2026 жылғы 20 сәуірде «Адал азамат» біртұтас тәрбие бағдарламасы аясында мектеп оқушылары арасында тәрбие сағаттары мен қауіпсіздік сабақтары ұйымдастырылды. Шараның негізгі мақсаты – оқушыларға буллингтің алдын алу, оның зияны мен салдары туралы кеңінен түсіндіру, сондай-ақ қауіпсіз мінез-құлық дағдыларын қалыптастыру болды.
«Булингтен сақ болайық» тақырыбында өткен тәрбие сағаттарында оқушыларға буллинг ұғымы, оның түрлері (психологиялық, физикалық, кибербуллинг) және одан қорғану жолдары жан-жақты түсіндірілді. Оқушылар түрлі өмірлік жағдайларды талқылап, өз ойларын ортаға салды, рөлдік ойындар арқылы қиын жағдайлардан шығу жолдарын үйренді. Сонымен қатар, бір-біріне құрметпен қарау, достық қарым-қатынас орнату, қиын жағдайда үлкендерден көмек сұраудың маңыздылығы атап өтілді.
Қауіпсіздік сабақтары барысында оқушыларға мектепте, көшеде және интернет кеңістігінде өзін-өзі қауіпсіз ұстау ережелері түсіндірілді. Әсіресе әлеуметтік желілердегі қауіпсіздік, бейтаныс адамдармен қарым-қатынас жасау кезіндегі сақтық шаралары, төтенше жағдайларда дұрыс әрекет ету жолдары туралы маңызды ақпараттар берілді.
Шара барысында оқушылар белсенділік танытып, өз пікірлерін ашық жеткізе білді. Мұндай тәрбиелік іс-шаралар оқушылардың құқықтық сауаттылығын арттырып қана қоймай, олардың қауіпсіз әрі жауапты тұлға болып қалыптасуына ықпал етеді.
https://www.instagram.com/p/DXZR-iuiFz2/?igsh=MXVjaXBpcmhjY3JoYQ==
