Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 23 қаңтарда оқушылар арасында «Біз және қаржылық жауапкершілік» тақырыбы бойынша ойын өткізілді. Іс-шараның мақсаты – оқушыларға қаржылық сауаттылықты, ақшаға жауапкершілікпен қарау дағдыларын қалыптастыру және командалық жұмысқа үйрету.
Ойын барысында оқушылар түрлі қаржылық жағдайларды талқылап, шешім қабылдау арқылы тәжірибе жинады. Іс-шараға қатысушылар белсенділік танытып, өз ойларын ашық жеткізді.

Ағымдағы жылдың қаңтар айының жиырма екісі “Жанұя жылуы” жобасы бойынша ата-аналардың балаларымен қысымсыз, өзара сыйластыққа, ынтымақтастыққа және эмоционалды байланысқа негізделген тиімді қарым-қатынас дағдыларын қалыптастыру мақсатында “Калай келісуге болады?» такырыбында психологиялық тренинг өткізілді. Сонымен қатар Ата-аналарды педагогикалық қолдау орталықтарының (АПҚО) жұмысы аясында жоспарланған ата-аналарға баланы эмоционалды қолдаудың маңыздылығын түсіндіру; ата-аналарға өз жағдайын тұрақтандыру әдістерін үйретуге негізделген «ҚАУІПСІЗДІК ПЕН СЕНІМНІҢ НЕГІЗІН ҚАЛАЙМЫЗ» атты тренинг элементтерімен сабақ өткізілді. Кездесу соңында Ата-аналарға «Өз эмоцияларымызды саналы түрде қабылдау дағдыларын қалай дамытуға болады» жадынамасы таратылып, үй жағдайында жасауға болатын «Тыныштық тынысы» атты қарапайым жаттығулар ұсынылды.

https://www.instagram.com/reel/DT2mrnAiAwe/?igsh=MWJrMGg4Mm42aGdqdw==

«Адал азамат» біртұтас тәрбие бағдарламасы аясында «Ұрпақ үні» жобасы бастау алды. Осы жоба шеңберінде 6-сынып оқушылары «Сен жеті атаңды білесің бе?» атты челленджді бастап, эстафетаны 7-сынып оқушыларына жолдады.

https://www.instagram.com/reel/DT2OCOjCCLb/?igsh=MWE3a2pkajRqeHg1NQ==

📚⚖️ Заң және тәртіп айлығы аясында мектебімізде 9 «А» және 9 «Б» сыныптары арасында
«Адалдық және әділдік» тақырыбында танымдық викторина өтті.
Викторина барысында оқушылар өздерінің құқықтық білімдерін сынап, адалдық, әділдік, жауапкершілік сияқты маңызды құндылықтар жайында ой бөлісті. Белсенділік, ұйымшылдық пен достық бәсеке атмосферасы ерекше сезілді.
Осындай іс-шаралар оқушылардың заңға құрметін арттырып, әділ қоғам құруға деген көзқарасын қалыптастырады✨

https://www.instagram.com/reel/DT157CsiH20/?igsh=MThmc2V1b2x0a3poMg==

2026 жылғы 21 қаңтарда «Заң және тәртіп» республикалық айлығының жоспарын іске асыру мақсатында 10-сынып оқушыларымен
«Заңның 30 секунды» челленджі ұйымдастырылды.
Аталған челлендж гимназия сыныптары бар жалпы орта білім беру мектебінен қабылданып,
эстафета ретінде №3 жалпы орта білім беру мектебіне жолданды. Челлендж барысында оқушылар заңның маңызын, тәртіп пен жауапкершіліктің қоғамдағы рөлін қысқа әрі мазмұнды форматта жеткізді.
Бұл бастама жас ұрпақтың құқықтық сауаттылығын арттыруға және заңға құрметпен қарауға тәрбиелеуге бағытталған.
Заңды білу – тәртіптің бастауы,тәртіп – табыстың кепілі! 

https://www.instagram.com/reel/DTxLDUKiE9R/?igsh=OXN4cGZzZzVzZDh0

Қызылорда қаласында өткен Ұлттық құрылтай аясында жүзеге асырылып жатқан «Адал азамат» бірыңғай тәрбие бағдарламасы құндылыққа негізделген ұрпақ тәрбиелеуге жол ашады.

Осы бағдарлама аясында әзірленген брендбук – тек көрнекілік емес, адалдық, жауапкершілік, еңбекқорлық, әділдік сияқты ұлттық құндылықтарды насихаттайтын маңызды құрал. Бірыңғай визуалдық стиль, үйлесімді түстер палитрасы мен мазмұнды дизайн элементтері мектеп кеңістігін тәрбиелік мәнге толы ортаға айналдыруда.

2026 жылғы 19 қаңтар күні «Адал азамат» біртұтас тәрбие бағдарламасы аясында мектепте тәрбие сағаттары өткізілді. Аталған тәрбие сағаттарында «Мектеп жарғысы – білім беру ұйымдарындағы тәртіптің негізі», «Досболайық» және «Буллингтен қорған» тақырыптары қамтылып, оқушыларға арналған қауіпсіздік сабақтары ұйымдастырылды.
Тәрбие сағаттары барысында оқушылар мектептегі тәртіп, сыныпта және әлеуметтік ортада өзара сыйластық қағидалары, сондай-ақ буллингтің алдын алу жолдары туралы толық ақпарат алды. Сабақ соңында оқушылардың тақырыпқа байланысты түсініктері тексеріліп, олардың қауіпсіздік мәдениетін қалыптастыруға бағытталған практикалық кеңестер берілді.