Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 10 қыркүйекте Отбасы күніне орай «Атадан қалған асыл сөз» тақырыбында қыз балаларға арналған дөңгелек үстел ұйымдастырылды.
Шараның негізгі мақсаты – әжелеріміздің өмірлік тәжірибесі мен өнегелі ақыл-кеңестерін қыз балаларға жеткізу, ұлттық тәрбиені дәріптеу және отбасылық құндылықтарды насихаттау.
Дөңгелек үстел шай үстінде, еркін әрі жылы әңгіме форматында өтті. Әжелеріміз қыз балаларға қыз балаға тән әдептілік, инабаттылық, ұқыптылық, үлкенді сыйлау, өзін дұрыс ұстау туралы ақыл-кеңестерін айтып, өздерінің өмірлік тәжірибелерімен бөлісті.
Шара барысында қыз балалар өздерін қызықтырған сұрақтарын қойып, әжелердің өнегелі әңгімелерін тыңдады.
Осындай жүрекке жылы кездесулер – ұрпақтар сабақтастығын нығайтып, қыз балаларға ұлттық тәрбиені бойына сіңіруге үлкен ықпал етеді.
Әже сөзі – өнеге, әже тәрбиесі – ұрпаққа аманат!

https://www.instagram.com/reel/DdIfScDIbNl/?stkn=bGNib2UyeDQwMzk5

Мектебімізде оқушылардың денсаулығын нығайту, салауатты өмір салтын қалыптастыру және күнді көтеріңкі көңіл күймен бастау мақсатында күнделікті таңғы жаттығу ұйымдастырылады.
Қимыл-қозғалыс – денсаулықтың кепілі! Таңғы жаттығу оқушыларға сергектік сыйлап, сабаққа деген көңіл күйі мен белсенділігін арттыруға ықпал етеді.
Спортпен дос болайық, денсаулығымызды бірге нығайтайық!
Дені сау ұрпақ – ел болашағы!

https://www.instagram.com/reel/DdEE6LDu13U/?stkn=bXFnd2pvbHdtbDFt

2026 жылғы 8 қыркүйекте «Адал азамат» біртұтас тәрбие бағдарламасы аясында, «Отбасы: дәстүрден қазіргі заманға» тақырыбындағы апталық барысында мектебімізде «Ұрпақтар сабақтастығы – ұлт болашағы» атты тәрбиелік іс-шара подкаст форматында ұйымдастырылды.
Іс-шараның негізгі мақсаты – отбасы құндылықтарын дәріптеу, ата-ананың бала тәрбиесіндегі рөлін айқындау, үлкенді құрметтеу, кішіге қамқор болу, еңбекқорлық, мейірімділік пен жауапкершілік қасиеттерін оқушылардың бойына сіңіру.
Подкасттың қонақтары – отбасы мен қызметті қатар алып жүрген ардақты аналарымыз Жарова Ариана Жумагельдыевна және Шәріпқұлова Динара Жомартқызы. Қонақтар оқушылармен ашық әрі еркін форматта сұхбаттасып, өздерінің өмірлік тәжірибелерімен бөлісті.
Подкаст барысында отбасы мен жұмысты қатар алып жүру, балаға уақыт бөлу, бала тәрбиесіндегі маңызды құндылықтар, баланың қателігіне дұрыс көзқарас, білім мен еңбекке баулу, отбасындағы міндеттер мен дәстүрлер туралы тағылымды әңгіме өрбіді.
Ерекше бөлімде Динара Жомартқызы егіз қыздары Әлия мен Мәншүктің тәрбиесі, олардың мінез ерекшеліктері және егіз балаларды тәрбиелеудің қырлары туралы әңгімеледі.
Кездесудің тағылымды сәттерінің бірі – аналардың оқушыларға арнаған ақыл-кеңестері болды. Олар балаларды ата-ананы құрметтеуге, білімге ұмтылуға, еңбекқор, мейірімді болуға және өз армандарынан ешқашан бас тартпауға шақырды.
Оқушылар да өз отбасылары туралы жылы лебіздерін білдіріп, отбасының өз өмірлеріндегі орны мен маңызы туралы ойларымен бөлісті.
Қонақтарымызға уақыт бөліп, оқушылармен өз тәжірибелерімен бөлісіп, құнды кеңестері мен жүрекжарды тілектерін жеткізгендері үшін шын жүректен алғыс білдіреміз!

https://www.instagram.com/reel/DdCOjlMuUma/?stkn=OWh5aDBycXJ6bm9o

2026 жылғы 7 қыркүйекте «Адал азамат» біртұтас тәрбие бағдарламасы негізінде, Отбасы күнін мерекелеу қарсаңында мектебімізде «Отбасы: дәстүрден қазіргі заманға» атты апталық аясында 6-сынып оқушыларымен «Үлкендердің батасы» атты тәрбиелік кездесу ұйымдастырылды.
Кездесудің негізгі мақсаты – оқушыларға отбасы құндылықтарын дәріптеу, үлкенді сыйлау, ата-ананы құрметтеу, ізеттілік пен адамгершілік қасиеттерді қалыптастыру, халқымыздың ғасырлар бойы жалғасып келе жатқан дәстүрлерін насихаттау.
Тәрбиелік кездесуге арнайы шақырылған Әділұлы Райымбек Қажы оқушылармен ашық әңгімелесіп, отбасындағы үлкендердің орны, ата-ананы құрметтеу, амандасудың маңыздылығы жөнінде өз ойымен бөлісті. Сонымен қатар өмірлік тәжірибесінен өнегелі әңгімелер айтып, жас ұрпаққа ақыл-кеңесін жеткізді.
Кездесудің ең әсерлі сәті – оқушылардың ақсақалдан ақ бата алуы болды.
«Батаменен ел көгерер, жаңбырменен жер көгерер» деген халқымыздың даналық сөзі бүгінгі шараның мәнін айқындай түсті. Ақ бата – үлкеннің кейінгі ұрпаққа деген ақ тілегі ғана емес, тәрбиелік мәні терең рухани аманат.
Оқушылар өз ризашылықтарын білдіріп, Райымбек ағаға мықты денсаулық, ұзақ ғұмыр, отбасына амандық пен шаңырағына құт-береке тіледі.
Атадан балаға – ақыл қалсын,
Әжеден немереге – өнеге қалсын,
Үлкеннің батасы – ұрпаққа аманат болсын!
Осындай тағылымды кездесулер арқылы ұлттық құндылықтарымызды дәріптеп, үлкенді құрметтейтін, отбасын қадірлейтін, жауапкершілігі мол Адал азамат тәрбиелеу – басты міндетіміз.

https://www.instagram.com/reel/DdCB8MwhLJP/?stkn=MWQzaTRhMGhvZmljag==

2026 жылғы 7 қыркүйекте «Адал азамат» біртұтас тәрбие бағдарламасының жоспарына сәйкес А. Құнанбаев атындағы жалпы орта білім беру мектебінде кезекті саптық жиын өткізілді.
Саптық жиын барысында оқушыларға мектептің ішкі тәртібі, мектеп мәдениеті мен әдептілігі, мектеп формасына және сыртқы келбетке қойылатын талаптар түсіндірілді.
Жиында үлкендермен амандасу – құрмет пен тәрбиенің белгісі екені, мектеп формасын таза әрі ұқыпты кию, сыртқы келбетке қойылатын талаптарды сақтау, мектеп мүлкіне ұқыпты қарау, тазалық пен тәртіпті сақтау қажеттігі айтылды.
Сонымен қатар, 6–10 сыныптар арасында ұйымдастырылған кезекшілік жұмысының тәртібі таныстырылып, кезекші сыныптардың үзіліс кезінде тәртіп пен тазалықты сақтауға, оқушылардың қауіпсіздігіне жауапкершілікпен қарауына назар аударылды.
Саптық жиынның басты мақсаты – оқушылардың бойында жауапкершілік, тәртіп, әдептілік, өзара құрмет және мектепке деген ортақ жауапкершілік құндылықтарын қалыптастыру.
Тәртіп бар жерде – жауапкершілік, жауапкершілік бар жерде – нәтиже бар!
Жаңа апта барша оқушы мен ұстаздарға сәттілік, жақсы көңіл-күй және толағай жетістіктер әкелсін!

https://www.instagram.com/reel/DdBMgrburD2/?stkn=MTB3ZWxxdmJxMThpcQ==

7 қыркүйек күні Абай Құнанбаев атындағы жалпы орта білім беру мектебінде оқушылардың отбасылық құндылықтарын дәріптеу, сыйластық пен жауапкершілік сезімдерін қалыптастыру мақсатында тәрбие сағаттары және қауіпсіздік сағаттары өткізілді.
📚 1–4 сыныптарда – «Менің бақытты отбасым» тақырыбында;
📚 5–8 сыныптарда – «Отбасындағы сыйластық – бақыттың бастауы» тақырыбында;
📚 9–11 сыныптарда – «Бақытты отбасы: түсіністік, жауапкершілік және қолдау» тақырыбында тәрбие сағаттары ұйымдастырылды.
Тәрбие сағаты барысында оқушылар отбасының адам өміріндегі маңызы, ата-анаға құрмет, өзара түсіністік, қамқорлық пен қолдау туралы ой бөлісті. Сонымен қатар оқушылардың қауіпсіздік мәдениетін қалыптастыруға бағытталған қауіпсіздік сағаттары өткізілді.
Отбасы – сүйіспеншілік пен мейірімнің, түсіністік пен қолдаудың бастауы!

https://www.instagram.com/p/Dc_UPifiFju/?stkn=cXBlNGh0dHhjMGk1

2026 жылғы 4 қыркүйекте Қазақстан халқының тілдері күніне орай А. Құнанбаев атындағы жалпы орта білім беру мектебінде қазақ тіл білімінің негізін қалаушы, ұлт ұстазы Ахмет Байтұрсынұлының туған күніне арналған «Ахмет Байтұрсынұлы – ұлт ұстазы» атты танымдық сайыс ұйымдастырылды.
Іс-шараның мақсаты – оқушылардың тілге деген құрметін арттыру, мемлекеттік тілдің мәртебесін насихаттау, сондай-ақ Ахмет Байтұрсынұлының өмірі мен шығармашылық мұрасын кеңінен таныту.
Танымдық сайысқа 7 «А», 9 «А» және 10-сынып оқушылары қатысты. Сайыс барысында оқушылар Ахмет Байтұрсынұлының өмір жолы, ағартушылық қызметі, ғылыми және әдеби мұрасы туралы білімдерін ортаға салды. Қатысушылар «Қырық мысал», «Маса», «Әдебиет танытқыш», «Оқу құралы» еңбектері бойынша түрлі тапсырмалар орындап, өз білімдерін көрсетті.
Сайыс бірнеше кезеңнен өтіп, оқушылар белсенділік пен тапқырлық танытты. Әр кезеңнің қорытындысы бойынша қатысушылардың жауаптары бағаланып, үздіктер анықталды.
Іс-шара соңында жеңімпаздар мен белсенді қатысушылар марапатталды. Белсенділік танытқан оқушылар қатарында Касимова Бақтыгүл, Сынбатқызы Аида, Самат Назым, Ахметова Асемай, Жанатбек Жайдар, Каппар Абдумалик бар.
https://www.instagram.com/reel/Dc6BUvcuY52/?stkn=a2lvZDJoemUyMnk5

Жаңа оқу жылының алғашқы күнінде мектебімізде 1–11 сынып оқушылары арасында «Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі» тақырыбында тәрбие сағаттары өткізілді.
Тәрбие сағаттарының барысында оқушылар Конституцияның маңыздылығы, азаматтың құқықтары мен міндеттері, ел алдындағы жауапкершілік және отансүйгіштік туралы ой бөлісті.
Адал азамат болу – ел болашағына жауапкершілікпен қараудан басталады!
Конституция – құқық пен әділеттің, тұрақтылық пен бірліктің негізі!
Жаңа оқу жылы барша оқушыларымызға сәттілік, биік белестер мен жарқын жетістіктер әкелсін!

https://www.instagram.com/p/Dcar9GRDjlH/?igsi=NW15OXphZnJ2dm83