2026 жылғы 1 қазан – Қарттар күніне орай мектебімізде ардагер қызметкерлерімізге арналған «Қарттарым – асыл қазынам» атты мерекелік концерт ұйымдастырылды.
Қариясын қадірлеген елдің қазынасы мол. Үлкенге құрмет көрсету, олардың өмірлік тәжірибесі мен өнегелі жолын жас ұрпаққа үлгі ету – халқымыздан келе жатқан асыл дәстүр. Осы игі мақсатты арқау еткен мерекелік кешіміз ардагерлерімізге деген құрмет пен ыстық ықыласқа толы болды.
Мерекелік шара барысында мектебіміздің оқушылары, ата-аналар қауымы мен ұстаздарымыз өз өнерлерін ортаға салып, әсем ән мен күмбірлеген күй, әсерлі өнерлерін тарту етті. Сондай-ақ аудандық Мәдениет үйінің маманы Хабай Гүлім мерекелік кештің көркін қыздырып, әсем әнімен көпшілікке көтеріңкі көңіл күй сыйлады.
Ардагерлерімізге жүрекжарды тілектер айтылып, олардың білім мен тәрбие саласына сіңірген еңбектеріне құрмет көрсетілді. Кеш қонақтары өнерпаздарға ақ баталары мен шынайы алғыстарын білдіріп, мерекелік шарадан ерекше әсер алды.
Қарттарымыз – өткеніміздің шежіресі, бүгініміздің берекесі, ұрпағымызға жол көрсетер даналықтың қайнар көзі. Олардың әрбір ақылы мен өнегелі өмір жолы – кейінгі буын үшін баға жетпес мұра.
https://www.instagram.com/reel/Dd9eBMPOvZ9/?stkn=MWFyczYwaWFjeGpicA==
