2026 жылғы 20 сәуірде «Заң және тәртіп» жобасы аясында пилоттық жоба ретінде, бекітілген кестеге сәйкес алғашқы сабақ «Құқықтық сауаттылық: балалардың құқықтары мен міндеттері» тақырыбы бойынша 10-сынып оқушылары арасында өткізілді.
Аталған сабақтың негізгі мақсаты – білім алушылардың құқықтық сауаттылығын арттыру, заң талаптарын құрметтеуге тәрбиелеу және құқықбұзушылықтың алдын алу болып табылады.
Сабақты жобаны жүзеге асыру мақсатында арнайы даярлықтан өткен тәлімгер Джанаев Азамат Төлегенұлы жүргізді. Сабақ барысында оқушыларға құқықтық мәдениет негіздері, заң алдындағы жауапкершілік, сондай-ақ жасөспірімдер арасындағы құқықбұзушылықтың алдын алу мәселелері жан-жақты түсіндірілді.
Оқушылар сабаққа белсенді қатысып, өз ойларын ортаға салып, сұрақтар қойып, өзекті тақырыптар төңірегінде пікір алмасты. Мұндай тағылымды сабақтар жас ұрпақтың құқықтық санасын қалыптастырып, тәртіпті, жауапкершілігі жоғары азамат болып қалыптасуына оң ықпал етеді.
https://www.instagram.com/reel/DXY-eL-CDYt/?igsh=MWM1bWdnZGU5bDUxNA==
