Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

Бүгін, жұма күні мектебімізде ерекше көңіл күй!
Оқушылар мен ұстаздарымыз ұлттық киім киіп, ата-бабамыздың мәдени мұрасын дәріптеді.
Ұлттық киім – халқымыздың тарихы мен дәстүрінің айнасы.
Бүгінгі күн ұлтқа деген сүйіспеншілікті, бірлікті және рухани байлықты сезіндірді. 

https://www.instagram.com/reel/DQwKEz9iMSZ/?igsh=aXVmY2w1dGFkem56

2025 жылдың 5 қарашасында мектебіміздің оқушылары Шарбақты тарихи-өлкетану музейінде қолөнер шебері Лариса Ечкалованың «Өмірдің әсем бояулары саған арналады» атты жеке көрмесінің салтанатты ашылуына қатысты. Көрмеде ұлттық нақыштағы, қазақтың бай мәдени мұрасын айшықтайтын ою-өрнектермен безендірілген ерекше бұйымдар ұсынылды. Шебердің әр туындысы жылулық пен ізгілікке, туған мәдениетке деген сүйіспеншілікке және халық шығармашылығының дәстүрлерін сақтау ниетіне толы екені айқын сезілді.

Оқушылар Лариса Ечкалованың шығармашылық еңбегімен жақын танысып, қолөнер бұйымдарын жасау тәсілдері туралы көп мағлұмат алды. Көрмеден алған әсерлері зор — олар ұлттық өнердің тереңдігін сезініп, шабыт пен рухани қуат алып қайтты.

Әрбір аптаның дүйсенбі күні мектеп оқушыларымен дәстүрлі апталық саптық жиыны өткізіледі.
Саптық жиынның негізгі мақсаты – өткен аптадағы оқушылардың тәртібі мен үлгерімін қорытындылап, жаңа аптаға жақсы көңіл күймен және жауапкершілікпен кірісу.
Саптық жиын барысында төмендегі бағыттар бойынша профилактикалық және тәрбиелік жұмыстар жүргізіледі:
Оқушылардың тәртіп сақтау деңгейі, сабаққа қатысуы және кешікпеу мәселелері талқыланады;
Мектеп формасын сақтау, жеке бас тазалығы және ұқыптылық туралы түсіндірме жұмыстары жүргізіледі;
Мектеп мүлкін күтіп ұстау, сыныптар мен ауладағы тазалық пен тәртіпті сақтау ескертіледі;
Апта бойында үздік нәтиже көрсеткен оқушылар мен сыныптар марапатталады, жақсы үлгі ретінде таныстырылады;
Алдағы аптаның жоспарлы іс-шаралары мен мерекелік, танымдық, спорттық жұмыстар туралы ақпарат беріледі.

Мұндай саптық жиында оқушылардың жауапкершілігін арттыруға, тәртіп пен ұйымшылдықты қалыптастыруға, сондай-ақ мектеп ұжымында ынтымақтастық пен рухани бірлікті нығайтуға бағытталған.

Күзгі каникул кезінде оқушылар мектепке келіп, тоғызқұмалақ және шахмат ойындарын ойнады. Іс-шараның мақсаты – оқушылардың бос уақытын тиімді өткізу және логикалық ойлау қабілеттерін дамыту. 

25 қазан – Республика күні!
Осы мерекеге орай мектебімізде “Елімнің еркіндігі – менің мақтанышым” атты тәрбие сағаты ұйымдастырылды.
Іс-шара барысында оқушыларымыз еліміздің тарихы, рәміздері мен тәуелсіздік жолындағы жетістіктері туралы ой бөлісіп, өнерлерін көрсетті. 🇰🇿
Болашағы жарқын Қазақстанымыз аман болсын! 

https://www.instagram.com/p/DQBrRddiPai/?igsh=MWVoN2ZzaThoZXVwYw== 

Республика күнімен! 🇰🇿
Еліміздің Тәуелсіздік жолындағы ең маңызды белестерінің бірі – Республика күні!
Бұл күн — халқымыздың өз мемлекеттілігін жаңғыртып, ел тағдырын өз қолына алған тарихи сәтін еске салатын ұлы мереке.
Біздің мектепте осы атаулы күнге арналған тәрбие сағаты өтті.
Оқушылар Республика ұғымының мәнін түсініп, елге деген сүйіспеншілігін өлеңмен, әнмен, сахналық көріністермен жеткізді. 

Ағымдағы жылдың қазан айының он тоғызы күні мектебімізде «Өзін-өзі басқару ұйымы» мүшелерін сайлау өтті. Сайлауға мектептің барлық оқушылары белсенді түрде қатысып, өздерінің таңдауларын жасады.

Сайлау барысында үміткерлер өз бағдарламаларымен таныстырып, оқушыларды мектеп өміріне белсенді араласуға шақырды. Дауыс беру нәтижесі бойынша ең көп дауыс жинаған оқушылар төмендегідей лауазымдарға ие болды:
Мектеп президенті: 10 сынып оқушысы Тоқтамыс Алтынай сайланды.
Сайлау әділ әрі ашық түрде өтті. Барлық үміткерлер өз белсенділіктерін көрсетіп, оқушыларға жақсы үлгі болды.
Жаңа құрамдағы өзін-өзі басқару ұйымына табыс пен шығармашылық жетістіктер тілейміз!

https://www.instagram.com/reel/DP_3Pb2CMQm/?igsh=ZWJ5YXZxMDNsem1x

🗳 Мектеп президентіне сайлау басталды!
Кім біздің мектептің жаңа көшбасшысы болмақ?
Әділ таңдау жасап, өз даусыңды маңызды іске жұмса!

Абай Құнанбаев атындағы жалпы орта білім беру мектебінің 10 “А” сынып оқушысы Тоқтамыс Алтынай мектеп президентіне үміткер.

https://www.instagram.com/reel/DP5GwB2iLPj/?igsh=eW9kc3dodmkyMGVq

Мектеп президенті – оқушылардың дауысы, мектептің мақтанышы! 🏫

Абай Құнанбаев атындағы жалпы орта білім беру мектебінің 7 сынып оқушысы Жаров Ералы мектеп президентіне өз кандидатурасын ұсынып, сайлауалды бағдарламасымен таныстырды. Жаров Ералы мектеп өмірін жақсартуға бағытталған идеялар мен бастамалары жайлы хабарлады. 

https://www.instagram.com/reel/DP4IpbViDbi/?igsh=YzdvY2d1Z2F6eDRm 

Әр дауыс маңызды!
Мектеп президентіне сайлау — бұл сенім, жауапкершілік және болашаққа бағытталған қадам.
Бүгінгі таңда өз таңдауыңды жасап, мектебіңнің ертеңіне үлес қос!

Абай Құнанбаев атындағы жалпы орта білім беру мектебінің 8 “А” сынып оқушысы Баймухамбет Ақниет мектеп президентіне үміткер  

https://www.instagram.com/reel/DP5HVi2iBDu/?igsh=MTRrOTFheWJ4bXpvaw==

Алтын күздің әсем бояуларға толы сәтінде мектебімізде дәстүрге айналған “Күз кереметі. Өнер мен би тоғысы” мерекелік кеші жоғары деңгейде өтті!
Бұл күн — тек табиғаттың ғана емес, жүректердің де жылылығын сездіретін ерекше мереке болды. Оқушыларымыз күздің әдемілігін би мен ән арқылы өрнектеп, өнерлерін паш етті.
Кеш барысында әр сынып өз өнерін көрсетіп, түрлі сәнді киім үлгілерін ұсынды. Алтын жапырақтардай жарқыраған жас таланттар көрермендердің ыстық ықыласына бөленді.
Мерекелік кеш оқушылардың шығармашылығын дамытып, эстетикалық талғамын қалыптастыруға бағытталды.
Оқушыларымыздың жүзінен шаттық, бойынан шабыт, көңілінен жылулық сезілді.
Күзгі бал – бұл тек мереке емес, достықтың, бірліктің, сұлулық пен шабыттың тоғысқан сәті!
Мектебіміздің ұстаздары мен оқушыларының еңбегі мен белсенділігіне алғыс білдіреміз.
Күздің әр күні осындай қуаныш пен шаттыққа толы болсын! 

https://www.instagram.com/reel/DP3zE2KCPRl/?igsh=MWoxMWR2d29ueWdjdg==