Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 7 шілдеде мектеп жанындағы лагерьде балалар арасында ұлттық спорт түрлерін насихаттауға бағытталған «Бес асық» ойынынан жарыс ұйымдастырылды. Балалар асық ойынының бірнеше түрін ойнап, өздерінің ептіліктері мен мергендіктерін көрсетті. Сонымен қатар, ұлттық ойынның ережелерін жақсы меңгергендерін дәлелдеп, жарысқа белсенді қатысты.
Жарыстан кейін балалар аудандық мұражайға экскурсияға барды. Мұражай қызметкері экспонаттардың шығу тарихы мен тарихи маңызы туралы жан-жақты мәлімет беріп, балаларды ауданымыздың өткені мен мәдени мұрасымен таныстырды.
Күн өте қызықты, мазмұнды әрі танымдық деңгейде өтті. Балалар көтеріңкі көңіл күймен жаңа әсерлер алып, үйлеріне қуана қайтты.

https://www.instagram.com/reel/Da2FtnkOJmv/?igsh=MWwxOTM4bGdtMXE3aw==

2026 жылғы 16 шілдеде мектеп жанындағы лагерьде «Әлем балалар көзімен» атты Color Party шығармашылық іс-шарасы ұйымдастырылды. Іс-шараның мақсаты – балалардың шығармашылық қабілеттерін, қиялын, эстетикалық талғамын және өзіндік көзқарасын дамыту.
Шара барысында балалар түрлі-түстер арқылы өз армандарын, бақытты әлем туралы ойларын қағаз бетіне түсіріп, шығармашылық жұмыстарын таныстырды. Сонымен қатар көңілді ойындарға қатысып, бір-біріне көтеріңкі көңіл күй сыйлады. Іс-шара барысында достық, бірлік, мейірімділік және өзара сыйластық құндылықтары кеңінен насихатталды.
«Әлем балалар көзімен» атты Color Party балалардың шығармашылық әлеуетін ашуға, белсенділігін арттыруға және жазғы демалыс уақытын қызықты әрі мазмұнды өткізуіне зор мүмкіндік берді.

https://www.instagram.com/reel/Da1__nKIxhW/?igsh=Y3ZnZGtvZWNyNzI2

2026 жылғы 14 шілдеде мектеп жанындағы лагерьде «Менің онлайн қауіпсіздігім» тақырыбында танымдық іс-шара өткізілді. Іс-шара барысында Әсел мұғалім балалармен сауалнама жүргізіп, интернеттегі қауіпсіздік ережелерін еске түсірді. Балалар өз білімдерін көрсетіп, онлайн ортада өзін қауіпсіз ұстау жолдары туралы пікір алмасты.
Тақырыпты кеңінен түсіндіру мақсатында лагерь тәрбиеленушілері аудандық Ішкі істер бөліміне экскурсияға барды. Экскурсия барысында балалар құқық қорғау органдары қызметкерлерінің күнделікті жұмысы, қоғамдық тәртіпті сақтау және азаматтардың қауіпсіздігін қамтамасыз ету бағытындағы қызметімен танысты. Бұл танымдық кездесу балалардың құқықтық сауаттылығын арттырып, полиция қызметіне деген құрметін нығайтты.

https://www.instagram.com/reel/Da16nY6og2H/?igsh=MjNlNGJkbWliYWYx

2026 жылғы 10 маусымда мектеп жанындағы лагерь тәрбиеленушілері «Ұлттар достығы» тақырыбындағы танымдық іс-шараға қатысып, достық, бірлік және өзара сыйластық құндылықтарына арналған қызықты тапсырмаларды белсенді орындады.
Іс-шарадан кейін балалар ауыл мешітіне экскурсия жасап, имамдармен сұхбаттасты. Олар ислам діні, адамгершілік құндылықтары мен рухани тәрбие туралы көптеген пайдалы мәліметтер алып, өздерін қызықтырған сұрақтарға жауап алды.
Күн балалар үшін танымды да әсерлі өтіп, жаңа білім мен жағымды әсер сыйлады.

https://www.instagram.com/reel/Da0lcYeIQDv/?igsh=YzB3MTdlamF1enhx

2026 жылғы 3 шілдеде мектеп жанындағы лагерьде балаларға арналған «Қараңғылықтағы шығармашылық» атты қызықты танымдық іс-шара ұйымдастырылды. Алғашқы тапсырмада балалар көздерін жұмып, өз қиялдарына сүйене отырып сурет салды. Бұл тапсырма олардың шығармашылық қабілеттерін, зейінін және қиялын дамытуға бағытталды.
Келесі кезеңде балалар екі қатарға бөлінді. Бірінші қатардағы әр баланың арқасына ақ парақ бекітілді. Екінші қатардағы бала сол параққа белгілі бір фигураны салып, бірінші қатардағы бала оны сезіну арқылы тақтаға дәлме-дәл бейнелеуге тырысты. Бұл ойын балалардың қызығушылығын арттырып, ұйымшылдыққа, зейінділікке және бір-бірін түсіне білуге баулыды.
Іс-шараның жалғасында балалар өрт сөндіру бөлімшесіне экскурсия жасап, өрт сөндірушілердің қызметімен танысты. Мамандар балаларға өрт қауіпсіздігі ережелері туралы айтып, арнайы техникалар мен құрал-жабдықтарды көрсетті.
Күн өте қызықты, мазмұнды әрі танымдық деңгейде өтті. Балалар көтеріңкі көңіл күймен көптеген жақсы әсер алып, үйлеріне қуана тарқасты.

https://www.instagram.com/reel/Da0ZYmWotYM/?igsh=eXl2NDRkYTdrMTVj

2026 жылғы 15 маусымда мектеп жанындағы лагерьде «Qazaq Power» ұлттық салт-дәстүрлер мен мемлекеттік рәміздерге арналған танымдық викторинасы ұйымдастырылды. Іс-шара барысында балалар мемлекеттік рәміздер туралы білімдерін сынап, сұрақтарға белсенді түрде жауап берді.
Сонымен қатар, «Өнерім саған, елім!» тақырыбында шығармашылық жұмыс өткізіліп, балалар туған еліне деген сүйіспеншілігін сурет арқылы бейнелеп, өз ойлары мен қиялдарын шығармашылықпен жеткізді.
Іс-шара соңында лагерь тәрбиеленушілері Маралды көліне саяхат жасап, табиғат аясында тамаша демалыс өткізді. Олар көлдің әсем табиғатын тамашалап, таза ауада серуендеп, көтеріңкі көңіл күймен ұмытылмас әсерге бөленді.

https://www.instagram.com/reel/Da0YC41KfS9/?igsh=MWFta3NzM2N3NW1wZA==

2026 жылғы 13 шілдеде мектеп жанындағы сауықтыру лагерінің балалары «Ғабдул-Уахит Хазірет» кесенесіне экскурсия жасады. Экскурсия барысында балалар кесененің тарихымен, орналасқан жерімен және айналасындағы табиғаттың әсемдігімен танысты. Сондай-ақ мешіт имамымен сұхбаттасып, рухани-танымдық маңызы зор мәліметтер алды.
Қайтар жолда балалар адам қолымен жасалған ертегі кейіпкерлерінің мүсіндерін тамашалап, ерекше әсерге бөленді. Экскурсия балаларға өте ұнап, көтеріңкі көңіл күй сыйлады.

https://www.instagram.com/reel/Dazb3X9Ialk/?igsh=MXdjZDY0Y29rcHkzOQ==

2026 жылғы 8 шілдеде мектеп жанындағы «Жаншуақ» лагерінің тәрбиеленушілері Павлодар қаласындағы балалар кітапханасына және Потанин атындағы тарихи-өлкетану мұражайына экскурсия жасады.
Балалар кітапханада қазақ және әлем әдебиетінің ақын-жазушыларының өмірі мен шығармашылығымен танысып, кітаптың маңызы мен әдебиет әлемі туралы қызықты мәліметтер алды. Сондай-ақ, кітапхана қызметкерлері балаларға танымдық бағдарлама ұйымдастырып, кітап оқуға деген қызығушылықтарын арттырды.
Экскурсия барысында балалар Потанин атындағы тарихи-өлкетану мұражайына барып, жойылып кеткен жануарлардың мүсіндерін, табиғатқа, тарихқа және өлкетануға қатысты құнды экспонаттарды тамашалады. Мұражай қызметкерлері әрбір экспонаттың шығу тарихы мен ерекшеліктері туралы жан-жақты ақпарат берді.
Экскурсия балалар үшін өте қызықты, мазмұнды әрі танымдық деңгейде өтті. Олар көптеген жаңа мәліметтер алып, туған өлкенің тарихы мен мәдени мұрасы туралы білімдерін толықтырды. Балалар көтеріңкі көңіл күймен ұмытылмас әсер алып, үйлеріне қуана қайтты.

https://www.instagram.com/reel/DaneY7HIlUi/?igsh=MTRha2d4dmsxdmM0Ng==