Біздің мектебімізде мектепішілік «Абай оқулары» көркемсөз сайысы өткізілді. Сайыстың негізгі мақсаты – ұлы ақын Абай Құнанбаев шығармаларын насихаттау арқылы оқушылардың әдебиет пәніне деген қызығушылығын арттыру, көркем сөз оқу шеберлігін жетілдіру және сөздік қорларын дамыту болды. Сайыс барысында оқушылар ақынның өлеңдерін мәнерлеп оқып, оның терең ойлы туындылары арқылы өздерінің өнерін көрсетті. Қатысушылардың әрқайсысы шығармаларды сезіммен жеткізіп, көрермендерге ерекше әсер қалдырды. Сайыс қорытындысы бойынша бастауыш сынып оқушылары арасында:
1-орын – Нұрасыл Қайыртасов (4 «Б» сынып),
2-орын – Жұмагүл Өмирзах (4 «А» сынып оқушысы,
3-орын – Дінмұхаммед Мәндбаяр (3 «Б» сынып оқушысы) иеленді.
Ал орта буын оқушылары арасында:
1-орын – Жансұлу Ерген (9 «Б» сынып),
2-орын – Ақманай Кенжебай (5 «Б» сынып),
3-орын – Нұрсәуле Серік (8 «А» сынып) жүлдегер атанды.
Қалған қатысушылар алғыс хаттар және сыйлықтармен марапатталды.
Осындай тәрбиелік мәні зор іс-шаралар оқушылардың рухани дамуына ықпал етіп, ұлттық әдебиетке деген құрметін арттыра түседі.
https://www.instagram.com/reel/DXecTHpCLKT/?igsh=aXdybngwN2pxdnQz
