Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

5 және 10-сынып оқушылары Болатжан Меруерт пен Жұмажан Жангелді “Абай және мен” челленджіне қатысып, Абайдың қарасөздері туралы ой тағылымдарымен бөлісті.

Алтыншы қара сөздің астарында “Егер адамдықтан азып, кісілік қасиеттен жұрдай болсаң, сенің қай жерің адам? Қалай адам болып өмір сүрмексің?” деген сұрақтар жатады. Оны түзетуге итермелейді, оны болдырмауға шақырады. Өз кемшілігін адамға білдіреді. Кемшілігін білген адамның ақылды адам екенін айтады.

Абайдың 15-қара сөзі - адамның ішкі дүниесі, орынсыз күлкі, мақтаншақтық және жастық шақтағы қайратты пайдалану туралы терең ой толғау. Абай қайғыдан арылуды орынсыз күлкіден емес, орынды әрекеттен, ғылым мен еңбектен іздеу керектігін айтып, бос өмір сүрмеуге, өнер үйренуге шақырады.

Сүрініп, жығылмауға Абайды оқы,
Абай сөзі - қазақтың бойтұмары!

https://www.instagram.com/reel/DU-uWxmCBNO/?igsh=MWZ2ejBmanp5NHpycQ==

Мектебімізде “Абай Құнанбайұлының өлеңдеріндегі адамгершілік сабақтары» атты челлендж ұйымдастырылды. Шара барысында оқушылар Абай Құнанбайұлы шығармашылығынан бір өлеңді таңдап, мәнерлеп оқыды. Сонымен қатар, өлең мазмұнын талдап, одан алынған тәрбиелік мәні зор адамгершілік қағидаларды насихаттап, өз ой-пікірлерімен бөлісті.

Челлендждің мақсаты – оқушылардың рухани-адамгершілік құндылықтарды түсінуін тереңдету, ұлттық әдебиетке деген қызығушылығын арттыру және көркем сөз оқу мәдениетін дамыту.

https://www.instagram.com/p/DU-v0nxiA3u/?igsh=d2hhMDZhazA5eHFm

Мектебіміздің мұғалімдері мен оқушылары ұлттық киімді жаңғырту және дәріптеу мақсатында жұма күні ұлттық киім кию дәстүрін әрдайым ұстанып келеді. Бұл игі бастама – ата-бабамыздан мұра болып қалған асыл қазынаны қадірлеудің, ұлттық құндылықтарды ұлықтаудың жарқын көрінісі.

Ұлттық киім – халқымыздың тарихы мен мәдениетін, болмысы мен дүниетанымын айқындайтын ерекше мұра. Осындай тағылымды шаралар арқылы жас ұрпақтың бойына ұлттық рух, отансүйгіштік сезім және дәстүрге деген құрмет қалыптасады.

Ұлттық құндылықтарымызды бірге дәріптейік!

https://www.instagram.com/reel/DU-jCQ2CKuh/?igsh=dWhhN2tqdWkwN213

Мектебімізде «Экрандағы таңдау» атты челлендж ұйымдастырылды. Шара барысында Абай Құнанбайұлының “Адам бол” қағидасына сай мінез-құлық Split-screen форматында қысқа бейнежазба түрінде түсірілді.Тәрбиелік мәні зор адамгершілік қағидалар насихатталды.

Челлендждің мақсаты – оқушылардың рухани-адамгершілік құндылықтарды түсінуін тереңдету, ұлттық әдебиетке деген қызығушылығын арттыру және оқушыға дұрыс таңдау жасаудың маңызын түсіндіру.

https://www.instagram.com/reel/DU5akNXiFxU/?igsh=MThyd2h0MWxlMTZmbA==

2026 жылғы 16 ақпанда мектептің барлық сыныптарында «Заң мен тәртіп» идеологиясы аясында дайындалған бейнероликтер тәрбие сағаттарында көрсетіліп, мазмұны жан-жақты түсіндірілді.
Тәрбие жұмысы барысында өмірден алынған бірнеше бейнероликтер мүмкіндігінше көбірек қамтылып көрсетілді. Бұл материалдар оқушылардың құқықтық сауаттылығын арттыруға және болашақта түрлі зиянды әрекеттер мен теріс әдеттерге әуестеніп кетуінің алдын алуға бағытталды.
Атап айтқанда, бейнероликтерде лудомания (құмар ойындарға тәуелділік), дропперлік әрекеттер, қаржылық пирамида, интернет-алаяқтық сияқты өзекті мәселелер кеңінен түсіндірілді. Оқушыларға аталған құқықбұзушылық түрлерінің салдары, заң алдындағы жауапкершілігі және сақтану жолдары туралы нақты ақпарат берілді.
Тәрбие сағаттарының мақсаты – оқушыларды заңды құрметтеуге, қаржылық және цифрлық қауіпсіздік мәдениетін қалыптастыруға, саналы әрі жауапты азамат болуға тәрбиелеу.

https://www.instagram.com/p/DU1xAXXCBIh/?igsh=dzgzaGJtdWdmeXN6

Мектеп қабырғасында әр оқушы өз құқығын біліп қана қоймай, міндетін де сезінуі тиіс.
Тәртіп – табыстың бастауы, ал заңға құрмет – саналы ұрпақтың белгісі.
Білімді де тәртіпті ұрпақ – жарқын болашақ кепілі! 🇰🇿

https://www.instagram.com/reel/DUuoDhiCHHb/?igsh=MTVkeXFubmlyM2praQ==

Абай Құнанбаев атындағы мектеп оқушылары «Мақал-мәтелді жалғастыр» атты танымдық челлендж түсірді 
Оқушыларымыз халқымыздың даналық сөздерін жалғастырып, өз білімдері мен тапқырлықтарын көрсетті.
Мақал – өмір тәжірибесінің айнасы, ал оны білу – ұлт рухын тану 🇰🇿
Осындай тағылымды дүниелер арқылы жас ұрпақтың сөздік қоры дамып, ұлттық тәрбиесі нығая түседі.

https://www.instagram.com/reel/DUuKcVACCYC/?igsh=NTZ4OXo4cXh6ZWR0

2026 жылғы 13 ақпанда аудандық орталық кітапханасы әкімшілігінің ұйымдастыруымен «Ауған соғысының эхосы. Жүректегі естелік» тақырыбында ауған соғысының ардагерлерімен кездесу өтті.
Аталған шараға мектебіміздің 9-сынып оқушылары қатысып, патриоттық және рухани-тәрбиелік маңызы зор кездесудің куәсі болды. Кездесу барысында ардагерлер ауған жеріндегі әскери қызмет кезіндегі бастарынан өткен қиындықтар мен естен кетпес оқиғалар туралы әсерлі әңгімелерін баяндап берді.
Оқушылар ардагерлердің әңгімелерін үлкен қызығушылықпен тыңдап, көкейлеріндегі сұрақтарын қойып, нақты әрі тағылымды жауаптар алды. Шара жас ұрпақтың отансүйгіштік рухын арттырып, ел тарихына деген құрметін қалыптастыруға ықпал етті. 

https://www.instagram.com/reel/DUsrPg8CDTa/?igsh=MXQ4aTZ2Mm01cmR6cw==