1 мамыр – Қазақстан халқының бірлігі күні мерекесіне орай мектебіміздің ұстаздарының қатысуымен тағылымы терең, мәні айрықша құттықтау челленджі ұйымдастырылды.
Челлендждің басты мақсаты – кең байтақ елімізде өмір сүріп жатқан сан түрлі ұлт пен ұлыс өкілдерінің арасындағы достық пен татулықты дәріптеу, бірлік пен ынтымақтың асыл құндылықтарын жас ұрпақтың бойына сіңіру. Шара барысында қатысушылар әр ұлттың ұлттық киімдерін киіп, олардың мәдениеті мен салт-дәстүріне деген зор құрметін көрсетті.
Бұл челлендж – тамыры тереңге жайылған достықтың, жүректерді жақындастырған сыйластықтың, ортақ шаңырақ астындағы берекелі бірліктің жарқын айғағы болды. Әрбір қатысушының ықыласы мен шынайы ниеті көпұлтты еліміздің татулығы мен келісімінің көрінісін айшықтай түсті.
Қазақстанда өмір сүріп жатқан барша ұлт өкілдерін осы айтулы мерекемен шын жүректен құттықтай отырып, елімізде әрдайым бейбітшілік пен келісім салтанат құрып, ынтымақ пен бірлік мәңгілікке жалғаса берсін деп тілейміз. Ортақ Отанымыз – Қазақстанның көк байрағы биікте желбіреп, болашағы нұрлы, келешегі кемел болсын!
https://www.instagram.com/reel/DXwfSsHIWpR/?igsh=NjlhbDlydGw5aW0y
