Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

"Даналық мектебі"  және "Балалар кітапханасы" жобасы аясында бастауыш сынып оқушылары мен ауылымыздың ақжаулықты әжелердің кездесуі  "Әжемнің өнегесі"  тақырыбында өтті. Бұл кездесуде ақжаулықты әжелеріміз балаларға ертегілер айтып, оның мән — мағынасын түсіндіріп өтті.Әңгіме барысында ертегілердің түрлерін ажыратын,қай ертегі қандай жанырға жататыны түсіндірілді.Оқушылар белсене қатысып өз ойлармен бөлісті,өте қызықты рухани азық алды. 

«Балалар кітапханасы» және «Оқуға құштар мектеп» жобасы аясында «Демалыста кітап оқимыз» атты кітап оқу шарасы өтті.Мақсаты:Кітап – рухани сарқылмас қазына. Кітап деген де, әр адамның түсінігі әр түрлі. Мәселен біреулер ермек үшін оқыса, біреулер адам өміріңдегі маңызы, ғылым мен білімнің пайдасы деп түсінеді. Білімнің қайнар бұлағы- кітап деп бекер айтпаған.Сондықтан да мұны адамзаттың баға жетпес құндылығы деп мектебіміздің оқушылары кітап оқып, күзгі демалысты пайдалы өткізуге тырысты.

«Балалар кітапханасы» және «Оқуға құштар мектеп»  жобасы аясында «Қыран елім-Қазақстан» атты көңілді ойын өтті. Мақсаты:  Оқушыларды отансүйгіштікке, адамгершілікке, Отанына адал қызмет етуге, елінің Туын, Елтаңбасын, Әнұраннын қастерлеуге, халқының тегін, тарихын білуге тәрбиелеу.  Бірлік, татулық, ынтымақ! Халық осы үш ұғымның қадірін жақсы біледі. Қазақстан Республикасы жүздеген ұл пен ұлыстың басын біріктіріп, ынтымағын жарасып отырған ұлы мемлекет. 

«Балалар кітапханасы» жобасы аясында «Шоқтығы биік-Шоқан» атты библиографиялық сағат өтілді.  Шоқан мұрасынан жан –жақты хабардар ету, өмір сүрген қоғамдық әлеуметтік кезеңімен таныстыру; Өміріне шығармашылығына оқушылардың қызығушылығын оятып елжандылық, эстетикалық және ұлттық құндылықтарды сіңіру, ұжымдық шығармашылыққа тәрбиелеу. 

"Оқуға құштар мектеп" жобасы аясында  «Кітап оқуға 20 минут арнаймын» атты кітап оқу үлкен үзілісте өткізіліп отырады . Мақсаты:Оқырмандардың оқуға деген қызығушылықтарын арттыру. Оқу дағдыларын қалыптастыру. Сөздік қорын байыту. Үзіліс кезінде оқушылар кітапханаға мектеп дәлізінде орналасқан көрмедегі кітаптарды оқиды.Оқып сол кітап жайлы сипаттама береді.

«Оқуға құштар мектеп» жобасы аясында  «Bookcrossing»  Өзің оқы, басқалар да оқысын! атты пікір алмасу өтілді.Мақсаты: Еліміздің азаматтары қазіргі заманға сай білімді, мәдениетті, оған қоса адамгершілік, кішіпейілділік, қайырымдылық, шындық, адалдық, үлкендерді құрметтей білу сияқты асыл қасиеттер бала бойына кітап арқылы біртіндеп сіңеді. Баланы кітап оқуға көбірек баулу және пайдалы оқу үшін, ең басты балаларға кітапты сүюге көмектесу керек. Оқушыны өз бетімен кітап оқуға үйрету, оны қалыптастыру оқушыны өмірге дайындаудың негізі болып табылады.

Шарбақты ауданының ішкі саясат және тілдерді дамыту бөлімі  Шарбақты аудандық орталықтандырылған  кітапхана жүйесімен бірлесе мектеп оқушылар арасында «Ғажайып алаңы» қызықты және танымдық ойын өткізді. 

Көпшілікке  таныс ойын арқылы мемлекеттік тілді құрметтеу, қолдану аясын кеңейту  және  қазақстандық балалар жазушысы, балалар туралы көптеген шығармалардың авторы, ақын Бердібек Соқпақбаевтың өмірбаяны мен шығармашылығы жайында сұрақтар қойылып, жүйрік жауап берген қатысушылар келесі кезеңдерге  өтіп, финалға шығып,  Самат Алихан  жеңімпаз атанды.  Шара барысында Абай мектебінің оқушылары Ерген Нұрислам, Зинатұлы Әли  және Зинатқызы  Әмина  өнер көрсетті. Барлық қатысушылар грамота, алғыс хат және  бағалы сыйлықтармен марапатталды.

«Оқуға құштар мектеп» жобасы аясында «Абайлаңдар балалар!» атты викторина ойыны өтілді. Мақсаты: Оқушыларға жолда жүру ережесін үйрете отырып олардан алған білімдерін пысықтау.
Өз ойларын ашық айтуға, көше тәртібі белгілерін жатқа айтуға дағдыландыру.
Оқушыларды мейірімділікке, байқағыштыққа тәрбиелеу.