Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

Мектеп жанындағы жазғы сауықтыру «Жаншуақ» лагерінің жұмысы өз мәресіне жетті. Лагерьдің жабылу салтанаты жоғары деңгейде ұйымдастырылып, тәрбиеленушілердің қатысуымен мерекелік іс-шара өтті.Лагерь барысында оқушылардың бос уақытын тиімді ұйымдастыру мақсатында спорттық жарыстар, танымдық ойындар, шығармашылық байқаулар мен мәдени-көпшілік шаралар өткізілді. Балалар қызықты демалыспен қатар, жаңа достар тауып, өздерінің шығармашылық және зияткерлік қабілеттерін дамытуға мүмкіндік алды.Жабылу салтанатында белсенді қатысқан тәрбиеленушілер марапатталып, лагерь жұмысына атсалысқан ұстаздар мен тәрбиешілерге алғыс айтылды. Іс-шара көтеріңкі көңіл күйде өтіп, балалар лагерьден алған әсерлерімен бөлісті.«Жаншуақ» лагері балаларға жарқын естеліктер сыйлап, жазғы демалыстың қызықты әрі пайдалы өтуіне өз үлесін қосты.

https://www.instagram.com/reel/DZwi_WuOemk/?igsh=bG1pZTh5MjJicWZz

Мектеп жанындағы жазғы сауықтыру «Жаншуақ» лагерьінің оқушылары аудандық «Радуга» орталығы ұйымдастырған «Ғарыш экспедициясы» сайысына қатысып, өздерінің ұйымшылдығы мен белсенділігін көрсетті. Сайыс қорытындысы бойынша лагерь тәрбиеленушілері «Ең ұмытылмас экипаж» номинациясын иеленді. Бұл жетістік оқушылардың шығармашылығы мен ынтымақтастығының нәтижесі болып табылады. Қатысушыларды жеңістерімен құттықтап, алдағы уақытта да жаңа белестерді бағындыра берулеріне тілектеспіз!

https://www.instagram.com/reel/DZwiVLyuXca/?igsh=MTVzNXExeXJzMHZyaw==

2026 жылғы 17 маусым күні мектебімізде 11-сынып түлектеріне жалпы орта білім туралы аттестаттарды салтанатты түрде табыстау рәсімі өтті. Биыл мектебімізді 19 оқушы тәмамдап, жалпы орта білім туралы аттестатқа ие болды.
Түлектеріміздің ішінде Садвакасова Жанель «Алтын белгі» иегері атанса, Бауыржан Мөлдір, Оспанова Меруерт және Смаилханова Айдана үздік аттестат иегерлері атанды.
Салтанатты шараға Шарбақты аудандық білім беру бөлімінің басшысы Нұрсейітов Дәурен Қалдыбайұлы, Қабдол Әбенов атындағы сыйлықтың лауреаты марапатын табыстау үшін арнайы келген құрметті қонағымыз Қабдолов Жарқын Русланұлы және ардагер ұстазымыз Дауенова Ғалима Зейнатуллақызы қатысты.
Кеш барысында оқу мен қоғамдық жұмыстардағы жоғары жетістіктері үшін Шарбақты ауданының 2026 жылғы түлектері арасынан мектебіміздің түлегі Бауыржан Мөлдір Қабдол Әбенов атындағы сыйлықтың лауреаты атанып, арнайы дипломмен және ақшалай сыйлық табысталды.
Мерекелік шарада түлектердің ата-аналарына бала тәрбиесі мен мектеп өміріне белсенді араласқандары үшін Алғыс хаттар табысталды. Сонымен қатар, мектебіміздің психологы Смаилова А.С. түлектермен мектеп өмірін қорытындылау және жаңа өмір кезеңіне сеніммен қадам басуда.

https://www.instagram.com/reel/DZwandTomM3/?igsh=MXR1M2gwYWIwa2xybQ==

Абай Құнанбаев атындағы жалпы білім беретін мектептің оқушылары Ғабдул Уахит хазірет кесенесіне барды. Танымдық экскурсияны Шарбақты аудандық білім бөлімінің басшысы Дәурен Қалдыбайұлының қолдауымен тарих пәнінің мұғалімі Айнаш Абдугалиева, аға тәлімгер Зоя Шаку, белсенді педагог Салтанат Макишева ұйымдастырды. Сапар барысында балалар қасиетті орынның тарихымен танысты. Тарихи, құнды мәліметтерге қанықты. Қарағайлы орман, әсем табиғатпен үйлесім тапқан кесене оларға ерекше әсер қалдырды.Танымдық экскурсия оқушылардың туған жер тарихына қызығушылығын арттырды. Мұндай іс-шараның табиғатты аялауға, рухани құндылықтарды құрметтеуге ықпалы зор.

https://www.instagram.com/reel/DZu1m93oiAr/?igsh=MXF4cmpsZjNsOTRxOQ==

«Киелі өлкем» және «IT әлемі» жазғы бейіндік лагерь тәрбиеленушілерінің Павлодар облыстық тарихи-өлкетану музейіне экскурсиясы Мектеп жанындағы жазғы бейіндік «Киелі өлкем» және «IT әлемі» лагерлерінің оқушылары танымдық-экскурсиялық іс-шара аясында Павлодар қаласындағы Павлодар облыстық тарихи-өлкетану музейі имени Г.Н. Потанина барып қайтты.
Іс-шараның мақсаты:* Оқушылардың туған өлкенің тарихы мен мәдени мұрасы туралы білімдерін кеңейту;
* Өлкетану бағытындағы зерттеушілік қызығушылықтарын дамыту;
* Тарихи-мәдени құндылықтарды құрметтеуге және сақтауға тәрбиелеу;
* Танымдық көкжиегін кеңейтіп, патриоттық сезімдерін қалыптастыру.
⁠Аталған музей 1942 жылы құрылған және өңірдің тарихы мен мәдени мұрасын сақтап, насихаттайтын маңызды мәдени-ағартушылық орталықтардың бірі болып саналады. Экскурсия барысында оқушылар музейдің бірнеше тақырыптық залдарын аралап, Павлодар өңірінің ежелгі тарихы, табиғаты, археологиясы, этнографиясы және мәдени дамуы туралы құнды мәліметтер алды. Сондай-ақ тарихи жәдігерлерді, ұлттық тұрмысқа қатысты бұйымдарды, археологиялық олжаларды және өлкенің көрнекті тұлғаларына арналған экспозицияларды тамашалады.
Музей қызметкерлері оқушыларға әр экспонаттың ерекшелігі мен тарихи маңызы туралы жан-жақты түсіндіріп, қызықты деректермен бөлісті. Балалар өздерін қызықтырған сұрақтарын қойып, белсенді түрде пікір алмасты. Экскурсия барысында оқушылар туған өлкенің өткені мен бүгінгі тарихы арасындағы байланысты тереңірек түсініп, тарихи-мәдени мұраға деген құрмет сезімдерін арттырды.

https://www.instagram.com/reel/DZujKkZoDol/?igsh=MWd4d3l2OXQzeWZieg==

2026 жылғы 15 маусымда мектепте 9-сынып түлектеріне жалпы негізгі білім туралы аттестаттарды салтанатты түрде табыстау рәсімі өткізілді. Биылғы оқу жылында 19 оқушы 9-сыныпты аяқтап, жалпы негізгі білім туралы аттестатқа ие болды.
Іс-шара Қазақстан Республикасының Мемлекеттік Гимнімен басталып, мектеп әкімшілігі, ұстаздар, ата-аналар мен қонақтардың қатысуымен өтті. Салтанатты жиында мектеп басшылығы түлектерді маңызды белеспен құттықтап, оларға алдағы оқу жолында табыс, биік мақсаттарға жету, дұрыс мамандық таңдау және елдің лайықты азаматы болуға тілектестігін білдірді.
Аттестаттарды табыстау рәсімі ерекше әсерлі жағдайда өтті. Әрбір түлекке аттестат табысталып, олардың мектеп қабырғасындағы жетістіктері атап өтілді. Оқушылар ұстаздарына, ата-аналарына және мектеп ұжымына ризашылықтарын білдірді.
Мерекелік шара барысында оқушылар ән айтып, би билеп, өлең оқып, өз өнерлерін көрсетті. Сонымен қатар, сынып жетекшілері мен пән мұғалімдері түлектерге ақ жол тілеп, жүрекжарды лебіздерін жеткізді.
Балаларының білім алуы мен тәрбиесіне белсенді атсалысып, мектеппен тығыз байланыста жұмыс жасағаны үшін барлық ата-аналар Алғыс хаттармен марапатталды. Ата-аналар өз кезегінде мектеп әкімшілігі мен ұстаздарға балаларға сапалы білім мен саналы тәрбие бергендері үшін алғыстарын білдірді.
Салтанатты шара жылы әсерге толы болып, оқушылар, ата-аналар және мұғалімдер үшін есте қаларлық мерекеге айналды.

https://www.instagram.com/reel/DZsxhZvO8zV/?igsh=MWdsZmN3ZTJzZW9qag==

Мектеп жанындағы жазғы сауықтыру «Жаншуақ» лагерьінің оқушылары танымдық-экскурсиялық іс-шара аясында Павлодар облыстық   Г.Н. Потанина атындағы тарихи  өлкетану мұражайына танымдық сапар өтілді. Мұражай 1942 жылы құрылған және өңірдің тарихы мен мәдениетін насихаттайтын маңызды мәдени орталықтардың бірі болып табылады.Экскурсия барысында оқушылар мұражай залдарын аралап, Павлодар өңірінің тарихы, табиғаты, археологиясы мен этнографиясына қатысты құнды жәдігерлермен танысты. Танымдық саяхат балалардың туған өлкенің тарихи мәдени мұрасына деген қызығушылығын арттырып, білімдерін кеңейтуге ықпал етті.
Лагерь тәрбиеленушілері экскурсиядан мол әсер алып, мұражай қызметкерлеріне қызықты әрі мазмұнды ақпараттары үшін алғыстарын білдірді.

https://www.instagram.com/reel/DZss2ikuVWD/?igsh=ZmYxOGp1bjIyMHdt

Мектеп жанындағы жазғы сауықтыру «Жаншуақ» лагерінде оқушылар арасында «Асфальттағы сурет – бала қиялының айнасы» атты шығармашылық шара ұйымдастырылды.

Шараның мақсаты – балалардың шығармашылық қабілеттерін дамыту, қиялын ұштау және жазғы демалыс уақытын мазмұнды өткізу. Қатысушылар түрлі-түсті бормен асфальт бетіне өздерінің армандарын, табиғат көріністерін, туған жерге деген сүйіспеншілігін және достық тақырыбындағы суреттерін бейнеледі.

Сурет салу барысында оқушылар ерекше белсенділік танытып, шығармашылық шеберліктерін көрсетті. Әр жұмыс өзіндік ерекшелігімен көзге түсіп, көрермендердің қызығушылығын арттырды. Шара соңында барлық қатысушыларға алғыс білдіріліп, үздік жұмыстар марапатталды.
Осындай тәрбиелік мәні зор іс-шаралар балалардың эстетикалық талғамын қалыптастырып, шығармашылыққа деген қызығушылығын арттыруға ықпал етеді.

https://www.instagram.com/p/DZpcvzro1Cu/?igsh=ZDI1MmdrNmZseWNj