Павлодар облысының білім беру басқармасы, Шарбақты ауданы білім беру бөлімінің

«Абай Құнанбаев атындағы жалпы орта білім беру мектебі» КММ
КГУ «Средняя общеобразовательная школа имени Абая Кунанбаева» отдела образования Щербактинского района, управления образования Павлодарской области

Абай Құнанбаев атындағы мектеп оқушылары «Мақал-мәтелді жалғастыр» атты танымдық челлендж түсірді 
Оқушыларымыз халқымыздың даналық сөздерін жалғастырып, өз білімдері мен тапқырлықтарын көрсетті.
Мақал – өмір тәжірибесінің айнасы, ал оны білу – ұлт рухын тану 🇰🇿
Осындай тағылымды дүниелер арқылы жас ұрпақтың сөздік қоры дамып, ұлттық тәрбиесі нығая түседі.

https://www.instagram.com/reel/DUuKcVACCYC/?igsh=NTZ4OXo4cXh6ZWR0

2026 жылғы 13 ақпанда аудандық орталық кітапханасы әкімшілігінің ұйымдастыруымен «Ауған соғысының эхосы. Жүректегі естелік» тақырыбында ауған соғысының ардагерлерімен кездесу өтті.
Аталған шараға мектебіміздің 9-сынып оқушылары қатысып, патриоттық және рухани-тәрбиелік маңызы зор кездесудің куәсі болды. Кездесу барысында ардагерлер ауған жеріндегі әскери қызмет кезіндегі бастарынан өткен қиындықтар мен естен кетпес оқиғалар туралы әсерлі әңгімелерін баяндап берді.
Оқушылар ардагерлердің әңгімелерін үлкен қызығушылықпен тыңдап, көкейлеріндегі сұрақтарын қойып, нақты әрі тағылымды жауаптар алды. Шара жас ұрпақтың отансүйгіштік рухын арттырып, ел тарихына деген құрметін қалыптастыруға ықпал етті. 

https://www.instagram.com/reel/DUsrPg8CDTa/?igsh=MXQ4aTZ2Mm01cmR6cw==

Абай Құнанбаев атындағы жалпы орта білім беру мектебінің мектеп әкімшілігі мен жас ұстаздарының бастамасымен Шарбақты ауданының «Ауыл жастары» арасында волейболдан жарыс ұйымдастырылып, «Қамқорлық» акциясы өткізілді.
Іс-шараның мақсаты — жастар арасында салауатты өмір салтын насихаттау, ұйымшылдық пен достық қарым-қатынасты нығайту. Жарыс жоғары деңгейде өтіп, қатысушылар белсенділік танытып, спорттық шеберліктерін көрсетті.

Осындай игі бастамалар алдағы уақытта да өз жалғасын табады деп сенеміз.

https://www.instagram.com/reel/DUsgWZmiI_h/?igsh=MXJ4NXk1ZW5laGdjMw==

2026 жылдың 9 ақпанында аудандық орталық кітапхана әкімшілігінің ұйымдастыруымен қазақтың ұлы ақыны, сыршыл лирик Мұқағали Мақатаевтың туғанына 95 жыл толуына орай «Мұқағали — мәңгілік поэзия» атты әдеби-музыкалық кеш өткізілді. Аталған тағылымды шараға мектебіміздің 7, 9, 10-сынып оқушылары тыңдарман ретінде қатысып, рухани әсер алып қайтты.
Кеш барысында оқушылар ақынның өмір жолы мен шығармашылық мұрасымен танысып, оның жүрекке жетер жырларын тыңдады. Мұқағали өлеңдеріне жазылған әндер орындалып, ақын поэзиясының терең мағынасы мен тәрбиелік мәні кеңінен насихатталды.
Шара оқушылардың әдебиетке деген қызығушылығын арттырып, туған тілге, ұлттық құндылықтарға деген сүйіспеншілігін нығайта түсті.
Мұқағали поэзиясы — жүректерде, оның сөзі — мәңгі!

https://www.instagram.com/reel/DUiYuCTiO6u/?igsh=eTBycGZscmQ1ZnF1

2026 жылғы 22 қаңтарда «Заң және тәртіп» жоспарына сәйкес Арт студия жетекшісі Г.С. Жабайканованың жетекшілігімен үйірме қатысушылары арасында «Заң балалар көзімен» тақырыбында сурет салу іс-шарасы ұйымдастырылды. Іс-шара барысында оқушылар заң, құқық, әділдік пен тәртіп ұғымдарын өз қиялдары арқылы бейнелеп, салған жұмыстарын таныстырып, өз ой-пікірлерімен ортаға салды. Бұл шығармашылық жұмыс балалардың құқықтық сауаттылығын арттырып, заңға деген құрмет пен жауапкершілік сезімін қалыптастыруға ықпал етті.

https://www.instagram.com/reel/DUiJBjNiEbh/?igsh=cHlkZWRzaG5iNWww

Мектебімізде қоңырау кезінде оқушыларға арналған көңілді үзіліс ұйымдастырылды.
Спорт залында өткен «Қораптағы суреттерді сәйкестендіру» ойыны оқушылардың ойлау қабілетін дамытып, қимыл-қозғалыс белсенділігін арттырды. Балалар ойынға белсене қатысып, көтеріңкі көңіл күймен уақыт өткізді. Осындай көңілді үзіліс ойындары алдағы уақытта да өз жалғасын табады.

https://www.instagram.com/reel/DUiE01siIJN/?igsh=a3M5Y2Y4djczdmhp

2026 жылғы 3 ақпанда Шарбақты аудандық тарихи-өлкетану мұражайында оқушыларымыз үшін ерекше шара өтті. Олар өңіріміздің атақты әнші-композиторы Майра Шамсутдинова өмірі мен шығармашылығымен танысты.
Майра Шамсутдинова атындағы үй-мұражайы 2001 жылы 30 қаңтарда Павлодар қаласында ашылған. Мұражай жетекшісі Рахимов Ерлан Олжайұлы сахналық өмірден қызықты деректер айтып, әншінің жеке заттары мен сәнді сахналық киімдерін оқушыларға таныстырды.
Бұл шара жас ұрпаққа мәдени мұраны дәріптеу, ұлттық өнерге деген қызығушылықты арттыру мақсатында ұйымдастырылды.

https://www.instagram.com/reel/DUiCspOCIcZ/?igsh=YTNpemRkYXc2MTls

2026 жылғы 6 ақпаннан бастап мектеп оқушылары арасында «Заң мен тәртіп» идеологиясы аясында құқықтық сауаттылықты арттыру және құқықбұзушылықтың алдын алу мақсатында бірқатар профилактикалық бейнероликтерді көрсету жұмыстары басталды.
Аталған бейнероликтерде лудоманияның алдын алу, дроппер болудың қауіпті салдары, қаржылық пирамидалардың белгілері мен зияны, жеке банк картасын бөгде тұлғаларға жалға бермеу, сондай-ақ интернет және телефон арқылы жасалатын алаяқтықтан сақтану жолдары жан-жақты түсіндірілді.
Бейнероликтер оқушылардың жас ерекшеліктерін ескере отырып, сынып сағаттары мен тәрбие сағаттары барысында көрсетілуде. Көрсетілімнен кейін оқушылармен түсіндіру жұмыстары жүргізіліп, нақты өмірден алынған мысалдар арқылы қауіпсіздік шаралары талқыланады.
Аталған іс-шаралардың басты мақсаты – оқушылардың құқықтық мәдениетін қалыптастыру, қаржылық қауіпсіздікке жауапкершілікпен қарауға үйрету және алаяқтық әрекеттердің құрбаны болудан сақтандыру.

https://www.instagram.com/reel/DUab9YKiFZs/?igsh=MXA1ZGdyN3llbjRlYg==