2026 жылғы 15 қазанда «Адал азамат» біртұтас тәрбие бағдарламасы аясында қазақ әдебиетінің көрнекті өкілі, жазушы Сайын Мұратбековтің 90 жылдық мерейтойына және «Бір ай – бір кітап» акциясына орай 7 «А» және 7 «Б» сынып оқушылары арасында «Әдеби брейн-ринг» зияткерлік ойыны ұйымдастырылды.
Зияткерлік сайыс барысында оқушылар жазушының «Жусан иісі» және «Жабайы алма» шығармалары бойынша қойылған сұрақтарға жауап беріп, әдеби білімдерін, тапқырлықтары мен шапшаңдықтарын көрсетті.
Іс-шараның ерекше әсерлі сәттерінің бірі – оқушылардың «Жусан иісі» шығармасының басты кейіпкері Аянға хат жазуы болды. Оқушылар хаттарында кейіпкердің тағдырына деген жанашырлықтарын білдіріп, жүрекжарды тілектері мен ізгі ниеттерін жеткізді.
Іс-шараның мақсаты – оқушылардың кітап оқуға деген қызығушылығын арттыру, қазақ әдебиетіне деген сүйіспеншілігін қалыптастыру, көркем шығармаларды терең түсінуге баулу және Сайын Мұратбеков туындыларының тәрбиелік мәнін ұғындыру.
Осындай тағылымды әдеби іс-шаралар оқушылардың рухани дүниесін байытып, ой-өрісін кеңейтуге, кітап оқу мәдениетін қалыптастыруға және ұлттық әдеби мұрамызды дәріптеуге ықпал етеді.
https://www.instagram.com/reel/Delga5ku6nC/?srtk=YjVoaTR5YnhvZTgz
