Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 3 ақпанда Шарбақты аудандық тарихи-өлкетану мұражайында оқушыларымыз үшін ерекше шара өтті. Олар өңіріміздің атақты әнші-композиторы Майра Шамсутдинова өмірі мен шығармашылығымен танысты.
Майра Шамсутдинова атындағы үй-мұражайы 2001 жылы 30 қаңтарда Павлодар қаласында ашылған. Мұражай жетекшісі Рахимов Ерлан Олжайұлы сахналық өмірден қызықты деректер айтып, әншінің жеке заттары мен сәнді сахналық киімдерін оқушыларға таныстырды.
Бұл шара жас ұрпаққа мәдени мұраны дәріптеу, ұлттық өнерге деген қызығушылықты арттыру мақсатында ұйымдастырылды.

https://www.instagram.com/reel/DUiCspOCIcZ/?igsh=YTNpemRkYXc2MTls

2026 жылғы 6 ақпаннан бастап мектеп оқушылары арасында «Заң мен тәртіп» идеологиясы аясында құқықтық сауаттылықты арттыру және құқықбұзушылықтың алдын алу мақсатында бірқатар профилактикалық бейнероликтерді көрсету жұмыстары басталды.
Аталған бейнероликтерде лудоманияның алдын алу, дроппер болудың қауіпті салдары, қаржылық пирамидалардың белгілері мен зияны, жеке банк картасын бөгде тұлғаларға жалға бермеу, сондай-ақ интернет және телефон арқылы жасалатын алаяқтықтан сақтану жолдары жан-жақты түсіндірілді.
Бейнероликтер оқушылардың жас ерекшеліктерін ескере отырып, сынып сағаттары мен тәрбие сағаттары барысында көрсетілуде. Көрсетілімнен кейін оқушылармен түсіндіру жұмыстары жүргізіліп, нақты өмірден алынған мысалдар арқылы қауіпсіздік шаралары талқыланады.
Аталған іс-шаралардың басты мақсаты – оқушылардың құқықтық мәдениетін қалыптастыру, қаржылық қауіпсіздікке жауапкершілікпен қарауға үйрету және алаяқтық әрекеттердің құрбаны болудан сақтандыру.

https://www.instagram.com/reel/DUab9YKiFZs/?igsh=MXA1ZGdyN3llbjRlYg==

2026 жылғы 5 ақпанда «Заң және тәртіп» айлығы аясында 10-сынып оқушыларымен «Құқықтар мен жауапкершілік» тақырыбында подкаст форматында іс-шара ұйымдастырылды. Іс-шара барысында оқушылар өздерінің құқықтары мен міндеттері туралы пікір алмасып, заң талаптарын сақтаудың маңыздылығын талқылады. Подкаст еркін форматта өтіп, оқушылардың ойларын ашық айтуына, құқықтық сауаттылықтарын арттыруына мүмкіндік берді. Бұл шара жасөспірімдер арасында заңға құрметпен қарау және жауапкершілік сезімін қалыптастыруға бағытталды.

https://www.instagram.com/reel/DUXo-FWiN_N/?igsh=MWNmYzR6OHo4Z284YQ==

2026 жылғы 4 ақпанда үзіліс уақытында «Заң деген не?», «Заң мені қалай қорғайды?», «Заң адамға не береді?» тақырыбында оқушыларға арналған ашық микрофон айдары ұйымдастырылды. Шара барысында оқушылар заңның негізгі қызметтері, құқықтар мен міндеттер, сондай-ақ заң арқылы өздерін қалай қорғауға болатыны жөніндегі ой-пікірлерімен бөлісті.

https://www.instagram.com/reel/DUVHqyjiEvp/?igsh=MTFqd2l0MmRyNmozeQ==

Қамқорлық жобасы аясындағы қарт адамдарға қолдау көрсету мақсатында арнайы акция ұйымдастырылды. Акция барысында еріктілер қарттардың үйлеріне барып, ауласын қардан тазартып берді. Бұл іс-шараның негізгі мақсаты – үлкендерге құрмет көрсету, олардың өміріне мейірім мен жылулық сыйлау.

https://www.instagram.com/p/DUVDgy_iHsr/?igsh=cXBlcHpxMnFraGgw

2026 жылғы 2 ақпанда мектебімізде
«Құқықбұзушылықтың алдын-алуда мектеп пен отбасының өзара байланысы»
тақырыбында мазмұнды әрі маңызды ата-аналар жиналысы өтті.
Жиналысқа ауданымыздың әр саладан келген білікті мамандары қатысып, ата-аналармен ашық әрі пайдалы әңгіме өрбітті:
Аязбаева Дана Қайратқызы – Шарбақты ауданы полиция бөлімінің кәмелетке толмағандар ісі жөніндегі учаскелік инспекторы, Дулатов Қуат Дулатұлы – аудандық орталықтандырылған аурухана бас дәрігердің орынбасары, Қасымханова Толғанай Жасқайратқызы – дәрігер инфекционист, Тыныбек Бағдан Саматқызы – санитариялық-эпидемиологиялық бақылау басқармасының өкілі.
Кездесу барысында бала тәрбиесі, денсаулығы мен қауіпсіздігіне қатысты өзекті мәселелер кеңінен талқыланды:
✔️ Ата-ана мен мектептің өзара ынтымақтастығы, баланы бірлесе қолдау
✔️ Балалардың үйде, мектепте және көшеде қауіпсіздігін қамтамасыз ету
✔️ Кәмелетке толмағандар арасындағы құқықбұзушылықтың алдын алу, әкімшілік және қылмыстық жауапкершілік
✔️ Түнгі уақытта балалардың заңды өкілдерінсіз жүруіне жол бермеу, ата-аналардың жауапкершілігі
✔️ Компьютерлік ойындар мен әлеуметтік желілерге тәуелділіктің алдын алу, ата-аналық бақылау
✔️ Киберқауіпсіздік: интернет-алаяқтықтан сақтану, балаларды онлайн қауіптен қорғау
✔️ Ерте жүктіліктің алдын алу
✔️ Вакцинацияның маңызы
✔️ Баланың өмір қауіпсіздігі: аутодеструктивті мінез-құлық пен буллингтің алдын алу
✔️ Психологиялық қолдаудың маңыздылығы
✔️ Оқушыларды қосымша біліммен, үйірмелермен және секциялармен қамту. Бұл кездесу — ата-ана мен мектептің бір мақсатта, бір бағытта әрекет еткенде ғана баланың жарқын болашағын қалыптастыра алатынын тағы бір мәрте дәлелдеді.
Бала қауіпсіздігі — баршамызға ортақ жауапкершілік! 

https://www.instagram.com/reel/DUTEHOCiF_i/?igsh=bTQzN3U5bmlvMXFr

Бүгін 3—4 сынып оқушылары арасында «Адал азамат» бағдарламасы аясында Жол жүру ережесіне арналған іс-шараға өткізілді. Мақсаты:
Оқушыларға жол жүру ережелерін сақтаудың маңыздылығын түсіндіру, жолдағы қауіпсіз мінез-құлықты қалыптастыру, жауапкершілік пен заңға құрмет сезімін арттыру, адал азамат ретінде қоғам алдындағы міндетін сезінуге тәрбиелеу.
Іс-шара мәтіні:
«Адал азамат» бағдарламасы аясында ұйымдастырылған бұл іс-шараның негізгі мақсаты – оқушылар арасында жол жүру ережелерін насихаттау және жол қозғалысы қауіпсіздігін сақтау мәдениетін қалыптастыру. Іс-шара барысында оқушыларға жол белгілері, жаяу жүргіншілер мен велосипедшілердің міндеттері, жолдағы қауіпсіздік ережелері түсіндірілді. Танымдық ойындар, сұрақ-жауаптар мен көрнекі тапсырмалар арқылы оқушылардың қызығушылығы арттырылды.
Аталған іс-шара жас ұрпақты тәртіпті, жауапты, өз өмірі мен өзгенің өміріне бейжай қарамайтын адал азамат етіп тәрбиелеуге бағытталды. 

https://www.instagram.com/reel/DUJTiL7iDAH/?igsh=NGcwOGZqb3Y2M215

2026 жылғы 29 қаңтарда «Заң және тәртіп” айлығы аясында аудандық прокуратура қызметкері Д.М. Тұрсыновтың қатысуымен оқушылар арасында интернет алаяқтықтың алдын алу бағытында ақпараттандыру жұмыстары жүргізілді. Кездесу барысында интернет желісінде жиі кездесетін алаяқтық түрлері, олардың негізгі белгілері, жеке деректерді қорғау жолдары, күмәнді сілтемелер мен хабарламаларға жауап бермеу, сондай-ақ белгісіз тұлғаларға банк карталарының деректерін бермеу қажеттілігі жөнінде жан-жақты түсіндірме берілді. Сонымен қатар оқушылардың құқықтық сауаттылығын арттыру, заң талаптарын сақтау және киберқауіпсіздік ережелерін қатаң ұстанудың маңыздылығы атап өтілді. Аталған тақырыпты нақтылай түсу мақсатында оқушыларға интернет алаяқтықтың алдын алу бойынша бейнеролик көрсетілді.
Сондай-ақ іс-шара аясында Шарбақты станциясының Желілік полиция бөлімшесінің бастығы, полиция майоры Жангелді Қасымұлы Шадиев оқушылармен профилактикалық әңгіме жүргізді. Кездесу барысында теміржол бойында және пойыз қозғалысы кезінде қауіпсіздік шараларын қатаң сақтау, пойыз тоқтаған сәтте теміржол аумағында жүрудің қауіптілігі, белгіленбеген жерлерден өтпеу, бөгде заттарды теміржол жолына қоймау жөнінде нақты түсіндіру жұмыстары жүргізілді. Сонымен қатар кәмелетке толмағандардың түнгі уақытта заңды өкілінсіз көшеде жүруіне тыйым салынатыны, аталған талапты бұзған жағдайда ата-аналар мен заңды өкілдерге қолданылатын әкімшілік жауапкершілік шаралары туралы ақпарат берілді.
Іс-шараның негізгі мақсаты – оқушылардың құқықтық мәдениетін қалыптастыру, қауіпсіз мінез-құлық дағдыларын дамыту және құқықбұзушылықтың алдын алу болып табылады.

https://www.instagram.com/reel/DUGrnrbCDsl/?igsh=dXdmeXBuajIzOXpj