Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

“Адал азамат” біртұтас тәрбие бағдарламасы негізінде, 8 наурыз – Халықаралық әйелдер күні қарсаңында 2026 жылғы 6 наурызда мектебімізде «Қыз – ұлттың ұяты, халықтың шырайы» тақырыбында дөңгелек үстел өтті.
Шараға «Нұр-ана әлемі» қоғамдық бірлестігінің апалары, мектеп директоры Жакупова Н.Ө, қолөнерші Қатай А, қазақ тілі мен әдебиеті пәні мұғалімі Серікхан Айман, сондай-ақ 9–11 сыныптың қыздары қатысты.
Кездесу барысында қазақ қызының тәрбиесі, ұлттық құндылықтарды сақтау, жаһандану дәуіріндегі қазақ қызының бейнесі, ана тіліне құрмет және әлеуметтік желідегі мәдениет туралы мазмұнды пікір алмасу өтті.
Шараның ерекше бөлігінің бірі – «Құндылықтар моншағы» тренинг элементі болды. Оқушылар мен аналар қазақ қызына тән қасиеттерді атап, олардың маңыздылығы туралы ой бөлісті.
Кездесу соңында ақ жаулықты аналарымыз ақ батасын беріп, қыздарға өнегелі тілектерін арнады.
Бұл тағылымды басқосу жас ұрпақтың бойына инабаттылық, білімге құштарлық, ұлттық құндылықтарды құрметтеу сияқты қасиеттерді дарытуға бағытталды.
Қазақ қызы – ұлттың айнасы, халықтың шырайы. Сондықтан әр қыз өз тәрбиесімен, білімімен және мәдениетімен елінің абыройын асқақтатуы тиіс.

https://www.instagram.com/reel/DVvcXUuiLfx/?igsh=Ym4yeW16enZpaTNy

"Адал азамат" біртұтас тәрбие бағдарламасы негізінде, 8 наурыз халықаралық әйелдер күні мерекесі қарсаңында 2026 жылғы 6 наурызда "Шебер ана" тақырыбы бойынша мектебімізде аналардың шеберлігі мен ұлттық өнерді дәріптейтін ерекше шара – «Шебер ана» қолданбалы қолөнер көрмесі өтті.
Көрмеге арнайы аудандық мұражай мамандары және оқушыларымыздың аналары қатысып, өздерінің туындыларын таныстырды. Олар тек көрініс көрсетіп қана қоймай, оқушыларға қолөнердің қыр-сырын үйретіп, ұлттық дәстүрімізді дәріптеу жолында тәжірибелерімен бөлісті.
Шара барысында көрмеге қатысушылар аналардың шығармашылығы мен еңбекқорлығының үлгісін тамашалады, түрлі ұлттық бұйымдар мен қолөнер туындылары ұсынылды. Әрбір туынды – аналардың шеберлігі мен жүректен шыққан махаббаттың көрінісі.
Көрменің мақсаты – ұлттық өнерді дәріптеу, жас ұрпаққа әсемдік пен еңбекқорлыққа тәрбиелеу, аналардың шығармашылық қабілеттерін қолдау. Бұл іс-шара оқушылар мен аналардың арасындағы байланыс пен шығармашылық ынтымақтастықты нығайтып, мектеп қауымында ерекше мерекелік көңіл-күй туғызды.
Ұлттық дәстүріміз бен өнерімізді дәріптеу – болашаққа қалдырған қымбат қазына. 

https://www.instagram.com/reel/DVu4jSKCOCF/?igsh=MWEweGN2MW1tY3Frcg==

2026 жылғы 5 наурызда мектебімізде қызмет атқаратын аяулы нәзік жанды асыл жандарға арналған оқушыларымыз дайындаған концерттік бағдарламаны тамашаладық.
Мерекелік шара барысында оқушылар ұстаздары мен мектепте еңбек етіп жүрген аруларға арнап әсем ән айтып, мың бұралған би билеп, жүрекжарды жылы лебіздерін білдірді. Әрбір өнер нөмірі көрермендердің көңілінен шығып, мерекелік кештің сәнін арттырды.
Шараның басты мақсаты – әйел-аналардың, ұстаздардың қоғамдағы орны ерекше екенін дәріптеп, оларға құрмет көрсету. Оқушыларымыздың шынайы ықыласпен дайындаған өнерлері барша жанға көтеріңкі көңіл күй сыйлап, мерекенің мәнін арттыра түсті.

https://www.instagram.com/reel/DVhlMZfCJDd/?igsh=b3F0bmlycXR5YW53

Аяулы нәзік жандар күніне арналған іс-шаралар жоспарына сәйкес 11-сынып оқушылары «Менің анам – менің мақтанышым» тақырыбында жүрекжарды эссе жазды.
Оқушылар өз шығармаларында ананың мейірімі мен шексіз махаббатын, отбасыдағы орны мен өмірдегі ең жақын жан екендігін ерекше сезіммен жеткізе білді. Әрбір эсседе анаға деген құрмет, алғыс пен мақтаныш сезімі айқын көрініс тапты.
Бұл шара оқушылардың анаға деген сүйіспеншілігін арттырып, ата-ана еңбегін бағалауға, олардың қамқорлығы мен тәрбиесінің қадірін түсінуге бағытталған тағылымды іс-шара болды.

https://www.instagram.com/reel/DVhb_piCOAJ/?igsh=cmJyamVqcnR3ZHYx

8 наурыз – Халықаралық әйелдер күні мерекесі қарсаңында «Анама арнаймын» атты жүрекжарды шара ұйымдастырылды. 9 «А» сынып оқушылары аналарына телефон шалып, ақ тілектерін арнап, шынайы алғыстарын білдіріп, «Жақсы көремін!» деген ең қымбат сөздерін жеткізді. Балалардың мейірімге толы үні мен ыстық ықыласы аналардың жүрегін елжіретіп, мерекенің мәнін одан әрі тереңдете түсті.

https://www.instagram.com/reel/DVcN0HjCIGW/?igsh=NXEwcTQ5M3YxanNu

8 наурыз – Халықаралық әйелдер күні мерекесіне орай оқушыларымыздың жүрекжарды құттықтауын қабыл алыңыздар!

Аяулы аналар, ардақты әжелер, қадірлі ұстаздар мен нәзік жандылар! Сіздерді көктемнің шуақты мерекесімен шын жүректен құттықтаймыз. Сіздерге зор денсаулық, мол бақыт, отбасыларыңызға амандық пен береке тілейміз! 

https://www.instagram.com/reel/DVgsyKGiAsd/?igsh=dXZtdXZqMm0xYnZ0

Оқушыларымыздың аяулы аналар мен ардақты ұстаздарды келе жатқан 8 наурыз – Халықаралық әйелдер күнімен құттықтауы басталды.
Шәкірттеріміз өздерінің жүрекжарды тілектері мен жылы лебіздерін арнап, аналарға деген шексіз сүйіспеншілігін, ұстаздарға деген құрметін ерекше ықыласпен жеткізуде. Көктемнің шуақты мерекесі қарсаңында айтылған әрбір құттықтау сөзі нәзік жандыларға көтеріңкі көңіл күй сыйлап, мерекенің сәнін арттыра түсті.
Бұл игі бастама аналар мен ұстаздарға деген құрмет пен ризашылықтың айқын көрінісі болды. 🌷

https://www.instagram.com/reel/DVhcE-iCE3C/?igsh=MTdsdnQ3Z3M3NnZwcg==

10-сынып оқушылары барша әйел қауымын 8 наурыз – Халықаралық әйелдер күнімен шын жүректен құттықтайды!

Бұл мереке – мейірім мен нәзіктіктің, қамқорлық пен ізгіліктің мерекесі. Аяулы аналарымызға, ардақты әжелерімізге, қадірлі ұстаздарымызға және барлық нәзік жандыларға зор алғысымызды білдіреміз. Сіздердің еңбектеріңіз бен қамқорлықтарыңыз біз үшін әрқашан қымбат.

Сіздерге зор денсаулық, мол бақыт, отбасыларыңызға амандық пен береке тілейміз. Әрқашан жүздеріңізден күлкі кетпей, көктемдей құлпырып, қуаныш пен шаттыққа 

бөлене беріңіздер!

https://www.instagram.com/reel/DVicuo4iHdl/?igsh=MXhzbHo5ajdmNngxbA== 

8 наурыз – Халықаралық әйелдер күніне орай Абай мектебінде «Ашық микрофон» ұйымдастырылды. Мектебіміздің оқушылары нәзік жандыларға, аяулы аналар мен ардақты ұстаздарға жүрекжарды тілектерін арнап, ізгі ниеттерін білдірді. Көктемнің шуақты мерекесінде айтылған әрбір жылы сөз бен ақ тілек жүректерге қуаныш сыйлады. Барша қыз-келіншектерге бақыт, денсаулық және шаттық тілейміз! 🌷

https://www.instagram.com/reel/DVikje4iFUG/?igsh=MXA3ZjBqbGF2Y3Jieg== 

3 «Б» сыныбының оқушылары аяулы аналарын 8 наурыз – Халықаралық әйелдер күнімен шын жүректен құттықтайды!

Қымбатты аналар! Сіздер бізге мейірім мен жылу сыйлап, әрдайым қамқорлық танытасыздар. Бізге қолдау көрсетіп, дұрыс жол көрсетіп жүргендеріңіз үшін сіздерге үлкен алғыс айтамыз. Сіздер біздің өміріміздегі ең жақын, ең ардақты жандарсыздар.

Сіздерге зор денсаулық, мол бақыт, отбасыларыңызға амандық пен береке тілейміз. Әрдайым жүздеріңізден күлкі кетпей, жүректеріңіз қуанышқа толы болсын! 

Мерекелеріңіз құтты болсын! 

https://www.instagram.com/reel/DVin3j3iPlp/?igsh=MXRqODljN2VibWExMA== 

8 наурыз – Халықаралық әйелдер күні мерекесіне орай 9 «А» сыныбында мерекелік тәрбие сағаты өткізілді.

Шара барысында оқушылар аналарға, әжелерге және ұстаздарға арнап жылы лебіздері мен құттықтауларын білдіріп, өлеңдер оқып, мерекелік көңіл күй сыйлады. Іс-шараның мақсаты – аналарға деген құрмет пен алғыс сезімін арттыру, мейірімділік пен сыйластыққа тәрбиелеу.

Мерекелік тәрбие сағаты көтеріңкі көңіл күйде өтіп, оқушылар өз өнерлерін ортаға салып, барша нәзік жандыларға ізгі тілектерін жеткізді.

https://www.instagram.com/reel/DVkRtsPiMog/?igsh=Z213aWVyMTBsc2Y= 

6 «Б» сыныбының оқушылары аяулы аналарын, әжелерін және барша нәзік жандыларды 8 наурыз – Халықаралық әйелдер күнімен шын жүректен құттықтайды!

Қымбатты аналар! Сіздердің мейірімдеріңіз бен қамқорлықтарыңыз, ақыл-кеңестеріңіз бен жылы сөздеріңіз біз үшін әрдайым қымбат. Бізге өмір сыйлап, әрқашан қолдау көрсетіп жүргендеріңіз үшін сіздерге алғысымыз шексіз.

Сіздерге зор денсаулық, мол бақыт, отбасыларыңызға амандық пен береке тілейміз. Көктемнің шуақты мерекесі сіздерге қуаныш, шаттық және жақсы көңіл күй сыйласын!

https://www.instagram.com/reel/DVkRg5NCJHD/?igsh=MW1uMnV3eG5mbXp0bA== 

8 «Б» сыныбының ұлдары сыныптың ару қыздарын 8 наурыз – Халықаралық әйелдер күнімен шын жүректен құттықтады.

Мерекелік сәтте ұлдар қыздарға жылы лебіздерін білдіріп, әдемі тілектерін арнап, көтеріңкі көңіл күй сыйлады. Қыздарға денсаулық, бақыт, оқуда табыс және әрдайым жарқын көңіл күй тіледі.

Бұл мерекелік құттықтау сыныпта достық пен сыйластықтың, құрмет пен ізеттіліктің айқын көрінісі болды.

https://www.instagram.com/p/DVkR_WmCJ6f/?igsh=MTBqbDF3Y2wzYmZ5Yw==

8 наурыз – Халықаралық әйелдер күніне орай 5 «Б» сыныбында мерекелік тәрбие сағаты ұйымдастырылды.

Шара барысында оқушылар аналар мен әжелерге, ұстаздарға арнап өлеңдер оқып, жүрекжарды құттықтауларын жолдады. Сонымен қатар түрлі ойындар мен қызықты тапсырмалар ұйымдастырылып, мерекелік көңіл күй сыйланды.

Тәрбие сағаты оқушылардың аналарға деген сүйіспеншілігі мен құрметін арттырып, барша қатысушыларға көтеріңкі көңіл күй сыйлады.

https://www.instagram.com/p/DVkSRHqiO4E/?igsh=a284cjVkeXVpZjQx 

3 «Б» сыныбы аналарын және барша қыз-келіншектер қауымын келе жатқан 8 наурыз – Халықаралық әйелдер күнімен шын жүректен құттықтайды.

Осы мерекеге орай сыныбымызда аналарға арналған мерекелік іс-шара ұйымдастырылды. Оқушылар аналарға арнап өлеңдер оқып, ән айтып, өз өнерлерін көрсетті. Сонымен қатар түрлі ойындар ұйымдастырылып, мерекелік көңіл күй сыйланды.

Іс-шара барысында аналарымыз көтеріңкі көңіл күймен керемет әсер алып, балалардың өнеріне ризашылықтарын білдірді.

https://www.instagram.com/p/DVkSm2eiGmw/?igsh=MWtyZmdsN2gyMjV5OA== 

5 «А» сыныптың ұлдары сыныптағы қыздарды 8 Наурыз – күнімен құттықтап, қыздарға жылы лебіздерін айтып, жақсы көңіл күй сыйлап, мерекелік қуаныш сыйлады. Мерекелік күн сыныбымызда шаттық пен күлкіге толы болды.

Барлық қыздарға мықты денсаулық, бақыт, қуаныш және әрдайым күлімдеп жүрулеріңізді тілейміз! 

https://www.instagram.com/reel/DVk__ppCFti/?igsh=aGc5M3Exc3g0bHl0

Көктемнің алғашқы күні – 2026 жылғы 2 наурызда өткен саптық жиында өткен аптаның қорытындысы шығарылып, білім, тәрбие және қоғамдық жұмыстар бойынша жетістіктер мен кемшіліктерге талдау жасалды. Сонымен қатар алдағы аптада өткізілетін іс-шаралар жоспары таныстырылып, оқушыларға нақты міндеттер жүктелді.
Жиын барысында кәмелетке толмағандардың істері жөніндегі полиция қызметкері Аязбаева Д.К. құқықбұзушылықтың алдын алу мақсатында түсіндіру жұмыстарын жүргізді. Кездесу барысында жасөспірімдер арасындағы құқықбұзушылықтың алдын алу, қоғамдық орындарда тәртіп сақтау, мектептің ішкі тәртіп ережелерін қатаң ұстану (мектеп формасын сақтау, бейәдеп сөз қолданбау, сабаққа кешікпеу, сабақ барысында ұялы телефон пайдаланбау), сондай-ақ түнгі уақытта заңды өкілінсіз көшеде жүруге болмайтындығы және жеке қауіпсіздік мәселелері кеңінен түсіндірілді.
Оқушыларға заң талаптарын сақтау, жауапкершілікті сезіну және өз қауіпсіздігіне бейжай қарамау қажеттігі ескертілді. Сонымен қатар заң талаптары сақталмаған жағдайда ата-аналарға әкімшілік жауапкершілік қарастырылып, айыппұл салынуы мүмкін екендігі жөнінде ескерту жасалды.

https://www.instagram.com/reel/DVY8uPUiDU9/?igsh=MTRuZXQ1MjViNjdtOA==

2026 жылғы 4 наурыз күні Алғыс айту мерекесімен ұштастыра және келе жатқан 8 наурыз – Халықаралық әйелдер күніне орай ауданымыз бен мектебіміздің ардақты ардагер ұстаздарымен тағылымы мол, әсерлі кездесу ұйымдастырылды.
Ақ жаулықты аналардай ардақты ұстаздарымызды мектептің домбыра оркестрі күмбірлете күй шертіп, ерекше ілтипатпен қарсы алды. Кездесу барысында оқушыларымыз әсем ән мен мың бұралған биден шашу шашып, ұстаздарға деген шынайы құрметтерін өнер арқылы білдірді.
Келелі басқосу аясында қонақтарымызға заманауи талапқа сай жабдықталған мектебімізге экскурсия жасалып, білім ордасының бүгінгі тыныс-тіршілігі таныстырылды. Бұл – ұстаз еңбегінің жалғасы, олардың салған сара жолының жарқын көрінісі екені сөзсіз.
Кездесу соңында оқушылардың өз қолымен дайындалған ұлттық нақыштағы этно-брошь, шопер сөмке және телефон қоятын сәнді зат сыйға тартылып, ыстық ықылас пен алғыс белгісі ретінде ұсынылды.
Тағылымы терең, тәрбиелік мәні зор бұл кездесу ұрпақтар сабақтастығын нығайтып, жүректерге жылу сыйлаған ерекше сәттерге толы болды.

https://www.instagram.com/reel/DVf2o9liGt2/?igsh=czd3c203MTk5ZGJo

Бүгін біз ерекше мереке – Алғыс күнін атап өтіп отырмыз. Бұл күн – бір-бірімізге ризашылық білдіріп, жүректегі жылы сөзімізді айтуға мүмкіндік беретін маңызды күн.
Алғыс айту – кішкентай сөз сияқты көрінгенімен, оның мағынасы өте терең. Бір ауыз жылы сөз адамның көңілін көтеріп, жүрегіне қуаныш сыйлайды. Сондықтан әрдайым бір-бірімізге мейірімді болып, алғыс айтып жүрейік.

Баршаңызға денсаулық, бақыт және бірлік тілейміз!🌷

https://www.instagram.com/reel/DVYp--9jC0k/?igsh=aWxjNHhiaXNpOWdi 

Алғыс айту күніне жоспарланған іс-шаралар аясында 2026 жылғы 2 наурызда мектепте арнайы безендірілген ұстаздар мен ата-аналарға арналған «Тілектер бұрышы» ұйымдастырылды.
Аталған бұрышта оқушылар жүрекжарды алғыс сөздері мен ізгі тілектерін жазып қалдырып, өз ризашылықтарын білдірді. Шараның мақсаты – үлкенге құрмет, ұстазға тағзым, ата-анаға алғыс сезімін қалыптастыру, сондай-ақ оқушылар бойындағы мейірімділік пен ізгілік құндылықтарын нығайту.

https://www.instagram.com/reel/DVY-5laCKxE/?igsh=MXZzMzk4OW52aHN1aA==