Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 22 мамыр күні мектебімізде «Адал азамат» біртұтас тәрбие бағдарламасы аясында «Жұлдыздар шеруі» атты салтанатты марапаттау кеші өтті.
Мерекелік кеш барысында жыл бойы аудандық, облыстық, республикалық және мектепішілік деңгейде жоғары жетістіктерге жеткен, оқу, спорт және тәрбие бағытында үздік нәтиже көрсеткен оқушыларымыз марапатталды. Сонымен қатар, мектептің қоғамдық жұмыстарына белсене қатысып, түрлі мәдени-көпшілік және мектепішілік іс-шараларда белсенділік танытқан оқушыларға ерекше құрмет көрсетілді.
Жас жеткіншектеріміздің әрбір жетістігі — тынымсыз еңбек пен табандылықтың, білімге деген құштарлық пен жауапкершіліктің айқын көрінісі. Білім мен өнерде, спорт пен қоғамдық жұмыстарда белсенділік танытып жүрген шәкірттеріміз — мектебіміздің мақтанышы, болашағымыздың жарқын үміті!
Барша марапат иелерін шын жүректен құттықтаймыз!
Жұлдыздарыңыз әрдайым жарқырап, алар асуларыңыз биік болсын!

https://www.instagram.com/reel/DYuT9dgon9c/?igsh=MWRkZjF1dmlzNW83cw==

“Адал азамат” біртұтас тәрбие бағдарламасы негізінде, 2026 жылғы 18 мамыр күні мектебімізде «Ұлы ұлттың баласы, ұлықта домбыраңды» атты шағын концерт өткізілді.
Шараның мақсаты – ұлттық өнерді дәріптеу, жас ұрпақтың бойында рухани құндылықтарды қалыптастыру және қазақ халқының қасиетті қара домбырасына деген құрметті арттыру.
Концерт барысында қазақтың қара домбырасы туралы тағылымды мәліметтер айтылып, Балалар музыка мектебі мен А.Құнанбаев атындағы жалпы орта білім беретін мектебі оқушыларынан құралған домбыра ансамблі өнер көрсетті.
Таймасов Қуат Қабиденұлының жетекшілігімен өнерлі ұжым халықаралық және республикалық байқаулардың жеңімпазы атанып, ұлттық өнерді насихаттауда үлкен жетістіктерге жетіп келеді.
Күмбірлеген күй көрермен көңілінен ерекше орын алып, ұлттық рухты асқақтатты.

https://www.instagram.com/reel/DYgiQAAIeM7/?igsh=MTYweWRhejc4aDFnMg==

2026 жылғы 18 мамырда “Адал азамат” біртұтас тәрбие бағдарламасы негізінде мектебімізде «Саяси қуғын-сүргін құрбандарын еске алу күніне» арналған тәрбие сағаты және қауіпсіздік сабақтары өткізілді.
Тәрбие сағаты барысында оқушыларға саяси қуғын-сүргін құрбандарының тағдыры, тарихи маңызы мен ел тарихындағы орны туралы мәліметтер беріліп, өткенге тағзым ету, тарихи сананы қалыптастыру бағытында мазмұнды жұмыстар жүргізілді.
Сонымен қатар, қауіпсіздік сабақтарында жоспарға сәйкес қауіпсіздік ережелері түсіндіріліп, оқушыларға өмір қауіпсіздігін сақтау, жауапкершілік пен сақтық шараларын ұстану жөнінде кеңінен ақпарат берілді.
Шаралардың басты мақсаты – жас ұрпақтың бойында отансүйгіштік, адамгершілік қасиеттерді қалыптастыру және қауіпсіздік мәдениетін дамыту.

https://www.instagram.com/p/DYgIQEwmIOa/?img_index=3&igsh=MW1ubjZxeXFzNzZqMA==

Туризм және экологиялық ағарту бөлімінің мамандары Щарбақты ауданының оқушыларына табиғатқа ұқыпты қарауды қалыптастыруға, экологиялық мәдениетті арттыруға және туған өлкенің жануарлар мен өсімдіктер әлемі туралы білімдерін кеңейтуге бағытталған бірқатар экологиялық іс-шаралар өткізді.

Кездесулер аясында оқушылар үшін:
— «Табиғаттағы мінез-құлық мәдениеті» тақырыбында дәріс;
— «Орманда кімдер мекендейді?» атты викторина;
— «Қызыл кітап» экологиялық сағаты ұйымдастырылды.

Іс-шара барысында оқушылар орманда өзін ұстау ережелерімен танысып, Қызыл кітапқа енген сирек және жойылып бара жатқан жануарлар мен өсімдіктер туралы білді, сондай-ақ танымдық викторинаға белсене қатысты. Мектеп оқушылары сұрақтарға қызығушылықпен жауап беріп, экологиялық мәселелерді талқылап, туған өлкенің табиғаты туралы өз білімдерімен бөлісті.

Осындай іс-шаралар жас ұрпақтың қоршаған ортаға деген жауапкершілік сезімін қалыптастырып, табиғатқа сүйіспеншілігін арттыруға және оның байлығын болашақ ұрпақ үшін сақтауға тәрбиелейді.

https://www.instagram.com/reel/DYOX2_uMMi6/?igsh=MXNoZjZsc3g0eGEwaQ==

9 мамыр – Жеңіс күніне орай, «Даңқ обелискі» ескерткішіне гүл шоқтарын қою рәсімі өтті.
Жеңіс күні – батыр аталарымыз бен әкелеріміздің ерлігі мен жанқиярлығының арқасында біз бейбіт, тәуелсіз елде алаңсыз өмір сүріп отырғанымызды еске салатын қасиетті күн. Осы ұлы Жеңіс жолында қаза тапқан ерлеріміздің рухына тағзым етіп, құрмет көрсету мақсатында іс-шараға мектебіміздің оқушылары мен педагогтері қатысты.
Рәсім барысында Ұлы Отан соғысында ерлік көрсеткен батырларымыз бір минут үнсіздікпен еске алынып, ескерткішке гүл шоқтары қойылды. Қатысушылар ардагерлердің ерлігі мен Отанға деген сүйіспеншілігін үлгі етіп, жас ұрпаққа патриоттық тәрбие берудің маңыздылығын атап өтті.
Бұл тағылымды шара жас буынның бойында елге деген құрмет пен отансүйгіштік сезімді қалыптастырып, бейбіт өмірдің қадірін терең түсінуге мүмкіндік берді.

https://www.instagram.com/reel/DYKil4YADkw/?igsh=MW1zMGF1ZW52Zm5lZQ==

2026 жылғы 4 мамыр күні Отан қорғаушылар күні мен Ұлы Жеңіс күніне арналған жоспарға сәйкес мектепте тәрбие сағаттары өткізілді.
Тәрбие сағаттарының мақсаты – оқушылардың бойына патриоттық сезім қалыптастыру, Отанды сүюге тәрбиелеу, елін, жерін қорғаған батырлардың ерлігін үлгі ету және Ұлы Жеңістің маңызын түсіндіру болды.
Іс-шара барысында оқушыларға 7 мамыр – Отан қорғаушылар күні мен 9 мамыр – Жеңіс күні мерекелерінің тарихи маңызы туралы ақпарат берілді. Сонымен қатар, Ұлы Отан соғысы жылдарындағы батырлардың ерлігі, тыл еңбеккерлерінің қажырлы еңбегі жөнінде айтылып, бейбіт өмірдің қадірін түсіндіруге бағытталған жұмыстар жүргізілді.
Тәрбие сағаттарында оқушылар патриоттық тақырыптағы өлеңдер оқып, әндер орындады. Сондай-ақ, бейнероликтер көрсетіліп, тарихи мәліметтер мен естеліктер айтылды.
Шара соңында оқушыларға ел тыныштығын сақтау, Отанды құрметтеу және ата-баба ерлігін ұмытпау – әр азаматтың міндеті екені түсіндірілді.

https://www.instagram.com/reel/DYKZlSEgPyj/?igsh=aGxxeGo2YzcxMHUw

9 мамыр – Жеңіс күніне арналған жоспарға сәйкес мектебімізде «Жеңіс көктемі» челленджі ұйымдастырылды.
Челлендждің мақсаты – оқушылардың бойына патриоттық сезім қалыптастыру, Ұлы Жеңістің тарихи маңызын түсіндіру, батыр бабаларымыздың ерлігіне құрмет көрсету және бейбіт өмірдің қадірін ұғындыру болды.
Іс-шара барысында оқушылар Жеңіс күніне арналған патриоттық өлеңдерді жатқа мәнерлеп айтып, өздерінің Отанға деген сүйіспеншіліктерін жеткізе білді. Өлең жолдары арқылы соғыс жылдарындағы ерлік, ел бірлігі, батырлардың жанқиярлығы мен бейбіт өмірдің құндылығы кеңінен насихатталды.
Челленджге қатысқан оқушылар белсенділік танытып, шығармашылық қабілеттері мен көркем оқу шеберліктерін көрсетті. Осындай тәрбиелік маңызы зор іс-шаралар жас ұрпақтың тарихи санасын қалыптастырып, елжандылық рухын нығайтуға ықпал етеді.

https://www.instagram.com/reel/DYHyplNgPLP/?igsh=MTY2amRpYjJycnZiNQ==

“Адал азамат” біртұтас тәрбие бағдарламасы аясында, 9 мамыр – Жеңіс күніне арналған жоспарға сәйкес, мектебіміздің 5–11 сынып оқушылары «Ұлы Жеңіс» тақырыбында эссе жазды.
Аталған жұмыс оқушылардың тарихи санасын қалыптастыру, Ұлы Отан соғысы жылдарындағы халқымыздың ерлігі мен батырлығын дәріптеу, жас ұрпақтың бойына отансүйгіштік қасиеттерді сіңіру мақсатында ұйымдастырылды. Эссе жазу барысында білім алушылар Жеңіс күнінің маңызына тоқталып, бейбіт өмірдің қадірін, батыр бабаларымыздың ел үшін жасаған жанқиярлық ерлігін ерекше атап өтті.
Оқушылар өз шығармаларында соғыс жылдарындағы қиындықтар, майдангерлердің батылдығы, тыл еңбеккерлерінің еңбегі туралы ой қозғап, бүгінгі тыныш өмірдің оңайлықпен келмегенін жеткізе білді. Сонымен қатар ата-баба ерлігіне тағзым ету, ел тарихын құрметтеу, Отанға адал қызмет ету секілді құндылықтар кеңінен көрініс тапты.
Эссе жазу барысында оқушылар өз ойларын еркін жеткізіп, шығармашылық қабілеттерін көрсетті. Жазба жұмыстарынан олардың ел тарихына деген қызығушылығы мен патриоттық сезімі анық байқалды. Осындай тәрбиелік маңызы зор жұмыстар жас ұрпақтың рухани-адамгершілік тәрбиесін нығайтып, тарихи жадыны сақтауға ықпал етеді.

https://www.instagram.com/reel/DYHw7--gliD/?igsh=MW15MmwwNDRkemx5ZQ==