Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 6 сәуірде мектебімізде Шарбақты ауданының жалпы орта мектептерінің 10–11 сынып оқушыларына арналған маңызды әрі мазмұнды кәсіби бағдар беру кездесуі өтті. Кездесуге «Торайғыров университеті» КЕАҚ өкілдері қатысып, болашақ түлектерге бағыт-бағдар берді.
Кездесу барысында оқушылар жоғары оқу орнына түсу ережелерімен, ҰБТ өту балдарымен, білім беру бағдарламаларымен және университеттің қызықты да қарқынды студенттік өмірімен кеңінен танысты. Университет өкілдері әрбір оқушының көкейіндегі сұрақтарға жан-жақты жауап беріп, олардың болашақ мамандық таңдауда дұрыс шешім қабылдауына ықпал етті.
Бұл кездесу – оқушылар үшін үлкен мүмкіндіктерге жол ашатын, арманға қанат бітіретін маңызды қадамдардың бірі болды. Жастардың білімге деген құлшынысын арттырып, болашаққа сеніммен қадам жасауына серпін берген тағылымды шара ретінде есте қалды.

https://www.instagram.com/reel/DW3m6tDiPm2/?igsh=MWszMDF5aTFzcmtuNA==

Білімді ұрпақ – жарқын болашақ кепілі!
Мектебімізде бастауыш сынып апталығы аясында 3 “Б” сыныбында математика пәнінен «134×5, 670:5 түріндегі жазбаша көбейту және бөлу» тақырыбында ашық сабақ өткізілді.
Сабақты бастауыш сынып мұғалімі Айтжанова Махаббат Дауреновна жоғары деңгейде ұйымдастырды.
Сабақ барысында оқушылар үш таңбалы санды бір таңбалы санға жазбаша көбейту және бөлу алгоритмін қолданып, түрлі әдіс-тәсілдер арқылы өз білімдерін көрсетті. Оқушылардың белсенділігі артып, логикалық ойлау, есеп шығару, салыстыру және талдау дағдылары дамытылды.
Ашық сабақта жеке, топтық, ұжымдық және практикалық жұмыстар тиімді ұйымдастырылып, оқушылар тапсырмаларды қызығушылықпен орындады. Сабақ мазмұны білім алушылардың пәнге деген қызығушылығын арттырып, өздігінен ой қорытуына мүмкіндік берді.
Сабақтың тәрбиелік бағыты да назардан тыс қалмай, еңбекқорлық пен кәсіби біліктілік құндылықтары негізінде оқушыларды еңбекті құрметтеуге, жауапкершілікке және ұқыптылыққа баулу көзделді.

https://www.instagram.com/p/DW6NLSrCGET/?igsh=bGQxeTc3dXM2YTh2

1 “Б” сыныпбында математика пәнінен “20 көлеміндегі сандарды қосу және азайту” тақырыбында ашық сабақ өтті.
1 “Б” сынып оқушыларының математикалық білімінің негізін қалыптастыруда маңызды орын алады. Сабақтың негізгі мақсаты – оқушыларға 20 көлеміндегі сандарды қосу және азайту тәсілдерін меңгерту, есептеу дағдыларын дамыту және логикалық ойлау қабілеттерін жетілдіру.
Сабақ барысында оқушылар сандар қатарын қайталап, 20-ға дейінгі сандардың құрамын оқуды үйренді. Екі таңбалы сандарға, бір таңбалы сандарды ауызша қосу және азайтуға дағдыланды. Оқушылар қарапайым есептер шығару арқылы білімдерін тәжірибеде қолданады.
Сонымен қатар, жұптық және топтық жұмыстар ұйымдастырылып, әртүрлі ойын элементтері енгізіледі. Бұл әдістер оқушылардың пәнге деген қызығушылығын арттырып, белсенділігін күшейтеді.
Сабақ соңында оқушылардың білімдері қорытындыланып, кері байланыс жүргізіледі. Осы тақырыпты меңгеру нәтижесінде оқушылар 20 көлеміндегі сандарды еркін қосып, азайта алады және қарапайым есептерді өз бетінше шығара біледі.

https://www.instagram.com/p/DW6NcsWCKTu/?igsh=aHJkaTJlbW83bzQz

Апталық аясында оқушылар үшін көңілді үзіліс кезінде “Мақал – мәтелдерді жалғастыр” атты танымдық ойын ұйымдастырылды. Ойынның мақсаты – оқушылардың халық ауыз әдебиетіне деген қызығушылығын арттыру, ойлау қабілеттерін дамыту және сөздік қорларын байыту.

Ойын барысында жүргізуші мақал-мәтелдердің басын айтып, оқушылар жалғасын табуға тырысты. Қатысушылар белсенділік танытып, жылдам әрі дұрыс жауап беруге ұмтылды. Әр дұрыс жауап үшін оқушылар мадақталып, ойын қызықты әрі тартымды өтті.

Бұл іс-шара оқушылардың тапқырлығын, зеректігін шыңдап қана қоймай, ұлттық құндылықтарды құрметтеуге тәрбиеледі. Көңілді үзіліс оқушыларға көтеріңкі көңіл-күй сыйлап, олардың сабаққа деген ынтасын арттырды.

https://www.instagram.com/reel/DW5qLpvCNKA/?igsh=MXZvNzN4N21qZ2l0bQ==

Мектебімізде бастауыш сыныптар апталығының ашылу салтанаты жоғары деңгейде ұйымдастырылды. “Білімнің бастау бұлағы – бастауышта” атты апталықтың басты мақсаты – оқушылардың білімге деген қызығушылығын арттыру, шығармашылық қабілеттерін дамыту және ұстаздар мен оқушылар арасындағы байланысты нығайту.

Апталықтың ашылу рәсімі салтанатты жиынмен басталды. Іс-шара барысында оқушылар өлең оқып, ән айтып өз өнерлерін көрсетті. Сонымен қатар, апталық жоспары таныстырылып, әр күнге белгіленген тақырыптар мен өткізілетін іс-шаралар туралы мәлімет берілді.

Апталық аясында ашық сабақтар, зияткерлік ойындар, танымдық сайыстар, көрмелер және түрлі шығармашылық жұмыстар ұйымдастырылады. Бұл іс-шаралар оқушылардың жан-жақты дамуына, білімдерін тереңдетуге және өз мүмкіндіктерін көрсетуге мүмкіндік береді.

Апталықтың ашылуы көтеріңкі көңіл-күй сыйлап, оқушыларды белсенділікке, ізденімпаздыққа жетеледі. Алдағы күндері өтетін іс-шаралар да қызықты әрі мазмұнды болады деген сенімдеміз.

https://www.instagram.com/reel/DW3nKjPiJIR/?igsh=cDVtbjZzNnB4dTI4

Сәуір айының 6–11 күндері аралығында мектебімізде бастауыш сынып апталығы өтеді. 🌟
Апталық аясында оқушылардың білімге деген қызығушылығын арттыруға, шығармашылық қабілеттерін дамытуға бағытталған ашық сабақтар, танымдық ойындар, зияткерлік сайыстар, тәрбиелік іс-шаралар ұйымдастырылады.
Бастауыш – білімнің іргетасы.
Осы апталықта шәкірттеріміз өз қабілеттерін танытып, жаңа белестерге қадам басады деп сенеміз.

Баршаңызды бастауыш сынып апталығына шақырамыз!

https://www.instagram.com/reel/DWyqBDrCCVf/?igsh=ZjJoMTFzOG85ZWxk

 2026 жылдың 3 сәуірінде мектебімізде ерекше білімді қажет ететін балалардың ата-аналарына арналған  «Ерекше білім беру қажеттіліктері бар балаларға ата-ана ретінде қалай жақын болу керек» атты шеберлік сағаты өткізілді. Іс-шараның басты мақсаты – ата-аналарды инклюзия кабинетімен таныстыру және олардың балаларының дамуына қажетті құралдармен жұмыс істеу әдістерін көрсету болды.

Шеберлік сағаты барысында қатысушыларға инклюзия кабинетінің толық жабдықталуы көрсетілді. Кабинет заманауи жаңа құрал-жабдықтармен қамтамасыз етілген, бұл балалардың жан-жақты дамуына, соның ішінде сөйлеу, танымдық және ұсақ моторикалық дағдыларын жетілдіруге мүмкіндік береді.

Ата-аналарға дидактикалық материалдар, үлестірмелі құралдар және түрлі тренажерлармен жұмыс жүргізу жолдары түсіндірілді. Қатысушылар практикалық жаттығулар арқылы балаларымен бірге қолдануға болатын әдістерді үйренді.

Шеберлік сағаты барысында ата-аналар белсенділік танытып, өз пікірлері мен ұсыныстарымен бөлісті. Ата-аналар іс-шараның өте пайдалы екенін айтып, жаңа ақпарат алып, практикалық дағдыларды меңгергендерін атап өтті.

Бұл шеберлік сағаты инклюзиялық білім беру үдерісіне ата-аналардың белсенді қатысуын арттыруға және балалардың дамуына қажетті жағдай жасауға үлкен үлес қосатыны анық көрінді.