2026 жылғы 23 ақпанда мектебімізде 9-сынып қыздарына арналған «Менің шекарам және таңдауым» атты дөңгелек үстел ұйымдастырылды.
Мақсаты: оқушы қыздардың репродуктивті денсаулық саласындағы сауаттылығын арттыру, келеңсіз жағдайлардың алдын алу, тұлғалық шекараны қорғай білу дағдыларын қалыптастыру.
Шара барысында қыздармен ашық әңгіме жүргізіліп, денсаулықтың маңыздылығы, жеке қауіпсіздік, ерте жүктіліктің алдын алу, жауапты шешім қабылдау және өз құқығын білу мәселелері жан-жақты талқыланды. Қатысушылар өз ойларымен еркін бөлісіп, көкейлеріндегі сұрақтарына жауап алды.
Кездесу барысында сенімділік пен өзара құрметке негізделген орта қалыптасып, қыздардың өз-өзіне деген сенімділігін арттыруға бағытталған мазмұнды пікір алмасу өтті.
Іс-шараны мектеп педагог-психологы Смаилова А.С. өткізді.
https://www.instagram.com/reel/DVG3G85iIlg/?igsh=MXhzMmg2ZW1kbXZwNw==
