Дүниежүзілік психикалық денсаулық күні қарсаңында мектебімізде 8-9 қазанда «2808. Қолдау желісі» ақпараттық-ағартушылық акциясы аясында түсіндіру жұмыстары жүргізілді.
Павлодар облысы білім беру басқармасының Өңірлік психологиялық қолдау орталығының бастамасымен қолға алынған бұл шараның негізгі мақсаты – оқушылар арасында психикалық денсаулықты сақтау мәдениетін қалыптастыру және психологиялық көмекке уақтылы жүгінудің маңыздылығын түсіндіру.
Акция барысында мектеп оқушыларына эмоционалдық жағдайды реттеу, күйзеліске төтеп беру және қиын сәттерде психологиялық көмек алу жолдары туралы маңызды ақпараттар жеткізілді. Сонымен қатар, балалар кез келген уақытта білікті мамандардан тегін, қолжетімді әрі құпия түрде көмек ала алатын «2808» бірыңғай сенім телефоны қызметімен толық таныстырылды.
Есіңде болсын, кез келген қиындықты бірге еңсеруге болады. Психологиялық көмекке жүгіну – өзіңе және өз болашағыңа деген үлкен қамқорлық!
https://www.instagram.com/reel/DeRh0bDuVgl/?psln=YjdhamJmNmRpNW1k
