«Адал азамат» біртұтас тәрбие бағдарламасы негізінде «Балалар кітапханасы» және «Кітап оқитын ұлт» жобасы аясында Қабдеш Жұмаділовтің 90 жылдық мерейтойына орай әдеби кеш өткізілді. Іс-шараның мақсаты – оқушыларға көрнекті жазушының өмірі мен шығармашылығын таныстыру, тарихи туындыларының мән-маңызын ұғындыру және ұлттық тарихқа деген қызығушылығын арттыру.
Әдеби кеш барысында жазушының «Тағдыр» романына ерекше назар аударылды. Мемлекеттік сыйлыққа ие болған бұл тарихи шығармада XIX ғасырдың 80-жылдарындағы Ресей мен Цин империялары арасындағы шекараның белгіленуі және оның қазақ халқының тағдырына тигізген әсері көркем суреттеледі. Романның басты кейіпкері – Демежан. Шығарма «Жол торабы», «Тағдыр», «Уақыт керуені» және «Дар ағашы» атты төрт бөлімнен тұрады.
8а-8б сынып оқушылар «12 ай-12 кітап» жобасы аясында «Тағдыр» романын оқып тарихи маңызы мен көркемдік ерекшеліктері туралы мағлұмат алды. Әдеби кеш жас ұрпақтың ұлттық құндылықтарды бағалауына, тарихи санасын қалыптастыруына және қазақ әдебиетіне деген сүйіспеншілігін арттыруға ықпал етті.
https://www.instagram.com/reel/DeoYecpOW91/?obrf=dW44NG14ZzBzcTB0
