2026 жылғы 17 сәуір күні Шарбақты тарихи-өлкетану музейінде «Ұмытылған кадрлар: Дмитрий Багаев мұрағатын ашу» атты жылжымалы фото көрменің салтанатты ашылуы өтті.
Аталған мәдени іс-шараға мектебіміздің 8 «А» және 8 «Б» сынып оқушылары қонақ ретінде қатысып, тарихи мұрамен танысуға тамаша мүмкіндік алды.
Көрме барысында оқушылар бұрын-соңды көпшілік назарына ұсынылмаған бірегей фотосуреттерді алғашқылардың бірі болып тамашалады. Бұл фототуындылар – өткен дәуірдің тыныс-тіршілігін, адамдардың өмір салтын, сондай-ақ Павлодар өңірінің бай тарихы мен мәдениетін шынайы бейнелейтін аса құнды дереккөз болып табылады.
Іс-шара оқушылардың тарихи танымын кеңейтіп, туған жерге деген құрмет пен қызығушылықтарын арттыруға ықпал етті. Осындай тағылымды көрмелер жас ұрпаққа өткенді бағалап, болашақты саналы құруға бағыт-бағдар беретіні сөзсіз.
https://www.instagram.com/reel/DXXBO2PiC-6/?igsh=MWE5bnNjcWJ6NXY1OA==
