|
Павлодар облысының білім беру басқармасы, Шарбақты ауданы білім беру бөлімінің
«Абай Құнанбаев атындағы жалпы орта білім беру мектебі» КММ
|
|
|---|
«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области
|
9
января
2026
|
« Алақай мен 1 сынып оқушысымын» атты тренинг өтілді. Мақсаты: Оқушыларды бір-бірімен таныстыру, қарым-қатынас орнату. Сыныпта эмоционалдық жағымды ахуал қалыптастыру. Оқушылардың өзін таныстыру дағдыларын дамыту. Ұялшақтық, тұйықтықты азайту. Сыныпта сенім, ашықтық пен сыйластық орта қалыптастыру.
|
19
декабря
2025
|
«Адал азамат» біртұтас тәрбие бағдарламасы аясында 8–11 сынып оқушылары арасында «Ойынға салауатты көзқарас» тақырыбында мектеп психологы Смаилова А.С. дәріс өткізді. Дәріс барысында оқушылар лудоманияның, яғни ойынқұмарлықтың пайда болу себептері мен оның жеке тұлғаға және отбасыға тигізетін әсерін талқылады. Сонымен қатар, ойынға деген салауатты көзқарастың маңызын түсініп, тәуекелдерді басқару және уақытты тиімді пайдалану бойынша практикалық кеңестер алды. Дәріс соңында оқушылар өздерін қызықтырған сұрақтарды қойып, пікір алмасты.
Дәрістің негізгі мақсаты – оқушылардың ойынқұмарлыққа тәуелділігін алдын алу және салауатты өмір салтын қалыптастыру.
https://www.instagram.com/reel/DSXWWfNCOWa/?igsh=MTl2cXdvYXk0cnkwMQ==
|
19
декабря
2025
|
Интернет әлемінде өзіңізге және басқаларға қалай қамқор болу керектігі туралы кеңестер
Интернетті пайдалану қарым-қатынас жасау, білім алу және сіз үшін маңызды болып табылатын ақпаратты тарату үшін көптеген тамаша мүмкіндіктер ұсына алады, алайда бұл сонымен қатар белгілі бір проблемалармен де байланысты. Егер әлеуметтік желілерді немесе интернетті пайдалану сіз үшін бір уақыттарда күйзеліс жағдайын, қызғаныш немесе жалғыздық не болмаса өзіңізді бағалауыңыздың төмендеуі сезімін немесе қоғамнан қорқуды туындатқан болса, сіздің жалғыз емес екеніңізді сезіну керек.
Төменде өзіңіздің психикалық денсаулығыңызға қамқор болып, интернетте қалай ізгі ниетті болып қалу керектігі туралы бес кеңес берілген.
Әлеуметтік желілер мен онлайн-контент сіздің эмоцияларыңызға, ойларыңыз бен іс-әрекеттеріңізге қалай әсер ететінін мұқият қадағалап отырыңыз. Сіз өзіңізді бұл жағдайларда қалай сезінесіз? Жаңалықтарды оқығанда сіз ақпарат алғаныңызды сезінесіз бе әлде күйзеліске ұшырағаныңызды сезінесіз бе? Өз достарыңыздың мерекедегі фотосуреттерін көргенде, өзіңізді жақсы сезінесіз бе әлде қызғаныш туындай ма? Таңертең сіз телефоныңызды алдымен жаңалықтарды білу үшін аласыз ба әлде тек әдет бойынша ғана аласыз ба?
Интернетте қандай мақсатпен отырғаныңызды және бұл жағдайда қандай сезімдер туындайтынын анықтап алып, сіз әлеуметтік желілерде және басқа қосымшаларда қанша уақыт өткізетініңізге қажетті дербес шектеулер қоюыңызға болады.
Жазылымнан бас тартуға немесе сіздің эмоцияларыңызға қасақана немесе байқаусызда теріс әсер ететін адамдардың барлығы туралы хабарлау үнемі қолыңыздан келе бермесе де, сіз дыбысты ағытып тастап көре аласыз немесе сізге ұнамайтын есептік жазбалардан контент келіп түсуін шектеп көре аласыз. Сіз интернетте көріп отырғаныңыздың (тіпті сіздің достарыңыздан келіп жатқандардың) барлығы бірдей шындыққа жанаса бермейтінін есте сақтау маңызды, алайда олар сізге ететін әсер – бұл шындық.
Психикалық денсаулықтың барлық аспектілері мен амандық-саулықты қолдауға көмектесуге қабілетті тым жақсы онлайн-құралдар мен көптеген өте жақсы контенттер бар. Олар сізге ширығудан арылуға және назарды шоғырландыруға көмектесетін медитация қосымшалары мен сәйкестілік сезіміңізді және өзсанаңызды дамытудан бастап, байланыста болуға, адамдардың бір-біріне қолдау көрсетуіне көмектесетін платформаларға дейін. Көптеген тамаша онлайн оқыту құралдары бар, олардың көмегімен сіз жаңа бірдеңе істеп көруіңізге, мысалы сурет салумен немесе йогамен айналысып көруіңізге болады, бұл жаңа когнитивтік және шығармашылық машықтарды дамытуға көмектеседі, ал дене шынықтырумен онлайн айналысу сізге денсаулығыңызды қолдауға және ширығудан арылуға көмектеседі.
Шығармашыл адамдардың, мысалы, спортшылардың, әншілердің, үйде ас даярлайтын адамдардың, жазушылардың немесе өздерін толғандыратын проблемалар туралы ойларын білдіретін жас адамдардың позитивті және уәждейтін контентін тауып алуға тырысыңыз. Сіз сонымен қатар қажет болған жағдайда интернет пен әлеуметтік желілерді кәсіби көмек сұрауға және психикалық денсаулық туралы ақпарат іздеуге пайдалана алатыныңызды есте сақтаңыз.
Өзіңіздің барлық бейіндеріңіздегі және әлеуметтік желілеріңіздегі құпиялылық баптауларын тексеріңіз. Веб-камера пайдаланылмайтын кездері оны жауып тастаңыз. Онлайн-қосымшаларда және сервистерде тіркелген кезде, әсіресе егер өзіңіздің толық аты-жөніңізді, мекенжайыңызды көрсету керек болса немесе фотосуретіңізді салу керек болса, абай болыңыз. Егер сізді интернетте көргеніңіз немесе ұшырағаныңыз алаңдатса, сіздің бұл туралы өзіңіз сенетін ересек адаммен, мысалы, ата-анаңызбен немесе мұғаліммен сөйлесуіңіз керек, инцидент туралы тиісті платформада хабарлауыңыз қажет (куәландыру үшін экранды суретке түсіріп алуды ұмытпаңыз) және қауіпсіздік мәселелеріне қатысты сенім телефонының нөмірін және қосымша ақпарат алу үшін сіздің еліңіздегі психикалық денсаулықты қорғау қызметінің телефон нөмірін тауып алуыңыз керек.
Сонымен қатар сіз адамдардың интернетті пайдалану тәжірибесіне назар аударып, сыныптасыңыз, досыңыз немесе тіпті таныс емес адамның өздерін нашар сезінуінің белгілерін танып немесе олардан күйзеліс белгілері көрінетінін байқап, басқа адамдарға да көмектесе аласыз және басқа адамдардың оларға қажетті қолдау алуына көмектесе аласыз.
Сөздің мәні зор, сондықтан біздің айтатынымызды мұқият ойластырып алуымыз маңызды.
Әлеуметтік желілерді игілікке пайдаланып, достарыңызбен, отбасыңызбен және сыныптастарыңызбен позитивті және қолдау көрсететеін контентпен бөлісіңіз. Мысалы, сіз бір адамға ол үшін алаңдайтыныңызды ол түсінетіндей етіп жазба жіберуіңізге болады немесе ол орналастырған жарияланымға оң комментарий қосуыңызға болады. Егер біреудің хабарламасына немесе жарияланымына теріс тұрғыдан жауап беретініңізді түсінсеңіз, тоқтаңыз да, бұл ойды басқаша тұжырымдауға болмас па екен деп немесе жауабыңызды жариялаудың орнына жеке кездесіп сөйлесуге болмас па екен деп ойлап көріңіз. Егер сіз қорқытатын немесе қорлайтын деп санайтын хабарламалар немесе контент көрсеңіз немесе алсаңыз, олары бұғаттап, проблема туралы хабарлау керек. Сөздің мәні зор, сондықтан біздің айтатынымызды мұқият ойластырып алуымыз маңызды. Біздің барлығымыздың мейірімді болу және адамдарға қуаныш әкелу әлеуетіміз бар – сондықтан да өшпенділікті емес, сүйіспеншілікті таратайық!
Онлайн- және офлайн әлемдер арасындағы шекара көмескіленіп бара жатқандай сезілуі мүмкін, осыған байланысты біздің осы сәтте өмір сүріп, біздің туа біткен қажеттілігіміз - адамдармен қарым-қатынас жасасу қажеттілігімізді қанағаттандыру барған сайын қиындап бара жатыр. Сіз айналысып жатқан ісіңізді әлеуметтік желілерде ол туралы есеп жасау үшін бөлетініңізді немесе достарыңызға қоңырау шалып немесе кездесіп, жағдайларын білудің орнына, олардың оқиғаларын желілерден оқитыныңызды қай уақытта болмасын байқадыңыз ба? Әлеуметтік желілерден аракідік шығып немесе оларды пайдалануда үзіліс жасап, уақытты шынайы өмірде достарыңызбен немесе отбасыңызбен қауіпсіз жағдайларда өткізу маңызды. Өз алдыңызға дербес шынайы мақсаттар, мысалы, оянғаннан кейінгі немесе ұйықтардың алдындағы бір сағаттың ішінде телефонды қолға алмау немесе интернетке кірмеу (сіз энергияңызды босқа жұмсайсыз және ақпаратты сүзгілемей жұтуға етіңіз үйреніп кетеді) мақсаттарын қойып көріңіз. Медитация, серуендеу немесе досыңызға қоңырау шалу сияқты істер де сізді осылай ынталандыратын болады, бірақ сіз өзіңізді анағұрлым жинақталған және байсалды сезінетін боласыз.
Интернет беттерінен жинақтаған мектеп психологі Смайлова А.С
Психикалық денсаулық – бұл біздің өз әлеуетіміз бен қабілеттерімізді жүзеге асыру, күйзелістерге төтеп беру, тиімді жұмыс істеу және қоғамға айтарлықтай пайда әкелетін әрқайсымыздың жақсы өмір сүруіміздің негізі. Сондықтан да баршаңызды жан саулығымызды сақтай білуге, оны сақтау үшін жасалатын қағидаларды орындауға шақырамыз. Жанымыз да, тәніміз де сау болып, жақсы көңіл-күймен жайдарлы өмір сүре білейік.
https://www.instagram.com/p/DPn_5hyiMo5/?igsh=ZjY4YndsZmJtOTNk
Ата-аналарды педагогикалық қолдау орталығы (АПҚО) аясында бітіруші 11-сынып оқушылары үшін тайм-менеджмент және өзін-өзі басқару тақырыбында тренинг өткізілді.
Бұл шараны мектебіміздің психологы жүргізіп, түлектерге уақытты тиімді басқару мен өзін-өзі реттеу бойынша құнды кеңестер берді.
Мақсаты:
- оқушыларды уақытты тиімді пайдалануға үйрету;
- өзін-өзі басқару дағдыларын дамыту;
- алдағы ҰБТ мен емтихандарға сапалы дайындыққа бағыт беру;
- жауапкершілік пен жоспарлау қабілетін қалыптастыру.
Тренинг түлектерге өз уақытын дұрыс жоспарлап, сенімділікпен емтихандарға дайындалуға мүмкіндік береді.
https://www.instagram.com/reel/DPEjLRRiBVA/?igsh=MTBpZ3lydzZhNnpoag==
Мектепішілік жалпыата-аналар жиналысында ата-аналарды ақпараттандыру сағаты
Жоспары:
Жалпы ата-аналар жиналысында ата-аналарға жоғарыдағы жспарға сай мәліметтер берілді, психологиялық-педагогикалық сүйемелдеу маңыздылығы айтылды.
Ата-аналардың позитивті көзқарасын қалыптастыру мақсатында «Позитивті ойлау-жетістікке апарар жол» (слайд-презентациясымен шағын кеңестік әңгіме жүргізілді. Ата-ананың позитивті ойлауы-баланың да позитивті ойлауын туындатады, ал бұл өз кезегінде баланың өмірге көзқарасын дұрыс қалыптастырады. Психикалық денсаулығының да дамуына, қалыпты болуына жақсы да жағымды ойлар әсер ететіндігі жөнінде түсіндіріліп, мысалдар келтірілді. Ата-аналар психолог ойын жақсы қабылдады деуге болады.
Ата-ананың немесе өзге де заңды өкілдің психологиялық-педагогикалық қолдау көрсетуге келісімі (ҚР Оқу-ағарту министрінің 2025 жылғы 29 сәуірдегі № 92 бұйрығына сай) туралы түсіндіріп, ата-ана келісімінің маңыздылығы айтылды. Жиналысқа қатысқан барлық ата-аналар психологияны жалпы қолдайтындығын айтты. Қарсы болған ата-аналар болмады. Жиналысқа келмеген ата-аналарға қосымша сынып жетекшілері арқылы түсініктеме берілетіндігі ескертілді. Сынып жетекшілергі келісім қағаздары таратылды.
Жиналыс соңында Ата-аналарға жағымды психологиялық ахуал, мотивация беру мақсатында "КҮН" БЕЙНЕЛЕУ ЖАТТЫҒУЫ, яғни визуализациялық тренинг өткізілді.
Ақпараттандыру сағатының жағымды өткендігі ата-аналардың жақсы көңіл-күйлерінен байқалды деуге болады.
Қосымша:
"КҮН" БЕЙНЕЛЕУ ЖАТТЫҒУЫ
Мақсаты: релаксация, жағымды тәжірибе алу.
Жайлы жайғасып отырып, көзімізді жұмамыз. Әдемі әсем әуенді тыңдап отырып, менің айтқандарымды елестетіп көріңіздер:
Өзіңізді таңертең күн шуағына бөленіп тұрғаныңызды елестетіп көріңіз.
Біраз уақыт таңертеңгі тыныштықты тыңдаңыз.
Күн көкжиектен жартылай көрінгенде, оның алтындай жалтыраған шағылысы көрінеді. Сіз дененің жарқыраған жарыққа толы байланысын сезінесіз.
Сіз өзіңізді жарықпен қапталғандай сезінесіз. Енді сіздің денеңіз күннің өмір беретін энергиясына шомылады. Сіздің сезімдеріңіз оның жылуына толы. Сіздің ойыңыз оның нұрымен жарқырайды.
Осы кезде сіз балаларыңызды елестететесіз. Олар өте бақытты, күлімдеген балаларыңызды сізді келіп құшақтап, алғысын айтуда. Менің балаларым қандай керемет, ең бақытты, менің сүйікті балаларым деп жақсы ойда бақытқа бөленіп отырсыз. Сіз осындай жылу мен жарықтың бір бөлігін сақтай отырып, жарқыраған жарықпен қапталған күйіңізде, көзіңізді ашып осы жерге ораласыз.
