Абай Құнанбаев атындағы жалпы орта білім беру мектебінде 2025–2026 оқу жылында математика-жаратылыстану бағытындағы оқу пәндері бойынша зертханалық талдау, жинақтау жұмыстары жүйелі түрде жүргізілуде. География пәнінен глобустармен және физикалық карталарды кеңінен қолдана отырып, әлемді , жерді тану мақсатында жұмыстар жүргізілуде.
Химия пәнінен «Металдардың химиялық қасиеттері» тақырыбы аясында зертханалық тәжірибелер жүргізіліп, металдардың белсенділігі бойынша қышқылдармен, сілтілермен, оксидтермен және тұз ерітінділерімен әрекеттесу ерекшеліктеріне тәжірибе жүзінде дәлелденуде.
Биология сабағында тіршілік әлемі жасушалардан тұратынын дәлелдеу мақсатында сабақ барысында тәжірибелік жұмыстар ұйымдастырылды. Оқушылар өз қолдарымен микропрепарат дайындап, микроскоп арқылы жасуша құрылысын бақылау жүргізді.
Сонымен қатар инклюзивті білім беру бағыты аясында ерекше білім беру қажеттіліктері бар оқушылармен жүйелі жұмыстар ұйымдастырылып, әрбір білім алушыға қолжетімді әрі сапалы білім беру ортасы қалыптастырылуда.
https://www.instagram.com/reel/DUsIOP1COZB/?igsh=cXBhZGx4ODF0b2h4
