«Адал азамат» біртұтас тәрбие бағдарламасы негізінде «Балалар кітапханасы» жобасы аясында Абылай ханның 315 жылдығына арналған «Абылай хан – Тәуелсіздіктің бас сардары» атты дөңгелек үстел өтті. Мақсаты: патриоттық тәрбие беру, көрнекті мемлекет қайраткері Абылай ханмен таныстыру. Ол тек билеуші ғана емес, сонымен бірге әскери көшбасшы, өз халқының дипломаты болды. Абылай хан (шын есімі Әбілмансұр) — 1771—1781 жылдар аралығында билік құрған Қазақ хандығының 18-ші ханы. Қазақ Ордасының тарихындағы ең ұлы хандардың бірі. Арғы тегі Ақ Орданың негізін қалаған Орда Ежен ханнан бастау алады. Абылай онымен қоса Ұрыс хан, Барақ хан, Әз-Жәнібек хан сияқты билеушілердің тікелей ұрпағы. Абылай хан қазақ тарихындағы бірегей тұлға Кенесары ханның атасы. Осы шарға тарих пәнінің мұғалімі Айнаш Айтбаевна қызықты деректермен бөлісті . Дөңгелек үстел соңында тарихи кітаптарға шолу өткізілді.
