Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

🚒 Шарбақты ауданы ТЖБ қызметкерлері Абай атындағы негізгі орта мектептің қызметкерлерімен өрт қауіпсіздігі бойынша оқу сабағын өткізді.
Сабақ барысында өрт туындаған жағдайда іс-әрекет ету ережелері түсіндіріліп, алғашқы өрт сөндіру құралдарын қолдану тәртібі көрсетілді.
Қызметкерлерге өрт сөндіргішті дұрыс пайдалану жолдары практикалық түрде көрсетіліп, оны іске қосу, дұрыс бағыттау және өртті бастапқы кезеңде сөндіру тәсілдері үйретілді.
Мұндай шаралар төтенше жағдайларда дұрыс әрекет ету дағдыларын қалыптастыруға бағытталған.
🔥 Қауіпсіздік – баршамыздың ортақ міндетіміз!

https://www.instagram.com/reel/DWophYwDP4e/?igsh=MTE4ZzdtYzdtZ3VuMw==

2026 жылғы 30 наурызда «Заң мен тәртіп» бағыты бойынша іс-шаралар жоспарына сәйкес ата-аналар жиналысында полиция қызметкері Аязбаева Д.Қ. ата-аналарға «Бала мен заң» тақырыбында ақпараттық-түсіндіру жұмысын жүргізді.
Жиналыс барысында балалардың қауіпсіздігіне байланысты маңызды мәселелер кеңінен қарастырылды. Алда жаз мезгілінің жақындауына байланысты велосипед, самокат тебу кезінде жол қозғалысы ережелерін қатаң сақтау қажеттігі ата-аналарға ерекше ескертілді. Сонымен қатар мопед, электрлі велосипед, мотоцикл құралдарын кәмелетке толмаған балалардың басқаруына жол берілмейтіні, олардың өмірі мен денсаулығына айтарлықтай қауіп төндіретіні түсіндірілді.
Бұдан бөлек, балалардың бос тұрған немесе қараусыз ғимараттарға кіруіне тыйым салу қажеттігі, түнгі уақытта кәмелетке толмағандардың заңда белгіленген уақыттан кейін көшеде жүруіне жол бермеу мәселелері қозғалды. Сондай-ақ буллингтің алдын алу, оның салдары туралы, интернет-алаяқтықтың бір түрі – дропперлік әрекеттердің қауіптілігі жөнінде түсіндіру жұмыстары жүргізілді. Қосымша ретінде құқық бұзушылықтың салдары мен жауапкершілігі туралы нақты мысалдар келтіріліп, Серебрянск қаласындағы түзеу мекемесі туралы ақпарат берілді.
Жиналыс барысында ата-аналарға түсіндіру жұмыстары жүргізіліп, балалардың қауіпсіздігін қамтамасыз ету бойынша ұсыныстар мен ескертулер айтылды. 

https://www.instagram.com/reel/DWi0eRZCBWS/?igsh=MTVoenUxZmxncnE2NA==

«Заңмен дос боламыз» жобасы жасөспірімдер мен жастардың құқықтық сауаттылығын арттыру мақсатында жүзеге асырылды. Жоба аясында бейнемазмұнды оқушылардың өздері дайындап, тарату көзделді. Жобаға жоғары сынып оқушылары қатысып, өзекті құқықтық тақырыптарды қарапайым әрі түсінікті түрде баяндады.

https://www.instagram.com/reel/DWBfqNoCNyb/?igsh=bnN0ODhqYml1OWZ3

2026 жылдың 2 ақпанында мектебімізде 1–11 сынып оқушылары арасында «Қауіпсіз интернет”, “Цифрлық әлемде қауіпсіз қадам» тақырыбында тәрбие сағаттары өткізілді.

🎯 Іс-шараның мақсаты – оқушыларға интернеттегі қауіпсіздік ережелерін түсіндіру, жеке деректерді қорғау, кибербуллинг пен интернет-алаяқтықтың алдын алу.

👩‍🏫 Тәрбие сағаттары барысында оқушылар интернетті саналы әрі жауапкершілікпен қолдану жолдары туралы маңызды мәліметтер алды.

🔐 Қауіпсіз интернет – әр баланың қауіпсіз болашағы!

https://www.instagram.com/p/DUQ5OhdiBQA/?igsh=MWo2d2h1M3NjdWRpcw==

«Адал азамат – біртұтас тәрбие» бағдарламасы аясында және «Заң және тәртіп» айлығының жоспарын орындау мақсатында бастауыш сынып оқушылары арасында «Мен тәртіпті оқушымын» челленджі ұйымдастырылып, өткізілді.
Аталған челлендждің мақсаты – оқушылардың тәртіпке, жауапкершілікке, заң талаптарын сақтауға деген көзқарасын қалыптастыру, мектеп ережелерін құрметтеуге тәрбиелеу.
Іс-шара барысында оқушылар күнделікті мектеп өмірінде тәртіп сақтау, сабаққа жауапкершілікпен қарау, үлкенге құрмет, кішіге ізет көрсету, қоғамдық ортада өзін дұрыс ұстау, мектеп мүлкін сақтау және мектеп ауласын таза ұстау туралы өз ойларымен бөлісті.
Челлендж нәтижесінде бастауыш сынып оқушылары тәртіптің қоғамдағы маңызын тереңірек түсініп, заң мен ережелерді сақтаудың әрбір азамат үшін маңызды екенін ұғынды. Мұндай тәрбиелік іс-шаралар оқушылардың құқықтық мәдениетін арттырып, саналы да адал азамат болып қалыптасуына оң ықпал етеді.

https://www.instagram.com/reel/DUC8q0WiBbe/?igsh=MnQ2ZHJ1dXIwOTY2

2026 жылдың 2 ақпанында мектебімізде 1–11 сынып оқушылары арасында «Қауіпсіз интернет”, “Цифрлық әлемде қауіпсіз қадам» тақырыбында тәрбие сағаттары өткізілді.

🎯 Іс-шараның мақсаты – оқушыларға интернеттегі қауіпсіздік ережелерін түсіндіру, жеке деректерді қорғау, кибербуллинг пен интернет-алаяқтықтың алдын алу.

👩‍🏫 Тәрбие сағаттары барысында оқушылар интернетті саналы әрі жауапкершілікпен қолдану жолдары туралы маңызды мәліметтер алды.

🔐 Қауіпсіз интернет – әр баланың қауіпсіз болашағы!

https://www.instagram.com/p/DUQ5OhdiBQA/?igsh=MWo2d2h1M3NjdWRpcw==

2026 жылғы 27 қаңтарда «Заң және тәртіп» республикалық айлығының жоспарына сәйкес аудандық төтенше жағдайлар қызметінің мамандары 9–11 сынып оқушыларына арналған дәріс өткізді. Іс-шара барысында оқушыларға азаматтық қорғау саласындағы қауіпсіздік ережелері, төтенше жағдайлардың алдын алу жолдары және дұрыс әрекет ету тәртібі туралы жан-жақты мәлімет берілді.
Дәріс соңында Көкшетау қаласындағы Мәлік атындағы азаматтық қорғау академиясына оқуға түсу мүмкіндіктері туралы кәсіптік бағдар беру бағытында ақпараттық-түсіндіру жұмыстары жүргізілді. Мамандар академиядағы оқу үдерісі, талапкерлерге қойылатын талаптар, болашақ мамандықтардың маңыздылығы мен артықшылықтары туралы айтып, оқушылардың сұрақтарына жауап берді.
Аталған іс-шара оқушылардың құқықтық сауаттылығын арттырып қана қоймай, олардың болашақ мамандық таңдауда саналы шешім қабылдауына оң ықпал етті.

https://www.instagram.com/reel/DUCw_K2iN5Z/?igsh=cWFmaW13YzZodDNi

2026 жылғы 12 қаңтарда 1–4 сынып оқушыларына қоғамда заң мен тәртіп идеологиясын ілгерілету жөніндегі 2025–2030 жылдарға арналған тұжырымдаманы және «Адал азамат» біртұтас тәрбие бағдарламасын іске асыру аясында «Менің құқықтарым – менің жауапкершілігім» тақырыбында ақпараттық-түсіндіру жұмыстары өткізілді.
Аталған шараны аудандық полиция бөлімінің қызметкері Аязбаева Д.К. жүргізді.
Кездесу барысында оқушыларға өз құқықтары мен міндеттері туралы түсінік беріліп, заңды сақтау – әрбір азаматтың борышы екені түсіндірілді. Сонымен қатар балалардың қауіпсіздігі, буллинг пен зорлық-зомбылықтың алдын алу, жолда жүру ережелері және мектептегі тәртіп нормалары жан-жақты талқыланды.
Шара соңында оқушылармен кері байланыс ұйымдастырылып, олардың не ұққаны, қандай ақпарат алғаны туралы пікір алмасу жүргізілді. Балалар өз ойларын айтып, қауіпсіздік ережелерін сақтау, бір-бірін құрметтеу және заңға бағынудың маңызын түсінгендерін жеткізді.
Бұл кездесу оқушылардың құқықтық сауаттылығын арттырып, жауапты әрі тәртіпті азамат болып қалыптасуына ықпал етті.

https://www.instagram.com/reel/DTZ7OzTiA5y/?igsh=MWttd2R4bWF1cjM2NQ==