Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

Жаңа тоқсан — жаңа жетістіктер бастауы!2026 жылғы 2 қарашада екінші тоқсанның басталуына арналған саптық жиын өтті. Жиын оқушылардың Қазақстан Республикасының Мемлекеттік Гимінін орындаумен ашылды.
Саптық жиында қараша айы — әділдік және жауапкершілік айы екені аталып өтті. Оқушыларға әділ болу, өз ісіне жауапкершілікпен қарау және бір-біріне құрмет көрсету туралы айтылды.
Сонымен қатар мектеп ережелерін сақтау, сабаққа уақытында келу, мектеп формасын кию, таза әрі ұқыпты жүру қажеттігі ескертілді. Оқушылар мектептегі іс-шараларға, жарыстар мен байқауларға белсенді қатысуға шақырылды.
Жиын барысында аудандық «Менің туым» байқауында жүлделі орындарға ие болған оқушыларға марапаттары табысталды:
І орын — Жаров Нұралы, Болатжан Меруерт;
ІІ орын — Жанатбек Жайдар;
ІІІ орын — Каппар Абдумалик.
Байқауға қатысқан Жаров Ералы, Оспанова Айлин және Алейбек Айару сертификаттармен марапатталды.
Сондай-ақ екінші тоқсанға арналған оқушылардың кезекшілік кестесі жарияланды.
Барша оқушыларды жаңа тоқсанның басталуымен құттықтап, оқуда табыс пен жаңа жетістіктер тілейміз!

https://www.instagram.com/reel/DfRxIJaudK6/?dlrf=eHgxMHgwNm55MGh6

2026 жылғы 2 қарашада «Адал азамат» біртұтас тәрбие бағдарламасының жоспарына сәйкес 1–11 сынып оқушыларына «Адал адам – Адал еңбек – Адал табыс» тақырыбында тәрбие сағаттары өткізілді.
Қараша – әділдік пен жауапкершілік айы. Тәрбие сағаттарында адал болу, еңбекті бағалау, әділ шешім қабылдау және өз ісіне жауапкершілікпен қарау туралы айтылды.
Сонымен қатар жоспарға сәйкес қауіпсіздік сабақтары өтті. Оқушыларға үйдегі, интернеттегі және көпшілік орындардағы қауіпсіздік ережелері түсіндірілді. Бейтаныс адамдармен қарым-қатынас кезінде сақ болу, күмәнді хабарламалар мен сілтемелерден, қаржылық және жұмысқа орналасуға қатысты алаяқтықтан қорғану, сондай-ақ өрт кезінде дұрыс әрекет ету жолдары қарастырылды.
Сабақтар оқушыларды адалдыққа, жауапкершілікке және күнделікті өмірде қауіпсіздік ережелерін сақтауға баулуға бағытталды.

https://www.instagram.com/p/DfP1zKqDqdA/?obrf=ZnIzbW00YmYyMWM4

2026 жылғы 21 қазанда мектебімізде 7–10 сынып оқушылары арасында «Алтын күз – 2026» атты дәстүрлі «Күзгі бал» мерекелік сайысы ұйымдастырылды.
Іс-шараның мақсаты – оқушылардың шығармашылық қабілеттерін дамыту, өнерге деген қызығушылығын арттыру, сахна мәдениетін қалыптастыру, ұлттық құндылықтарды дәріптеу және күз мезгілінің әсемдігін насихаттау.
Мерекелік сайыс 4 кезең бойынша өткізілді:
І кезең – «Таныстыру – өнер бастауы»
Қатысушылар өздерін ерекше шығармашылық тәсілдермен таныстырып, сахнадағы өнерлері мен тапқырлықтарын көрсетті.
ІІ кезең – «Өнерлі өрге жүзер»
Оқушылар ән айтып, би билеп, түрлі өнерлерін ортаға салып, көрермендерге көтеріңкі көңіл күй сыйлады.
ІІІ кезең – «Күз кереметі – сән әлемінде»
Қатысушылар күзгі табиғаттың әсемдігін бейнелейтін ерекше сән үлгілерін ұсынып, шығармашылық шеберліктерін танытты.
IV кезең – «Берекелі күз – мол дастархан»
Қатысушылар күзгі молшылық пен берекені бейнелейтін дастархандарын ұсынып, олардың ерекшеліктері мен безендірілуін таныстырды.
Сайыс қорытындысы бойынша жеңімпаздар анықталды:
Гран-при – 10-сынып оқушылары;
І орын – 9 «Б» сыныбы;
ІІ орын – 9 «А» сыныбы;
ІІІ орын – 7 «Б» сыныбы.
Арнайы номинациялар:
«Ең ерекше күзгі образ» – 8 «А» сыныбы;
«Көрермен көзайымы» – 8 «Б» сыныбы.
Мерекелік сайыс оқушылардың өнерін шыңдап, шығармашылық қабілеттерін дамытуға, ұйымшылдыққа және өзара қолдау көрсетуге бағытталған ерекше іс-шара болды.
Жеңімпаздар мен жүлдегерлерді шын жүректен құттықтаймыз! Сайысқа қатысқан барлық оқушыларға, қолдау көрсеткен ата-аналар мен ұстаздарға алғыс білдіреміз!
Алтын күз әр шаңыраққа береке, молшылық пен қуаныш әкелсін!

https://www.instagram.com/reel/DfOY9EAoUuP/?obrf=MWQyYnZyM2ZpcnBlcQ==

30 қазан күні мектебімізде ұлттық ойынымыз – тоғызқұмалақтан жарыс ұйымдастырылды.
Жарыс қорытындысы бойынша жүлделі орындарға ие болған оқушыларымыз:
🥇 І орын – Ырысбек Дәурен
🥈 ІІ орын – Нұркелді Арсылан
🥉 ІІІ орын – Мұқият Алау
🥉 ІІІ орын – Жәдігер Аманат
Жеңімпаздар мен жүлдегерлерді шын жүректен құттықтаймыз! 👏
Ұлттық құндылықтарымызды дәріптеп, зияткерлік қабілеттерін шыңдап жүрген оқушыларымызға толағай табыс тілейміз! 

https://www.instagram.com/reel/DfHzn8bu1Fp/?psln=d3Vta2ZzcjFkc3Rp

2026 жылғы 27 қазанда күзгі демалыс кезіндегі іс-шаралар жоспарына сәйкес мектебімізде 5–11 сынып оқушылары арасында волейбол жарысы ұйымдастырылды.
Жарыстың мақсаты – оқушылардың күзгі демалыс уақытын тиімді әрі қызықты өткізуіне жағдай жасау, салауатты өмір салтын насихаттау, спортқа деген қызығушылығын арттыру, дене шынықтыру дағдыларын жетілдіру, сондай-ақ командалық рухты, ұйымшылдық пен өзара сыйластықты қалыптастыру.
Спорттық сайысқа «Қыран», «Жалын» және «Тұлпар» атты үш команда қатысып, өзара бақ сынасты.
Жарыс барысында оқушылар белсенділік танытып, өздерінің ептіліктерін, шапшаңдықтарын, төзімділіктерін және спорттық шеберліктерін көрсетті. Әр команда жеңіске деген жігерін танытып, тартысты әрі қызықты ойын өрнегін көрсетті.
Ойын барысында қатысушылар бір-біріне қолдау көрсетіп, командалық бірліктің, өзара түсіністік пен ынтымақтастықтың маңыздылығын көрсете білді. Жарыс оқушыларға көтеріңкі көңіл күй сыйлап, олардың спортқа деген ынтасын арттыра түсті.
Жарыс қорытындысы бойынша жүлделі орындар төмендегідей бөлінді:
І орын – «Қыран» командасы;
ІІ орын – «Жалын» командасы;
ІІІ орын – «Тұлпар» командасы.
Жарыс соңында қорытынды шығарылып, жеңімпаздар мен жүлдег�

https://www.instagram.com/reel/DfGyE4AINsz/?obrf=MTh4Nmhvbmg5Nmgyag==

2026 жылғы 29 қыркүйекте «Адал азамат» біртұтас тәрбие бағдарламасының «Шабыт» жобасы аясында мектебіміздің 5 «А» және 5 «Б» сынып оқушылары аудандық музейде ұйымдастырылған танымдық іс-шараға қатысты.
Іс-шара барысында Ақсу қаласының жылжымалы тарихи-өлкетану музейінің көрмесі ұсынылып, оқушыларға тарихи жәдігерлер мен өлкенің мәдени мұрасы таныстырылды.
Іс-шараның мақсаты – оқушылардың тарихи-мәдени танымын кеңейту, туған өлкенің тарихына деген қызығушылығын арттыру, ұлттық құндылықтар мен мәдени мұраға құрмет сезімін қалыптастыру, сондай-ақ жас ұрпаққа рухани-адамгершілік және патриоттық тәрбие беру.
Танымдық іс-шара барысында оқушылар туған өлкенің тарихы мен мәдениеті туралы мағлұмат алып, тарихи жәдігерлердің құндылығы мен оларды сақтаудың маңыздылығын түсінді.
Мұндай іс-шаралар жас ұрпақтың тарихи санасын қалыптастыруға, ұлттық құндылықтарды дәріптеуге, туған жерге деген сүйіспеншілігін арттыруға және елінің мәдени мұрасына құрметпен қарауға ықпал етеді.
Өткенін таныған ұрпақ – болашағын бағалай білетін ұрпақ!

https://www.instagram.com/reel/DfC6lbQOZep/?dlrf=MWJwNWZzMmxob2cwYQ==

Республика күнін мерекелеу жоспарына сәйкес «Туған елім – жыр мекенім!» атты патриоттық мәнерлеп оқу челленджі аясында 5 «А» сынып оқушысы Қайыртас Нұрасыл ақиық ақын Мұқағали Мақатаевтың «Үш бақытым» өлеңін мәнерлеп оқып, туған еліне, жеріне деген сүйіспеншілігін жеткізді.
Челлендждің мақсаты – жас ұрпақтың бойында отансүйгіштік сезімді қалыптастыру, туған жерге деген құрметті арттыру, мемлекеттік тіл мен ұлттық құндылықтарды дәріптеу.
Тәуелсіз еліміздің тұғыры биік, болашағы жарқын болсын! Көк байрағымыз мәңгі желбірей берсін!
Республика күні құтты болсын!

https://www.instagram.com/reel/De7kp5sOsBp/?dlrf=MTdhOXFwNzA3aG9jNg==