа аманат!

https://www.instagram.com/reel/DdIfScDIbNl/?stkn=bGNib2UyeDQwMzk5

Мектебімізде оқушылардың денсаулығын нығайту, салауатты өмір салтын қалыптастыру және күнді көтеріңкі көңіл күймен бастау мақсатында күнделікті таңғы жаттығу ұйымдастырылады.
Қимыл-қозғалыс – денсаулықтың кепілі! Таңғы жаттығу оқушыларға сергектік сыйлап, сабаққа деген көңіл күйі мен белсенділігін арттыруға ықпал етеді.
Спортпен дос болайық, денсаулығымызды бірге нығайтайық!
Дені сау ұрпақ – ел болашағы!

https://www.instagram.com/reel/DdEE6LDu13U/?stkn=bXFnd2pvbHdtbDFt

2026 жылғы 8 қыркүйекте «Адал азамат» біртұтас тәрбие бағдарламасы аясында, «Отбасы: дәстүрден қазіргі заманға» тақырыбындағы апталық барысында мектебімізде «Ұрпақтар сабақтастығы – ұлт болашағы» атты тәрбиелік іс-шара подкаст форматында ұйымдастырылды.
Іс-шараның негізгі мақсаты – отбасы құндылықтарын дәріптеу, ата-ананың бала тәрбиесіндегі рөлін айқындау, үлкенді құрметтеу, кішіге қамқор болу, еңбекқорлық, мейірімділік пен жауапкершілік қасиеттерін оқушылардың бойына сіңіру.
Подкасттың қонақтары – отбасы мен қызметті қатар алып жүрген ардақты аналарымыз Жарова Ариана Жумагельдыевна және Шәріпқұлова Динара Жомартқызы. Қонақтар оқушылармен ашық әрі еркін форматта сұхбаттасып, өздерінің өмірлік тәжірибелерімен бөлісті.
Подкаст барысында отбасы мен жұмысты қатар алып жүру, балаға уақыт бөлу, бала тәрбиесіндегі маңызды құндылықтар, баланың қателігіне дұрыс көзқарас, білім мен еңбекке баулу, отбасындағы міндеттер мен дәстүрлер туралы тағылымды әңгіме өрбіді.
Ерекше бөлімде Динара Жомартқызы егіз қыздары Әлия мен Мәншүктің тәрбиесі, олардың мінез ерекшеліктері және егіз балаларды тәрбиелеудің қырлары туралы әңгімеледі.
Кездесудің тағылымды сәттерінің бірі – аналардың оқушыларға арнаған ақыл-кеңестері болды. Олар балаларды ата-ананы құрметтеуге, білімге ұмтылуға, еңбекқор, мейірімді болуға және өз армандарынан ешқашан бас тартпауға шақырды.
Оқушылар да өз отбасылары туралы жылы лебіздерін білдіріп, отбасының өз өмірлеріндегі орны мен маңызы туралы ойларымен бөлісті.
Қонақтарымызға уақыт бөліп, оқушылармен өз тәжірибелерімен бөлісіп, құнды кеңестері мен жүрекжарды тілектерін жеткізгендері үшін шын жүректен алғыс білдіреміз!

https://www.instagram.com/reel/DdCOjlMuUma/?stkn=OWh5aDBycXJ6bm9o

2026 жылғы 7 қыркүйекте «Адал азамат» біртұтас тәрбие бағдарламасы негізінде, Отбасы күнін мерекелеу қарсаңында мектебімізде «Отбасы: дәстүрден қазіргі заманға» атты апталық аясында 6-сынып оқушыларымен «Үлкендердің батасы» атты тәрбиелік кездесу ұйымдастырылды.
Кездесудің негізгі мақсаты – оқушыларға отбасы құндылықтарын дәріптеу, үлкенді сыйлау, ата-ананы құрметтеу, ізеттілік пен адамгершілік қасиеттерді қалыптастыру, халқымыздың ғасырлар бойы жалғасып келе жатқан дәстүрлерін насихаттау.
Тәрбиелік кездесуге арнайы шақырылған Әділұлы Райымбек Қажы оқушылармен ашық әңгімелесіп, отбасындағы үлкендердің орны, ата-ананы құрметтеу, амандасудың маңыздылығы жөнінде өз ойымен бөлісті. Сонымен қатар өмірлік тәжірибесінен өнегелі әңгімелер айтып, жас ұрпаққа ақыл-кеңесін жеткізді.
Кездесудің ең әсерлі сәті – оқушылардың ақсақалдан ақ бата алуы болды.
«Батаменен ел көгерер, жаңбырменен жер көгерер» деген халқымыздың даналық сөзі бүгінгі шараның мәнін айқындай түсті. Ақ бата – үлкеннің кейінгі ұрпаққа деген ақ тілегі ғана емес, тәрбиелік мәні терең рухани аманат.
Оқушылар өз ризашылықтарын білдіріп, Райымбек ағаға мықты денсаулық, ұзақ ғұмыр, отбасына амандық пен шаңырағына құт-береке тіледі.
Атадан балаға – ақыл қалсын,
Әжеден немереге – өнеге қалсын,
Үлкеннің батасы – ұрпаққа аманат болсын!
Осындай тағылымды кездесулер арқылы ұлттық құндылықтарымызды дәріптеп, үлкенді құрметтейтін, отбасын қадірлейтін, жауапкершілігі мол Адал азамат тәрбиелеу – басты міндетіміз.

https://www.instagram.com/reel/DdCB8MwhLJP/?stkn=MWQzaTRhMGhvZmljag==