2025 жылғы 21 қарашада Шарбақты ауданының полиция бөлімі қызметкерлерімен бірлесіп 7–11 сынып оқушылары арасында «Лудоманияның алдын алу» тақырыбында ақпараттық-түсіндіру жұмыстары жүргізілді.
Іс-шараның негізгі мақсаты – жасөспірімдер арасында құмар ойындарға әуестенудің зиянды салдарын түсіндіру, қауіптің алдын алу және құқықтық мәдениетті қалыптастыру болды. Шарбақты ауданы ПБ ОТЗЗҚКТ аға инспекторы Мирамгүл Токпаева мен Шарбақты ауданы ПБ УПИ инспекторы Сұлтан Базаров оқушыларға лудоманияның психологиялық, әлеуметтік және құқықтық тәуекелдерін жан-жақты түсіндіріп, күнделікті өмірде өз қауіпсіздігін қамтамасыз ету жолдарын атап өтті.
Кездесу барысында жасөспірімдер онлайн ойындар, бәс тігу платформалары, әлеуметтік желілердегі жасырын жарнамалар туралы маңызды ақпарат алды. Сонымен қатар, құқық қорғау мамандары оқушылардың сұрақтарына жауап беріп, қиын жағдайға тап болғанда қайда және қалай жүгіну керектігі жөнінде кеңес берді.
https://www.instagram.com/reel/DRbZQjWiJDC/?igsh=MWF1dmN0dDRmMjRweA==
