Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

«Адал азамат» біртұтас тәрбие бағдарламасы аясында «Ұрпақ үні» жобасы бастау алды. Осы жоба шеңберінде 5-сынып оқушылары «Сен жеті атаңды білесің бе?» атты челленджді бастап, эстафетаны 6-сынып оқушыларына жолдады. 

https://www.instagram.com/reel/DSmo49eiNC9/?igsh=MWhvMWZ2YTkzYXR2eA==

«Ұлттық Style» жобасы аясында мектебімізде көркем өнер пәнінің мұғалімі Г.С. Жабайканованың жетекшілігімен шығармашылық іс-шара ұйымдастырылды.
Іс-шара барысында оқушылар ұлттық құндылықтарды дәріптеу мақсатында домбыра, елік бейнесі және қазақтың дәстүрлі ою-өрнектері негізінде шырша ойыншықтарын өз қолдарымен жасады.
Аталған жұмыс оқушылардың шығармашылық қабілеттерін дамытуға, ұлттық мәдениетке деген қызығушылығын арттыруға және эстетикалық талғамын қалыптастыруға бағытталды. 

https://www.instagram.com/reel/DSjnjXXiPgo/?igsh=MTdtbGI5bmlqbTdnaw==

«Жетістігімді еліме арнаймын» – білімді, еңбекті және табандылықты ел игілігіне бағыттауды мақсат ететін рухани ұстаным. Бұл ұғым әрбір азаматтың жеке жетістігін Отан дамуына үлес қосу деп түсінуін білдіреді. Өз білімімен табысқа жеткен адам сол жетістігін елінің өркендеуіне, қоғамның дамуына арнауды азаматтық парыз деп санайды. Мектебіміздің оқушылары жетістіктерін еліне арнайды. 

https://www.instagram.com/reel/DSZaRPjCLjt/?igsh=MTl3cXlnYTZmNDJ3cA==

2025 жылғы 17 желтоқсан күні мектепте кәмелетке толмағандар арасындағы құқықбұзушылықтың алдын алу мақсатында Кеңестің №4 отырысы өткізілді.
Отырысқа комиссия құрамындағы жауапты тұлғалар қатысып, оқушылардың қауіпсіздігі мен тәртібіне қатысты өзекті мәселелер талқыланды.

🔹 Күн тәртібінде қаралған мәселелер:
1️⃣ Оқушылардың оқу-тәрбие процесіндегі тәртібі
Сабаққа кешігу, сабаққа қатысу, сабақ кезінде рұқсатсыз бос жүру, үзіліс кезіндегі тәртіптің сақталуы туралы мәселелер қаралды.
2️⃣ Мектеп жарғысы мен бірыңғай мектеп формасын сақтау
Мектеп формасын кию талаптары, оқушылардың сыртқы келбет мәдениеті, шаш үлгісі мен жинақтылығына ерекше назар аударылды.
3️⃣ 8 «А» және 6 «А» сынып оқушыларының тәртібі
Құқықбұзушылықтың алдын алу бағытында жүргізілген жұмыстар, сондай-ақ жекелеген оқушыларға қатысты ата-аналармен атқарылған іс-шаралар талқыланды.
4️⃣ Қауіп факторларының алдын алу
Кәмелетке толмағандар арасындағы суицид, буллинг, зорлық-зомбылық, ерте жүктілік сынды қауіп факторларына жан-жақты талдау жасалды.
Отырыс қорытындысы бойынша оқушылардың қауіпсіздігін қамтамасыз ету, тәртіпті нығайту және құқықбұзушылықтың алдын алу шараларын күшейтуге бағытталған нақты ұсыныстар қабылданды. 

https://www.instagram.com/reel/DSXv0T9iCBj/?igsh=a3dweHJuMDZzdXJu

2025 жылғы 15 желтоқсанда «Адал азамат» біртұтас тәрбие бағдарламасы аясында «Тәуелсіздік тарихы – халық тарихы. Қазақстан Республикасының рәміздері» тақырыбында барлық сыныптарда тәрбие сағаттары өткізілді.
Тәрбие сағаты Қазақстан халқының тәуелсіздікке жету жолын бейнелейтін, ел тарихындағы маңызды кезеңдерді қамтыған мазмұнды бейнеролик көрсетуден басталды. Бейнеролик арқылы оқушылар егемендікке қол жеткізудің маңызы мен құндылығын тереңірек түсінді.
Іс-шараның негізгі бөлімінде мұғалімдер Қазақстан Республикасының тәуелсіздік тарихына кеңінен тоқталып, мемлекеттік рәміздер – Ту, Елтаңба және Әнұранның мәні мен маңызын түсіндірді. Оқушылар тақырып бойынша белсенді пікір алмасып, ел тарихына деген қызығушылықтарын арттырды.
Тәрбие сағаты оқушылардың отансүйгіштік сезімін нығайтып, мемлекеттік рәміздерді құрметтеуге, ұлттық құндылықтарды қастерлеуге тәрбиелеуге бағытталды. 

https://www.instagram.com/p/DSXuyzniCj3/?img_index=5&igsh=ZXd1MzRldTMyenp5 

“Адал азамат” біртұтас тәрбие бағдарламасы аясында Тәуелсіздік күніне орай мектепте спорттық эстафета ұйымдастырылды.
Эстафетаға 5а, 5б, 8а, 8б сынып оқушылары қатысып, белсенділік танытты.
Шара дене шынықтыру мұғалімдері Жумадиров Т.М. және Дәлелхан Е. тарапынан өткізілді.
Іс-шараның мақсаты – оқушылардың салауатты өмір салтын ұстануына ықпал ету, командалық рух пен бірлікті дамыту.
Тәуелсіздігіміз құтты болсын! 

Бүгін мектебімізде 3 және 4 сынып оқушыларының қатысуымен «Алтын қақпа» интеллектуалды ойыны өткізілді. Сайыстың мақсаты – оқушылардың зияткерлік танымын арттыру, логикалық ойлауын, дүниетанымын кеңейту және ынталандыру.

Ойын төрт кезеңнен тұрды:
• Бірінші кезең – «Тас қақпа», бұл кезеңде әр топқа түрлі бағыттағы сұрақтар қойылып, білімділік деңгейлері сыналды.
• Екінші кезең – «Мыс қақпа», қатысушылар жылдам ойлап, дұрыс шешім қабылдау дағдыларын көрсетті.
• Үшінші кезең – «Темір қақпа», логикалық тапсырмалар мен күрделірек сұрақтар берілді.
• Төртінші кезең – «Алтын қақпа», финалдық сында оқушылар тапқырлықтары мен білімдерін толық дәлелдеді.

Сайысқа белсенді қатысқан барлық оқушыларды құттықтаймыз! Интеллектуалды ойын балалардың ой-өрісін дамытып, танымдық дағдыларын нығайта түсті.

https://www.instagram.com/reel/DSKiFm2CN-E/?igsh=ajgzYnU0YnJxOTN1

Қамқорлық жобасы аясындағы қарт адамдарға қолдау көрсету мақсатында арнайы акция ұйымдастырылды. Акция барысында еріктілер қарттардың үйлеріне барып, ауласын қардан тазартып берді. Бұл іс-шараның негізгі мақсаты – үлкендерге құрмет көрсету, олардың өміріне мейірім мен жылулық сыйлау.