Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

2026 жылғы 18 сәуірде «Адал жүрек» Шарбақты ауданының еріктілер қозғалысы Халықаралық ескерткіштер мен тарихи орындар күні және жалпыұлттық «Таза Қазақстан» экологиялық акциясы аясында өткен «Мәдени мұраны бірге сақтайық» атты республикалық акцияға қатысты.

Акцияға мәдениет саласының өкілдері, сондай-ақ Галкин және Шалдай ауылдық округтерінің тұрғындары қосылып, қасиетті орынды абаттандыру жұмыстарына белсене атсалысты. Ғабдул-Уахит Хазірет кесенесінің аумағы құрғақ шөп пен қоқыстан тазартылды.

Бұл жай ғана сенбілік емес — туған жерге деген сүйіспеншіліктің, тарихқа тағзымның және ерекше қуат пен киесі бар орынға деген құрметтің көрінісі.

Киелі орындарды қорғап, күтіп-баптау арқылы біз мәдени мұрамызды болашақ ұрпақ үшін сақтаймыз.

https://www.instagram.com/reel/DXRiLHFDAUR/?igsh=MTIwaDEwcWwwZXhjcQ==

2026 жылғы 14 сәуірде Шарбақты аграрлық колледжінде «Тамақтандыруды ұйымдастыру» мамандығы бойынша кәсіптік бағдар беру шарасына мектебіміздің 9-сынып оқушы қыздары қатысты.
Іс-шара «Мамандыққа қадам» атты қызықты аспаздық батл форматында өтті. Шара барысында оқушылар аспаз мамандығының қыр-сырымен танысып, түрлі логикалық тапсырмаларды орындады. Сонымен қатар, практикалық бөлімде салаттар мен бутербродтар дайындауды үйреніп, өздерінің аспаздық шеберліктерін көрсете білді.
Қатысушылар берілген тапсырмаларды үлкен қызығушылықпен орындап, шығармашылық қабілеттерін танытты. Әр топ өздерінің ерекше мәзірін ұсынып, тағамдарды әсем безендіруде тапқырлық пен ұқыптылық көрсетті. Бұл шара оқушылардың мамандық таңдауға деген қызығушылығын арттырып, болашаққа деген сенімдерін нығайтты.
Осындай мазмұнды әрі пайдалы іс-шаралар жасөспірімдердің кәсіби бағыт-бағдарын айқындауға зор ықпал етеді.

https://www.instagram.com/reel/DXJr8KnCPD1/?igsh=cndlMHRld2RyNG52

Тазалық – тек сыртқы келбет емес, ол – денсаулықтың айнасы.
Қолды жиі жуу, таза киім кию, айналаны таза ұстау – қарапайым әдеттер, бірақ үлкен денсаулықтың кепілі.
Тазалық бар жерде – ауру жоқ
Су – өмірдің негізі, оны дұрыс пайдалану – мәдениет
Таза орта – таза ой мен сергек дененің бастауы
Салауатты өмір салты – әр адамның өзінен басталатын үлкен жауапкершілік. Бүгінгі кішкентай әдеттер – ертеңгі мықты денсаулықтың негізі.
Салауатты өмір салтын ұстану челленджін √3 ЖОББМ қабыл алып, √2 ЖНББМ-ге жолдайды.
Челленджді қабыл алыңыздар және салауатты өмірді бірге насихаттайық!

https://www.instagram.com/reel/DXJoAsMiNF2/?igsh=MTVmczlpY2tqcWx0eA==

2026 жылғы 15 сәуірде мектебімізде ерекше рухани шара – Арт студия үйірмесінің қатысушылары, 7 «А» сынып оқушысы Нұрдыбек Айшуақ пен 8 «А» сынып оқушысы Жандарбек Хакназардың жеке сурет көрмесі ұйымдастырылды.
Көрме барысында көрермендер жас суретшілердің шығармашылық жұмыстарымен танысып, олардың қиялы мен ішкі жан дүниесін бейнелейтін ерекше туындыларына куә болды. Әрбір суреттен өзіндік ой, терең мағына, көркемдік талғам мен шығармашылық ізденіс айқын көрініс тапты.
Айшуақ – сурет өнеріне ерекше қабілетімен көзге түсіп жүрген, болашағынан зор үміт күттіретін жас дарын. Ал Хакназар – қылқалам арқылы ойын шебер жеткізе білетін, шығармашылыққа құштар талантты оқушымыз.
Көрме аясында мектеп директоры Н.Жакупова жас суретшілерге жылы лебізін білдіріп, шығармашылық жетістіктері үшін алғыс айтты. Сонымен қатар, өнерлі оқушыларымыз ән-шашумен құттықталып, мектеп атынан мадақтамамен марапатталды.
Осындай дарынды оқушыларымыз – мектебіміздің мақтанышы!
Жас суретшілерімізге шығармашылық табыс, шабыт пен биік белестер тілейміз!

https://www.instagram.com/reel/DXJkpHwCPEl/?igsh=ZTM5NnZuZ2Ftcnp2

2026 жылғы 13 сәуірде «Адал азамат» біртұтас тәрбие бағдарламасы негізінде 1–11 сынып оқушыларына «Ғарышкерлер күні» тақырыбында тәрбие сағаттары және қауіпсіздік сабақтары өткізілді.
Аталған іс-шаралардың мақсаты – оқушыларға ғарыш әлемі туралы түсінік беру, ғарышты игерген батыр тұлғаларды дәріптеу, отансүйгіштік сезімдерін арттыру және қауіпсіздік ережелерін сақтау дағдыларын қалыптастыру болды.
Тәрбие сағаттары барысында оқушыларға ғарышкерлердің ерлігі мен еңбегі туралы бейнематериалдар көрсетіліп, танымдық әңгімелер жүргізілді. Сонымен қатар, ғарыш тақырыбында сұрақ-жауап, пікір алмасу, викториналар ұйымдастырылып, оқушылардың қызығушылығы арттырылды.
Қауіпсіздік сабақтарында оқушыларға күнделікті өмірдегі қауіпсіздік ережелері, төтенше жағдайлар кезіндегі іс-әрекеттер, сондай-ақ мектеп пен үй жағдайындағы сақтық шаралары түсіндірілді.

https://www.instagram.com/p/DXHhYuPCFGM/?igsh=NnFkMW04djg1ZXFi

2026 жылғы 7 сәуірде мектебімізде Дүниежүзілік денсаулық күніне орай әдістемелік бірлестік ұжымы арасында спорттық көңілді шара ұйымдастырылды. Бұл іс-шараның негізгі мақсаты – ұстаздардың денсаулығын нығайту, командалық рухты арттыру және салауатты өмір салтын насихаттау.
Ұстаздар үш командаға бөлініп, шынайы спорттық жанкүйерлік рухымен жарысқа кірісті: «Айсберг», «Бастау» және «Зерде». Көптеген қызықты ойындар мен тапсырмалар барысында командалар бір-бірімен бәсекелесіп, қолдауды, ынтымақтастықты және тапқырлықты көрсетті.
Жарыс қорытындысы:
🥇 1 орын – Зерде командасы
🥈 2 орын – Бастау командасы
🥉 3 орын – Айсберг командасы
Шара ұстаздарға жаңа серпіліс беріп, көңіл-күйлерін көтерді, бір-біріне деген қолдауды нығайтты және денсаулыққа деген қызығушылықтарын арттырды. Мұндай іс-шаралар командалық рухты күшейтіп, салауатты өмір салтын дәріптеу арқылы мектеп ұжымына қуаныш сыйлайды. ✨💪

https://www.instagram.com/reel/DW9Bv70iPnZ/?igsh=c3N3cGxmZWhsNHg2

Мектебімізде әр аптаның дүйсенбі күні өткізілетін жиында оқушылардың тәртібі мен мектептегі өміріне қатысты маңызды мәселелер қарастырылады. Бұл жиында бірінші кезекте оқушылардың мектепке уақытында келуі, мектеп формасын сақтау, дәлізде жүгірмеу және мектептің тазалығын сақтау сияқты тәртіпке қатысты ережелер еске салынады.
Сондай-ақ апта қорытындысы шығарылады: оқушылардың жетістіктері, тәртібіндегі оң өзгерістер және мектеп өміріне белсенді қатысуы атап өтіледі. Бұл шаралар оқушыларды жауапкершілікке, ұқыптылыққа және мектеп мәдениетін сақтауға баулиды.
Кезекшілік еткен сыныптардың атқарған жұмыстары да баяндалады: олар тазалықты сақтау, сынып және дәліздерді ретке келтіру, оқу құралдарын дұрыс орналастыру сияқты міндеттерін қалай орындағандары туралы есеп береді. Сонымен қатар, келесі аптаға кезекшілік жасайтын сынып та анықталып, оларға міндеттер тапсырылады. Бұл жүйелі тәртіп мектеп өмірінің үйлесімді өтуін қамтамасыз етеді және оқушылардың бір-біріне жауапкершілік сезімін қалыптастырады.
Осылайша, апта сайынғы дүйсенбілік жиын мектептегі тәртіпті күшейтіп, оқушылардың жауапкершілігін арттыруға бағытталған жүйелі шара болып табылады.

https://www.instagram.com/reel/DW61e0KCEUz/?igsh=MWZlOG1yZTAxZ2w4eQ==

🎙️ 11-сынып | Подкаст
Соңғы 1 тоқсанды қорытындылай отырып, оқушылар подкаст форматында өз ойларымен бөлісті ✨
Мектептегі қызықты сәттер, естеліктер, әсерлер — барлығы осы подкаста 📚💭 Әрқайсысы өз көзқарасын ашық айтып, ерекше атмосфера қалыптастырды
👏 11-сынып оқушыларына белсенділігі үшін алғыс! Соңғы тоқсан — есте қалатын кезең 💫

https://www.instagram.com/reel/DW5-VBsCPsd/?igsh=dDRpZW1waXpybTZo