Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2025 жылғы 7 қарашада «Заң және тәртіп» тұжырымдамасын іске асыру мақсатында оқушылардың қауіпсіздігін қамтамасыз ету үшін мектембімізде 9–11-сынып оқушылары арасында мобильді телефон арқылы анонимді сауалнама өткізілді.
Сауалнаманың негізгі міндеті – жасөспірімдер арасындағы құқықбұзушылықтардың алдын алу, олардың қауіпсіздігін арттыру, сондай-ақ оқу орындарында құқыққа қарсы іс-әрекеттердің салдары туралы оқушылардың түсінігін қалыптастыру.
Зерттеудің мақсаты – балалардың мектепте және үйде өздерін қауіпсіз әрі жайлы сезіну деңгейін анықтау, сондай-ақ буллинг (қорлау, мазақ ету) жағдайларының алдын алу бойынша мәліметтер жинау.

Сауалнамаға жауапты: Смаилова А.С.

https://www.instagram.com/reel/DQ_1xUoiJXV/?igsh=MWI5aWt0YnkwMjFsNQ==

2025 жылғы 3 қараша күні «Адал азамат» біртұтас тәрбие бағдарламасы аясында барлық сыныптарда «Адал азамат – Адал еңбек – Адал табыс» тақырыбында қауіпсіздікке бағытталған тәрбие сағаттары өткізілді.
Іс-шараның мақсаты – оқушылардың адалдық, еңбексүйгіштік, жауапкершілік қасиеттерін дамыту, сонымен қатар өз өмірі мен денсаулығын қорғау, қауіпсіздік мәдениетін қалыптастыру болды.
Сабақтар барысында оқушылар жасанды интеллект мүмкіндіктері, үйдегі және интернет кеңістігіндегі қауіпсіздік шаралары, әлеуметтік желідегі қауіпті ойындардан сақтану жолдары, денсаулықты сақтайтын пайдалы әдеттер, халықаралық көмекке шақыру белгілері, қиын жағдайдағы достық пен жанжалда достарға қауіпсіз көмек көрсету тәсілдері, күмәнді келісімдерден аулақ болу және зорлық-зомбылықтан қорғану тақырыптары бойынша пікір алмасып, өз ой-пікірлерін ортаға салды. 

“Адал азамат” біртұтас тәрбие бағдарламасы негізінде, күзгі каникул кезіндес оқушылардың бос уақытын тиімді әрі қауіпсіз өткізу мақсатында сынып оқушыларымен қауіпсіздік техникасы жайында әңгімелесу өткізілді. Іс-шараға Шарбақты ауданының полиция бөлімінің кәмелетке толмағандар ісі жөніндегі учаскелік полиция инспекторы Аязбаева Д.К. және әлеуметтік педагог Садвакасова Ж.Е. қатысты.
Кездесу барысында оқушыларға көшеде, жолда, үйде және қоғамдық орындарда қауіпсіздік ережелерін сақтау, бейтаныс адамдармен қарым-қатынас кезінде абай болу, интернеттегі қауіпсіздік мәселелері туралы түсіндірме жұмыстары жүргізілді. Сондай-ақ, төтенше жағдайлар туындаған жағдайда қайда және кімге жүгіну керектігі туралы ақпарат берілді.
Іс-шара оқушылардың қауіпсіздік мәдениетін қалыптастыруға және олардың жауапкершілігін арттыруға бағытталды.

Қазіргі заманда әрбір баланың өмірі интернетпен тығыз байланысты. Онлайн оқу, ойын, араласу – бәрі де цифрлық әлемде өтеді. Сол себепті ақпараттық қауіпсіздік мәдениетін қалыптастыру – әрқайсымыздың міндетіміз.

✨ Цифрлық қауіпсіздік – бұл жеке деректеріңді қорғау, желіде әдепті болу және интернетті саналы пайдалану.
Біздің мақсат – оқушылардың цифрлық сауаттылығын арттыру, оларды қауіпсіз интернет қолдануға үйрету.

📱 Қарапайым ережелерді есте сақтайық:
1️⃣ Құпия сөздеріңді ешкімге айтпа.
2️⃣ Бейтаныс сілтемелер мен хабарламаларға сенбе.
3️⃣ Интернетте сыпайы, жауапты бол.
4️⃣ Әрқашан өзіңді және достарыңды қорға!

Саналы ұрпақ – қауіпсіз цифрлық қоғамның кепілі! 

Бүгінгі цифрлы дәуірде интернет – білім мен дамудың кең алаңы. Алайда, оның ар жағында қауіп те бар екенін ұмытпауымыз керек.
Сондықтан әрбір оқушы, ата-ана және ұстаз цифрлық қауіпсіздік мәдениетін қалыптастыруға атсалысуы тиіс.

💡 Цифрлық қауіпсіздік – бұл тек пароль мен деректерді қорғау емес,
ол – әдептілік, жауапкершілік және саналы интернет қолдану мәдениеті.

✅ Есте сақтайық:
• Құпия сөздеріңізді ешкіммен бөліспеңіз;
• Бейтаныс адамдармен желіде сөйлескенде сақ болыңыз;
• Күмәнді сілтемелерге өтпеңіз;
• Интернетте өз абыройыңызды қорғаңыз!

Біздің мақсат – оқушыларымыздың цифрлық сауаттылығын арттырып, қауіпсіз интернет кеңістігін қалыптастыру.
Өйткені, саналы ұрпақ – қауіпсіз болашақтың кепілі! 

https://www.instagram.com/reel/DP4ITP4iM2j/?igsh=MWI4ZXNrb21rMnEwZg==

Бүгінгі сынып сағатында екі маңызды тақырып қамтылды:

Алдымен 10 минуттық қауіпсіздік сағаты – «Буллингтен қорған» өтті. Балаларға бір-бірін құрметтеу, досқа қолдау көрсету және буллингтің алдын алу жолдары түсіндірілді.

Одан кейін тәрбие сағаты – «Менің анам – менің кейіпкерім». Оқушылар аналарына деген сүйіспеншіліктерін білдіріп, отбасы құндылықтары жайлы ой бөлісті.

Мұндай сабақтар оқушылардың мейірімді, жауапты әрі қауіпсіз ортада өсуіне ықпал етеді.

https://www.instagram.com/p/DOoGMh2CLxe/?igsh=MTB6cjY0b2Y3dml3bg==

Оқушылардың жол жүру ережесі – бұл балалардың көшеде, мектепке барарда немесе үйге қайтарда қауіпсіз жүріп-тұруын қамтамасыз ететін міндетті тәртіптер мен нұсқаулар жиынтығы. Ол жолда жүру, бағдаршамға бағыну, жаяу жүргінші өткелін пайдалану, көліктен сақтану сияқты ережелерді қамтиды. Мұндай ережелер оқушылардың өмірін қорғап, жол-көлік оқиғаларының алдын алуға көмектеседі.
Жол қауісіздігі ережесімен таныструшылар 2"А" және 2"Б" сынып оқушылары.

https://www.instagram.com/reel/DOoYio6E1vl/?igsh=MXFhNnYwcDZpbnVxdQ==

Шарбақты ауданының ТЖ бөлімінің қызметкері Абай Құнанбаев атындағы ЖОББ мектебінде өрт қауіпсіздігі тақырыбында түсіндірме әңгіме өткізіп, мультфильм көрсетті.
Оқушыларға отты және электр құралдарын дұрыс пайдалану ережелері түсіндіріліп, өрт шыққан жағдайда қалай әрекет ету керектігі айтылды, сондай-ақ өрт сөндіру қызметіне жалған қоңырау шалудың жауапкершілігі туралы ескертілді.

Арнайы назар өрт сөндіргішке аударылып, оқушыларға алғашқы өрт сөндіру құралдарын дұрыс қолдану жолдары көрсетілді және олардың қандай жағдайларда қолданылатыны түсіндірілді. Кездесу соңында балаларға тұрмыста және білім беру мекемелерінде қауіпсіздік ережелерін сақтау бойынша практикалық кеңестер берілді.

https://www.instagram.com/reel/DOeLQUojCkP/?igsh=MXRka2tzbmdpdHF6cQ==